Türkiyə İncirlik bazasını Rusiyaya verir

Türkiyə İncirlik aviabazasının Suriyada antiterror əməliyyatları aparmaq məqsədilə Rusiya Hava-Kosmik Qüvvələrinin sərəncamına verilməsi ilə bağlı Rusiya ilə müzakirələr aparır.

Məsələyə münasibət bildirən Federasiya Şurasının Beynəlxalq işlər üzrə komitəsinin üzvü İqor Morozov bildirib ki, Türkiyənin İncirlik bazasını Suriyada antiterror əməliyyatları aparmaq məqsədilə Rusiya Hava-Kosmik Qüvvələrinin sərəncamına verməsi “Türkiyə prezidenti Rəcəb Tayyib Ərdoğanın Rusiyaya qarşı atdığı müsbət addımların məntiqi davamıdır”.

Türkiyə Hərbi Hava Qüvvələrinin ehtiyatda olan general-mayoru, sabiq millət vəkili Kürşat Atılgan isə bildirmişdir ki, Türkiyə Rusiyaya İncirlik hərbi bazasından istifadə etməyi özü təklif edib: “Bilirsiniz ki, hazırda Rusiya Suriyada təkbaşına mübarizə aparır. Türkiyə Rusiyaya İŞİD-ə qarşı mübarizədə bərabər hərəkət etmək şərtini irəli sürür. Bu şərt daxilində Rusiyanın İncirlik bazasından istifadəsinə icazə verilir”.

Xatırladaq ki, Co Baydenin erməni genosidi tanımasından sonra Türkiyə ilə ABŞ arasında münasibətlər kəskinləşmiş, Türkiyədə ABŞ hərbçilərinin ölkədən çıxarılması tələbləri ilə bağlı aksiyalar keçirilməyə başlanmışdır.