Nizami Məmmədov: “Düzlükdən böyük biclik yoxdur!”

Nizami Məmmədov “TEZ-BAZAR”da

- Özünüzü 2 sözlə təqdim edin.
- Məmmədov Nizami Sərdar oğlu.

- Sizi necə təqdim edəndə razı qalırsınız?
- Nizami müəllim.

- “Mən kiməm?” sualına necə cavab verirsiniz?
- İctimai problemlərə biganə qala bilməyən.

- Dost…
- Onlarsız olurmu?..

- İlk sevginiz?
- Mənim bir sevgim olub.


- Əsas ixtisasınız?
- İnşaatçı mühəndis.

- İstifadə etdiyiniz nəqliyyat növü?
- Taksi.

- Sevdiyiniz maşın markası?
- Nissan Teana.

- Sevdiyiniz brend?
- Əlahiddə sevdiyim elə bir şey yoxdur.

- Sevdiyiniz saç düzümü?
- Qısa.

- Sevdiyiniz rəng?
- Bəyaz.

- Ən çox bəyəndiyiniz ölkə və şəhər?
- İran, Ərdəbil.

- Sevdiyiniz yemək?
- Ağ balığın kababı.

- Ən çox istifadə etdiyiniz söz?
- Mahiyyət.

- Leksikologiyanıza yad olan söz?
- İnanmıram.

- Sizi nə həyacanlandıra bilər?
- Doğmalarımın qəfil zəngləri.

- Ən çox sevdiyiniz kitab?
- “Kəmalüddövlə məktubları”.

- Ən çox sevdiyiniz yazar?
- Mirzə Fətəli Axundov.

- Ən çox bəyəndiyiniz ifaçı?
- Əlibaba Məmmədov.

- Ən çox bəyəndiyiniz musiqi janrı?
- Lirik.

- Özünüzdə qeyri-adi istedad hiss edirsizmi?
- İntuisiya.

- Mənfi xüsusiyyətiniz?
- Var.

- İdeal insan necə olmalıdır?
- Stalin kimi, Mir Cəfər Bağırov kimi.

- Özünüzü ideal insan hesab edirsizmi?
- Əlbəttə ki yox.

- Sizi özünüzdən nə çıxarda bilər?
- Bəzi insanların riyakarlığı.

- Həyat fəlsəfənizi ifadə edin.
- Düzlükdən böyük biclik yoxdur!

- Siz xoşbəxtsinizmi?
- Tanıdığınız tam xoşbəxt vardırmı?

- Bədbəxtliyin xüsusi düsturu varmı?
- Düsturu olduğunu bilmirəm, ancaq əlamətlərini qeyd edə bilərəm.

- Hər şeyin sonu üçün əvvəlinə münasibətiniz necə olur?
- Yalnız özümə güvənməli idim.

- Ölüm niyə ölmür?
- İbrət götürmək üçün.

- Dinlərə münasibətiniz?
- Normal.

- Kimdən və nədən xilas olmaq istərdiniz?
- Saxta insanlardan.

- Falçıya inanırsızmı?
- Qoroskoplara inanıram.

- Daş olmaq yaxşıdır, yoxsa daşlaşmaq?
- Heç biri.

- Sevinciniz nə qədərdir?
- Bəs edir.

- İnsanların hansı xüsusiyyətlərinə dəyər verirsiniz?
- Səmimiliyinə.

- Bağlayıcılardan çoxmu istifadə edirsiniz?
- Lazımi qədər.

- Çayı içmək ürəyinizcədir, yoxsa keçmək?
- Çay içməyi xoşlayıram, əsasən də hind.

- Gülməyi xoşlayırsız, yoxsa güldürməyi…
- Gülməyi.

- Mənə sualınız.
- Növbəti müsahibiniz kim olacaq?

Tural Balabəyli