Azər Bandoj - Eşq

Xaneyi-dünya, bəlakeş könlümə ehsani-eşq,

Çün, tapıb aləmdə yarın oldu sərgərdani-eşq.

Ey pəri-çöhrə, sənin rüxsarını kim gördüsə,

Batdı qəm dəryasına, oldu dili-virani-eşq.

Bir günah etdim, mənə min bir cəfa qılmış rəva,

Min cəfayi-yar imiş aşiqlərə fərmani-eşq.

Kim vilayət badəsindən meyl edib xoş halına,

Çünki dərk etmiş nədir, babi-Şəhi-mərdani-eşq.

Çox bəni-adəm gəlib-getmiş bu dəhrə, namı yox,

Kim ki ad qoymuşsa, olmuş dəhrdə qurbani-eşq.

Ey könül, əfsanə bil dastani-Leyli-Məcnuni,

Ol Şəhi-Kərbübəlanın qanıdır dastani-eşq.

Aşiqin cismində dörd min yarə, yarın zikr edər,

Qan ilən gör bir necə əlvan olub meydani-eşq.

İstəməm həşdi-behişti xar zahidlər kimi,

İstərəm kuyində qul etsin məni Sultani-eşq.

Bandoja, olma giriftar fani dünya mülkünə,

Yoxsa bu hal ilə yetməzsən, gedər karvani-eşq.