Huffington Post: Əgər həqiqi İslamı tanımaq istəyirsənsə, Ərbəin ziyarətinə get

Amerikanın “Huffington Post” qəzetində milyonluq Ərbəin ziyarəti haqqında “Dünyanın ən böyük ziyarəti baş tutur, nə üçün onun haqqında eşitməyəsiniz!” adlı məqalə dərc olunub. Məqalədə yazılır ki, əgər həqiqi İslamı tanımaq istəyirsənsə, Ərbəin ziayrətinə get, ona görə ki bu ziyarət dəyərlər və nümunələrin mərasimidir. Və əgər İŞİD-i tanımaq istəyirsənsə Ərbəin ziyarətinə get və İŞİD düşmənlərini tanı. Məqalədə Ərbəin ziyarəti dünyada ən böyük dini toplantı və ən əzəmətli ziyarət adlandırılıb: “Bu ziyarətə qatılanların sayı Hinduların hər 3 ildən bir təşkil etdiyi ən böyük və önəmli mərasimdə iştirak edənlərdən beş dəfə çoxdur. Bundan başqa Ərbəin ziyarəti təhlükəli şəraitdə hər an terrorizm və partlama ehtimalı olduğu bir halda baş verir və onlar bu hərəkətləri ilə dünyaya mesajlarını çatdırırlar“. Məqalə müəllifi daha sonra Avstraliyadan olan xristian bir kişinin əhvalatını danışır. Bu kişi Əzəmətli Ərbəin ziyarətini 2003-cü ildə televizorda gördükdən sonra Kərbəlaya gəlir və bu mərasimdə iştirak etməklə İslamı qəbul edir. Məqalədə yazılır ki, Haitidə baş vermiş zəlzələdən sonra ABŞ Müdafiə Nazirliyi yalnız 4 milyon dəfə yemək verə bildi, Ərbəin ziyarətində isə 200 milyon dəfə yemək hazırlanır və bunun hamısı xeyriyyəçilər vasitəsi ilə görülür. Yazıçı daha sonra Qərb mətbuatının Ərbəin ziyarətinə qarşı siyasi davranışlarını tənqid edib. Yazır ki, necə olur ki, Qərb mediası Londonda keçirilən kiçik bir mitinqi, yüzlərlə insanın iştirakı ilə Honq Konqda keçirilən etiraz aksiyasını işıqlandırırlar, lakin dünyada qadınların, uşaqların, yaşlıların iştirakı ilə bəşərin ən böyük toplantısına göz yumurlar? /maide.az/