İnsanların bu marağını nəzərə alaraq Azərbaycanda nazirlərin hansı ali məktəblərdə təhsil alması barədə araşdırma aparılıb.
Daxili İşlər naziri, general-polkovnik Vilayət Eyvazov 2000-ci ildə Azərbaycan Respublikası DİN-in Polis Akademiyasını fərqlənmə diplomu ilə bitirib.
Ekologiya və Təbii Sərvətlər naziri Muxtar Babayev 1991-ci ildə Moskva Dövlət Universitetində fəlsəfə fakültəsinin politologiya ixtisası üzrə təhsil alıb. 1994-cü ildə Azərbaycan Dövlət İqtisad Universitetinin Xarici iqtisadi əlaqələr ixtisasına yiyələnib.
Energetika naziri Pərviz Şahbazov 1992-ci ildə Azərbaycan Dövlət Neft Akademiyasında neft və qaz sənayesinin iqtisadiyyatı və təşkili ixtisası üzrə təhsil alıb.
Ədliyyə naziri Fikrət Məmmədov 1977-ci ildə M.V.Lomonosov adına Moskva Dövlət Universitetinin hüquq fakültəsini, 1988-ci ildə isə Bakı Ali Partiya Məktəbini başa vurub.
Əmək və Əhalinin Sosial Müdafiəsi naziri Sahil Babayev 2000-ci ildə Bakı Dövlət Universitetində "Beynəlxalq hüquq və beynəlxalq münasibətlər” sahəsi üzrə bakalavr pilləsini fərqlənmə ilə bitirib. 2002-ci ildə magistr pilləsini başa vuraraq magistr dərəcəsi, 2010-cu ildə hüquq üzrə fəlsəfə doktoru dərəcəsi alıb.
Fövqəladə Hallar naziri, general-polkovnik Kəmaləddin Heydərov 1984-cü ildə Azərbaycan Dövlət Universitetinin (indiki Bakı Dövlət Universiteti) geoloji-kəşfiyyat fakültəsini bitirib. Azərbaycan Universitetində isə ikinci ali təhsil alıb.
Gənclər və İdman naziri Azad Rəhimov 1981-ci ildə Azərbaycan Dillər Universitetinin ingilis dili fakültəsinin əyani şöbəsinə daxil olub, 1986-cı ildə həmin fakültənin axşam şöbəsini bitirərək, ingilis dili müəllimi ixtisası üzrə ali təhsil alıb.
Xarici İşlər naziri Elmar Məmmədyarov 1982-ci ildə Kiyev Dövlət Universiteti Beynəlxalq Münasibətlər və Beynəlxalq Hüquq fakülətəsini bitirib.
İqtisadiyyat naziri Şahin Mustafayev 1989-cu ildə M.Voznesenski adına Maliyyə-İqtisad İnstitutunun Bakı filialının məzunu olub.
Kənd Təsərrüfatı naziri İnam Kərimov 1995-ci ildə Bakı Dövlət Universitetinin beynəlxalq hüquq ixtisasına qəbul olub. 1998-ci ildən 2000-ci ilə qədər Fransanın Strasburq Universitetində hüquq ixtisası üzə təhsil alıb. 2000-2002-ci illərdə Fransanın nüfuzlu universiteti hesab olunan Sorbonna Universitetində hüquq ixtisası üzrə magistr təhsili, Sarbonna Universitetində hüquq üzrə doktor (docteur en droit) elmi dərəcəsi alıb.
Maliyyə naziri Samir Şərifov 1983-cü ildə Ukraynada Kiyev Dövlət Universitetinin Beynəlxalq əlaqələr və beynəlxalq hüquq fakültəsinin Beynəlxalq iqtisadi əlaqələr bölməsini bitirib, magistr dərəcəsi alıb.
Mədəniyyət naziri Əbülfəs Qarayev 1978-ci ilə Azərbaycan Pedaqoji Xarici Dillər İnstitutunu başa vurub.
Müdafiə naziri, general-polkovnik Zakir Həsənov 1980-ci ildə Bakı Ali Ümumqoşun Komandirlər Məktəbini,1986-1987-ci illərdə SSRİ Silahlı Qüvvələrinin Baş Qərərgahının akademik İdarəetmə kurslarını bitirib.
Müdafiə Sənayesi naziri Mədət Quliyev 1980-cı ildə Azərbaycan Dövlət Bədən Tərbiyəsi İnstitutunu, 1997-ci ildə Azərbaycan Respublikası Daxili İşlər Nazirliyinin Polis Akademiyasını bitirib.
Nəqliyyat, Rabitə və Yüksək Texnologiyalar naziri Ramin Quluzadə 1997-ci ildə Azərbaycan Dövlət İqtisad İnstitutunda bakalavr, 1999-cu ildə magistr təhsili alıb.
Səhiyyə naziri Oqtay Şirəliyev 1973-cü ildə Azərbaycan Dövlət Tibb İnstitutunun (indiki Azərbaycan Dövlət Tibb Universiteti ) "müalicə işi” ixtisasını bitirib.
Təhsil naziri Ceyhun Bayramov Azərbaycan Dövlət İqtisad İnstitutunda iqtisadçı ixtisası üzrə, Azərbaycan Universitetində isə hüquqşünaslıq ixtisası üzrə təhsil alıb.
Vergilər naziri, 2-ci dərəcəli dövlət vergi xidməti müşaviri Mikayıl Cabbarov 1997-ci ildə Bakı Dövlət Universitetinin beynəlxalq hüquq fakültəsini bitirib. 1997-1998-ci illərdə ABŞ-ın Kaliforniya ştatının Sakramento şəhərindəki Pasifik Universitetinin Makcorc Hüquq məktəbində hüquq, 2004-cü ildə isə Azərbaycan Dövlət İqtisad Universitetində iqtisadiyyat üzrə magistr təhsili alıb. /azvision.az/
Комментариев нет:
Отправить комментарий