Müsəlmanlar Məkkə və Mədinənin amansız söküntüsünə etiraz səslərini niyə ucaltmırlar? “The İndependent” qəzetinin dini məsələlər üzrə müxbiri Jerome Taylor öz məqaləsinə belə bir sual-sərlövhə qoyub. O yazır ki, Səudiyyə Ərəbistanı vahhabiləri Peyğəmbərlə əlaqəsi olan tikililəri söküb-dağıdır, yerində göydələnlər və ticarət mərkəzləri tikirlər. Müəllif qeyd edir ki, müsəlman icması ümumən götürəndə, etiraz etmirlər: “Çoxluğun sükutu və təmkini, hay-küyçü azlığa İslama necə sitayiş edilməsi və İslamın dünya tərəfindən necə qavranmasına dair qeyri-mütənasib diqtə imkanı yaradır”. “Neft pulları və barışmaz vahhabilər tərəfindən qızışdırdırılan Səudiyyə hakimiyyəti ağlasığmaz bir miqyasda mədəni vandalizm siyasəti yürüdür”- müəllif yazır. Jerome Taylor sual edir: “Görəsən müsəlmanları Məkkə və Mədinədə baş verənlər niyə tərpətmir? Görəsən Məhəmmədin birinci arvadı Xədicənin evi dağıdılanda və yerində ictimai ayaqyolu tikiləndə və ya Mədinə ətrafında Xəndək Döyüşü ilə əlaqəsi olan 7 məsciddən 5-i söküləndə və ya Peyğəmbərin nəvəsi ilə bağlı olan məsçid polislərin alqışları altında dinamitlə partladılanda niyə səslərini çıxartmırlar?”. “The İndependent” müxbirinin yazdığına görə, vahhabilərin dağıdacağı növbəti müqəddəs yer əl-Nur, yəni İşıq dağındakı Hirə mağarasıdır. Rəvayətə görə, Peyğəmbərə Quranın ilk ayələri məhz burada vəhy olunub. Bu gün artıq oraya vahhabilər tərəfindən fitvalanmış bir xəbərdarlıq lövhəsi vurulub: “Peyğəmbər əleyhüssəlam sizə bu təpəyə qalxmağı, burada ibadət etməyi, daşlara toxunmağı və ya ağaclara parça bağlamağı qadağan edib”.
Комментариев нет:
Отправить комментарий