Türk müğənni Azərbaycandan milyonlar apardı

Türkiyənin məşhur müğənnisi Tuğba Ekinçi şəxsi İnstaqram səhifəsində külli məbləğdə Azərbaycan manatı olan pullarının fotosunu paylaşıb.
İnterpress.az-ın verdiyi xəbərə görə, ötən ay Azərbaycana səfər edən Tuğba yüksək post tutan məmurlardan birinin oğlunun restoranının açılışına dəvət alıb. 
Rəqsanə ilə birgə "İnanımmı" mahnısını ifa edən və Bakıda bu mahnıya klip çəkdirən müğənni Tuğba Ekinci paylaşdığı şəklin altından "Bir kısmı da burada kalmış unutmuşum" şərhini qeyd edib. Bundan öncə isə digər türkiyəli müğənni Ebru Polat Azərbaycanda yüksək post tutan bir məmurun oğlunun ona Dubayda mülk aldığını bildirmişdi. 

Bu günlərdə isə Ebru Polat məmur oğlu olan sevglisinin ona aldığı "Ferrari 458" markalı maşını ilə görüntülənib. E. Polat avtomobili bu yaxınlarda aldığını və yüksək sürətlə sürməyi sevdiyini deyib. "Ferrari 458"in qiyməti 450 min avrodur. 

Abuzər Azəroğlu           interpress.az