İran siz fikirləşdiyinizdən də güclü dövlətdir

Burdakıların belə bir bir ümidi var ki, İran əhalisinin böyük hissəsi Azərbaycan türkləridir və onlar müharibə olsa İran dövlətinə qarşı çıxacaq və İran içəridən dağılacaq.

1980-ci ildə Səddam Hüseyn İrana hücum edən vaxtı da belə ümidlər çox idi. Guya İranın neftlə zəngin Xuzistan ostanı əhalisinin əksəriyyəti ərəblərdir və o ərəblər fars yox, ərəb Səddam Hüseynə dəstək verəcəklər.

Həmçinin daha böyük ümidlər ona idi ki, İranda yenicə islam inqilabı olub, hakimiyyəti ələ keçirən mollalara İran əhalisinin çoxu dəstək verməyəcək, çünki hakimiyyəti ələ keçirən mollalar repressiya edib xeyli əhalini narazı salmışlar.

Əgər Səddam Hüseyn Xuzistan vilayətini ələ keçirsə idi, dünyanın ən böyük neft dövləti olacaqdı, dünya neftinin 1/4 hissəsinə sahiblənəcəkdi...

Amma sən saydığını say gör fələk (imperializm-sionizm) nə sayır.

Molla rejimi gözləniləndən də güclü çıxdı.

İran müxalifəti, İranın azsaylı xalqları, heç ərəblər özləri də də Səddam Hüseynə dəstək vermədilər.

Müharibə 8 il çəkdi, milyondan çox iranlı həlak oldu və qələbə ilə başa çatdı.

Mustafa Müəllim