Asim Məmmədov: "Bəy müraciətindən zəhləm gedir"

Asim Məmmədov "Tez bazar"da

- Özünüzü 2 sözlə təqdim edin.
- Yazıçı-publisist.

- Sizi necə təqdim edəndə razı qalırsınız?
- Sən. Təntənəli müraciətlərdən, xüsusən də “bəy” sözündən zəhləm gedir.

- “Mən kiməm?” sualına necə cavab verirsiniz?
- Sadə müsəlman.

- Dost…
- Azdır, amma var.

- İlk sevginiz?
- Hər yeni sevgim ilk kimi olur.


- Əsas ixtisasınız?
- Şərqşünaslıq.

- İstifadə etdiyiniz nəqliyyat növü?
- Metro.

- Sevdiyiniz maşın markası?
- Bentley.

- Sevdiyiniz brend?
- Kimisə reklam etmək istəməzdim.

- Sevdiyiniz saç düzümü?
- Qısa.

- Sevdiyiniz rəng?
- Qara.

- Ən çox bəyəndiyiniz ölkə və şəhər?
- İran, Ərdəbil.

- Sevdiyiniz yemək?
- Dolma.

- Ən çox istifadə etdiyiniz söz?
- Ok.

- Leksikologiyanıza yad olan söz?
- Mümkün deyil.

- Sizi nə həyacanlandıra bilər?
- Mənə əziz olan insanların göz yaşları.

- Ən çox sevdiyiniz kitab?
- Müəmmər Qəddafinin “Yaşıl Kitab”ı.

- Ən çox sevdiyiniz yazar?
- Belənçilər çoxdur.

- Ən çox bəyəndiyiniz ifaçı?
- Maykl Cekson.

- Ən çox bəyəndiyiniz musiqi janrı?
- Əsl ari musiqisi olan meyxana. Hərdən repə də qulaq asıram.

- Özünüzdə qeyri-adi istedad hiss edirsizmi?
- Bəli.

- Mənfi xüsusiyyətiniz?
- Çılğınlıq.

- İdeal insan necə olmalıdır?
- Özünü cəmiyyətin naminə fəda etməyə hazır olan.

- Özünüzü ideal insan hesab edirsizmi?
- Qətiyyən yox.

- Sizi özünüzdən nə çıxarda bilər?
- Yersiz zarafatlar.

- Həyat fəlsəfənizi ifadə edin.
- Zillət bizdən uzaqdır!

- Siz xoşbəxtsinizmi?
- Yox, amma bu günümə də şükür.

- Bədbəxtliyin xüsusi düsturu varmı?
- Dünyapərəstlik.

- Hər şeyin sonu üçün əvvəlinə münasibətiniz necə olur?
- Elə hər şey əvvəldən başlayır.

- Ölüm niyə ölmür?
- Çünki nə qədər insan var, ölüm də olacaq. Biz palçıqdan yaranmışıq, palçığa da qayıdacağıq.

- Dinlərə münasibətiniz?
- Baxın 3-cü suala.

- Kimdən və nədən xilas olmaq istərdiniz?
- Zülmdən.

- Falçıya inanırsızmı?
- İstisna hallarda.

- Daş olmaq yaxşıdır, yoxsa daşlaşmaq?
- Heç biri.

- Sevinciniz nə qədərdir?
- Yalnız üzdə.

- İnsanların hansı xüsusiyyətlərinə dəyər verirsiniz?
- İnsanın əsl xüsusiyyətləri yalnız kritik anlarda bilinir.

- Bağlayıcılardan çoxmu istifadə edirsiniz?
- Yox.

- Çayı içmək ürəyinizcədir, yoxsa keçmək?
- İçmək, özü də soyuq.

- Gülməyi xoşlayırsız, yoxsa güldürməyi…
- İkisini də.

- Mənə sualınız.
- Ruslar demişkən: “U matrosov net voprosov”.

Hazırladı: Tural Balabəyli