Dünənimdə tapdım səni…
Bu günümdə itirdim…Sabahımda yağışlar yağacaq,
Səni qarğayacaq…
Bəzənib üst-başını süstlədiyin paltarın da
səndən üz çevirəcək,
ətirlərin xoş qoxunu devirəcək…
Oturduğun taksi də səni azdıracaq,
ayaqların süründüyü səki də…
Hər məhləmizdən keçəndə
səni görən o küçük
daha zingildəməyəcək,
o hay-küy də qulaqlarında cingildəməyəcək…
Pəncərəmə atdığın daş ünvanına çatmayacaq,
öpüşlərin yanağımda yatmayacaq…
Açmaq istədiyin qapı da üzünə bağlanacaq,
bu olanlar ürəyini dağlayacaq…
Udduğun hava da səni boğacaq,
birtəhər dözəcəksən…
Yeni günəş doğacaq…
Amma sən elə hey bilmədiyin,
bəlkə də elə bildiyin səbəbdən boğulacaqsan…
Комментариев нет:
Отправить комментарий