Araz Əlizadə:
-Sərdar Cəlaloğlu 30 ildir ki, müxalifətdədir və 30 ildir heç bir yerdə işləmir. Bəziləri deyir ki, mən o pulu deputat olanda yığmışam və sairə. Heç bu adam deputat da olmayıb. Sərdar Cəlaloğlunun Tural adlı oğlu Norveçdə, digər oğlu Cəlal isə İngiltərədə yaşayır. Sərdar Cəlaloğlunun nəvəsi, qızı və həyat yoldaşı da Londonda yaşayır. Sərdar Cəlaloğlunun oğlunun Londonda evi, özünün isə Bakıda bahalı evi və avtomobili var. Adamın ailəsi Londonda, özü isə Bakıda yaşayır. Adama sual olunur ki, sən Azərbaycandan pul almırsansa, bəs burada nə gəzirsən? Bu qədər malı-mülkü hansı pulla almısan? Mən ona bu barədə sualı prezident seçkiləri ilə bağlı keçirilən debatda da vermişəm. O, bu suala cavab verməkdən yayındı. London bahalı yerdir, orada mənzilin kvadratı çox bahadır. Sərdar Cəlaloğlunun oğulları əsgərliyə getməyib, İngiltərədə yaşayırlar, onların hansı əsgər gedəcək? Bəlkə Azərbaycan vətəndaşlığından da çoxdan çıxıblar. Bəzən oğru elə qışqırır ki, doğrunun bağrı çartlayır.