Dilə gətdi ləbinin şövqü məni qəmnaki
Ahu-naləm bu gecə titrədəcək əflaki
Dil dəmadəm adını zikr eləyir əksi rüxün
Könül ayinəsinə bir kərə düşsün taki
Nəzərinnən uzaq olmaq elə bir vəhşətdir
Gətirir lərzəyə ey şux məni-bibaki
İncidir yarələrim kəsmə ki qəmzən oxunu
Bəlkə aram ola bir ləhzə bu sinəm çaki
Çəkmə nəzzarəni bu çaki-giribanımnan
Yoxsa al qan ilə rəngin edəcəkdir xaki
Can fədadır sənəma sən kimi ziba gözələ
Etdi eşqində sənin canı fəda Zəkzaki
Bu könül mülkünə ki Şükri səni Şah seçib
Qədəmin qoymağa qoymaz ora hər napaki
Комментариев нет:
Отправить комментарий