Maariflənmək!

Seymur Abbas

Nə qədər fırıldaqçılara aldanmaq olar?
Əsasında iqtisadi maraqlar, enerji layihələri duran, xarici əllərin idarə etdiyi iqtidar-müxalifət oyunlarını anlamalıyıq artıq.
Siyasətbazların fəndgirliklərini, xarici transnational korporasiyaların oyunlarını, həm iqtidarın, həm saxta müxalifətin bu xaricilərdən asılı olduqlarını və bunların heç birindən xalqa nicat olmadığını anlamalıyıq artıq.
Anlamalıyıq ki, MAARİFLƏNMƏ, İMAN və ŞÜCAƏT milləti, ölkəni xilas edəcək və həm iqtidarın, həm də yalançı müxalifətin qorxduğu ən mühüm məvhumlardır.
Anlamalıyıq ki, ELMLİ, amma İMANSIZ, ŞÜCAƏTSİZ insanlar sistemi dəyişə bilməz.
Anlamalıyıq ki, ELMLİ, İMANLI, amma ŞÜCAƏTSİZ insanlar sistemi dəyişə bilməz.

Anlamalıyıq ki, ELMLİ, ŞÜCAƏTLİ, amma İMANSIZ insanlar sistemi dəyişə bilməz.
Anlamalıyıq ki, ŞÜCAƏTLİ, İMANLI, amma ELMSİZ insanlar da sistemi dəyişə bilməz.
Axı "ELMSİZ MÜCAHİD QULDURA BƏNZƏR" (Hz.Muhəmməd s.)
Anlamalıyıq ki, "Hökumətin gücü, xalqın cahilliyi üzərində dayanır və o, bunu bildiyinə görə maariflənməyə qarşı hər zaman mübarizə aparacaq." (L.N.Tolstoy)
Anlamalıyıq artıq.
Oyuncağa çevrilməmək üçün.
Anlamalıyıq ki, YAP və "Milli Şura" Azərbaycan adlı xəstənin bədənindən kəsilib atılmalı olan bədxassəli şişdir.
Sual verilə bilər ki, bəs nə etməli.
Cavab budur ki, MAARİFLƏNMƏ, İMAN və ŞÜCAƏT- bu üçünü həm fərdi, həm ictimai şəkildə proqramlı olaraq gücləndirməli.
Bundan sonra dəyişikliklər prosesi qarşısıalınmaz olacaq.
Anlamalıyıq artıq.