Bir pilləkan gətir

Sayman Aruz

Bir pilləkan gətir, qoy pilləkan gedim

Mən güllələnmədim, mən gülləni yedim.

Qoy mən çıxım göyə, qoy göydə yellənim

Yerdə ölənmədim, qoy göydə öllənim.

Arxamda  düşmənim xalqım durub sanır

Arxamda millətim, arxam qılınclanır.

Bir pilləkan gətir, bir pillə yüksəlim

Yerdən uzaqlaşım, qoy göydə yük salım.

İrfanlı dünyada boş-boş həyatladıq

Biz göy bilənmədik, biz yerdə otladıq.

Azadlığın yolu, nazlım, təpikdədir.

Ağlın da təfsiri, divanəlikdədir.

Sevgiylə nifrətin tam ortasındayam

Dün sevdiyim qızın indi yasındayam.

Tənha yataqların, yorqunluğundayam

Təqvimli günlərin soyqunluğundayam.

Zəhləm gedir səni yerdən soraqlayım,

Sən olmayan yeri neynir ayaqlarım?

Bir pilləkan gətir, qoy pilləkanlanım

Hər il məni payəz, kabus kimi görür.

Mən yatdığım yerin, altında hər gecə

Tənha qarışqalar, yas məclisi sürür.

Yaxşı deyil halım, nəysə qaranlığam

Fikrimdə var gedəm, burdan uzaqlara

Zəhləm gedir hər il, təkrarlanır fəsil

Dastan sona çatır, mənsə yataqlara...

Məğrur uşaq kimi, sanki uduzmuşam

Sırtıqlığım ama, qoymur haraylayım

Təqvim də mən kimi, artıq sona çatır

Lay-lay deyin mənə, eksikdi lay-layım...