İstəmərəm

Asəf Baba Nüsrət

Əgər olmazsa o dilbərdə vəfa, istəmərəm,

Əzəlin istəmiş olsam da daha istəmərəm.

Çəkərəm layiq olan dilbərin hər möhnətini,

Mən ona layiqin uğrunda cəfa istəmərəm.

Niyə bazari-məhəbbətdə adım çıxsın hərif,

Mən ucuz bir malı alverdə baha istəmərəm.

Ölərəm bilsəm əgər çarəm o biganədədir,

Mən o biganədən illah ki şəfa istəmərəm.

İki sevdalı arasında səbəb ayrılığa,

Bir əcəldən savayı özgə vida istəmərəm. 

Baba qanuni-məhəbbətdə deyib öz sözünü,

İki kəlməylə məhəbbətdə xəta istəmərəm.