Çıxıb getdin, ürəyimdə,
Oxun yaddan çıxıb qalıb.
Yığıb apardın azını-
Çoxun yaddan çıxıb qalıb.
Dağı yığılıb dağ olan,
Həsrəti məndən doğulan.
Yastığın üstə dağılan,
Qoxun yaddan çıxıb qalıb.
Gözüm yoluna dikilən!
Ümidi mil-mil sökülən!
Mənə, gözündən tökülən,
Yuxun yaddan çıxıb qalıb.
Ömrü çəkən avar onun,
İndi yoxluğu var onun.
Götürüb getdin varını,
Yoxun yaddan çıxıb qalıb.
Комментариев нет:
Отправить комментарий