Facebookda media zombiləşdirməsi barədə maraqlı diskussiya

Bəylər Paşazadə: “Bizim saytlarda yeganə düz məlumat paylaşma vaxtıdır. Qalan hər nə səhv çıxır”.

Rövşən Ağayev: “Amerika və İsrail haçan deyir bizim mətbuatda Qərbyönümlü zurnalistlərə ki hürün, onlar da başlayırlar auuuuuu və ham-ham etməyə”.

Rahim Səlimov: “Azərbaycan xəbərlərinə baxanda elə bilirəm Rusiya uje dağılıb, Putin uje intihar edib, Ukrayna ordusu Rusiyanın ordusunu qırıb çatıb, iqtisadiyyatı isə çöküb. Amma reallıqda Rusiya daha güclüdü, qüdrətlidi. Müharibə dövründə neçə-neçə təzə qanunlar verildi, gənc ailələrin, çoxuşaqlı ailələrin yaşayışı yaxşılaşdırıldı, uşaqpulu artırıldı. Nələri sayım ki bizim bu küyə düşüb yalançı təbliğata inanan savadsız kütlə Rusiyanın sıradan bir dövlət olmadığını görsün?..”

Tapdıq Orucov: “Həqiqətdə isə millətin 80%-nin (bəlkə də daha çoxunun!) beyin ölümü gerçəkləşib. Necə? Düşüncələri hərəkətə gətirən aktiv neytronlarin yerinə passiv və çox təhlükəli viruslar oturub. Adını yalnız bizim millətin bildiyi və texniki sınaqlarını yalnız bizim insanların beyni üzərində apardıqları “ABŞ İranı vuracaq”, “Rusiya artıq çöküb”, “Gəl Ərdoğan gəl”, “O rejim dağılajax”, “Güney Azərbaycana azattıx”, “Rus fars erməni bunlar türkün düşməni” kimi viruslarla xroniki beyin ölümü artıq gerçəkləşib, sadəcə xəbərləri yoxdur. İndi biz seçim qarşısındayıq: ya fişi çəkəcəyik, ya da fişimizi çəkəcəklər — a.y.e-lər demişkən, fişimizi yiyir bizim fişimizi çəkənlər!!!”