23 oktyabr 1983-cü ildə Beyrutda amerikan və fransız əsgərlərinin olduğu kazarmalar partladıldı. Səhər tezdən saat 6.20-də içində 5 ton partlayıcı maddə olan yük maşını amerikan əsgərlərinin yatdığı kazarmaya çırpıldı. 241 amerikan dəniz piyadası dağıntılar altında qalaraq öldü. Üstündən 20 saniyə sonra fransız əsgərlərinin yatdığı kazarma da analoji hücumla məhv edildi. Nəticədə 58 fransız desantçısı öldü. 4 noyabrda isə Livanın Sur şəhərində içində partlayıcı maddə olan yük maşını İsrail kəşfiyyatının ştabına çırpıldı və 30 israilli öldü. İsrail kəşfiyyatı bu partlayışların günahını Suriya və İranın üzərinə yıxdı. İsraillilər ABŞ dövlətini məlumatlandırdılar ki, bu partlayışları Suriya və İranın dəstəklədiyi şiə döyüşçüləri törətmişlər. Təhrik nəticəsində NATO aviasiyası 3 dekabr 1983-cü ildə Suriya və İran qoşunlarının Bekaa vadisində yerləşən hissələrinə hücuma keçdi. Lakin NATO aviasiyası nəinki heç bir uğur qazanmadı, əksinə ağır itkilər verdi. Məsələ burasındaydı ki, həmin dövrdə Suriyaya Sovet ordusu hərbi hava qüvvələrinin S-200 zenit-raket komleksi ilə silahlanmış 2 polku gətirilmişdi. Cəmi 6 gün ərzində Sovet zenitçiləri NATO və İsrail aviasiyasının 15 təyyarəsini vurub saldılar. Amerikanlar və israillilər Suriyadakı Sovet kontingentinə qarşı aqressiv addımlar atmağa cəsarət etmədilər. Beləcə 1984-cü ilin fevralında NATO qoşunları biabırçı şəkildə Livandan çıxmağa məcbur oldular.