YADA SALMA MƏNİ

Omid Nəccari

Yada salma məni...
Qoy itim, batım
xaraba küçələrin su yolunda!
Dəyirmancı düşüncələrimi
fırlanan daşında oysun!

Yada salma məni...
Qoy geydiyim Ağ köynəyin,
çürümüş qumaşın,
 zığlı sular yusun!

Uzaqdan gələn durnalar
ayaq izlərimi axtarmasın
sormasın heç,
 qınamasın


Dağ ətəyində, kövrəlmiş
yanqın lalaya, su calamayın!
Çaqqalların yuvasında,
 şənliklərə yol verin

Deprəm vuran, abad kəndiin
sutunlarını dilimləyin

Yada salma məni...
Qoy dəftərlərin ,tozlu
köşəsində, ölüm mən ki
Anadan doğulduğumdan beri
ADSIZ yaşadım!!!!

Adsıza, ad bulmayınki
üzünə gəlməz, yaraşmaz

Qələmlərin damarlarından,
qanını çəkin, öldürün
basdırın, qara qəbirdə

Kağız adlı nə varsa,
dara çəkin, dəmir ipiynən

Günəşin sarırəngina,
tikan batırın, gövərsin

Asfaltları sökməyin,
çiçək dirilər, yaşıl yaşar

Günahkara alqış verin,
fışqalayın.....

Dam olan yeri viiiran qoyun.....

Yada salma məni...
Yada salma məni...