Ölsəm ölərəm

Zamiq Mahmudov

Qəlbimə həsrətlər min yara vurub,

Yol gözlər olmuşam boynumu burub.

Səninçin yaşaram ayaqda durub,

Ölməyə nə var ki- ölsəm ölərəm.

Harama sevgimi qata bilmərəm,

Vicdan ağrısıyla yata bilmərəm.

Günahla məqsədə çata bilmərəm,

Gəlməyə nə var ki- gəlsəm gələrəm.

Qəhrəman olmağa nə var ki dildə,

Bəlkə də gülürəm bir dəfə ildə.

Qəlbim ağlayarkən saxta şəkildə, 

Gülməyə nə var ki- gülsəm gülərəm,

Ölməyə nə var ki- ölsəm ölərəm!