Gənclərimizin caza meyl atrıb

   “Facebook-da gənclərin şeirlərini həvəslə oxuyuram”  

Əməkdaşımız Tural Balabəylinin gənc bəstəkar gənc bəstəkar Gülnarə Aydın ilə müsahibəsini sizə təqdim edirik

-Şou biznes aləmində həvəskar və professional bəstəkarlar mövzusu gündəmdədi. Siz özünüzü professional bəstəkar hesab edirsizmi?

-Mən konsertvatoriyanı bitirmişəm. Ustad sənətkarlardan dərs almışam. Qaldı ki həvəskar və professional bəstəkarlığa, onu artıq dinləyicilər deyə bilər. İndi hal-hazırda Bahar Lətifqızına iki mahnı vermışəm.

-Bu gün dinləyicilər arasında ən çox necə mahnılar populyardır?

-Zövqlər fərqlidi. Yaşlı və orta nəsil muğama, gənclər isə estradaya- popa, roka, repe üstünlük verirlər. Amma bir şeyi də qeyd edim ki, indi gənclərimizin əksəriyyəti caza böyük meyl göstərirlər.

-Şou verilişlərin televiziyaları başına götürməsi əhalidə qıcıq yaradır. Bəs sizin buna münasibətiniz necədi?

-Bilirsiz bütün dünya televiziyaları şou verlişləri hazırlayırlar. Şou verlişləri televiziyaların reytinqini birə-beş artırır. Şou verlişi olanda nolar ki, şitlik eləmək lazımdı bəyəm? “Xəzər” televiziyası hər bir ailənin kanalıdı.  Mən özüm “Xəzər” kanalında yayımlanan “Nuş olsun” və “Balacan” verlişlərinin baş produsseriyəm.

-Necə insanlarla dostluq edirsiz?

-Dost- mənim üçün ikinci mən deməkdi.

-İnsanlarda hansı xüsusiyyətlərə üstünlük verirsiniz?

-Yalançı, paxıl və iki üzlü insanlari görən gözüm yoxdu.

-Kitablarla aranız necədi?

-Mən əslində bəstəkar olduğum üçün, şeir kitablarına üstünlük verirəm. Son zamanlarda müasir və moderin üslubda şeir yazan gənclərin kitablarına meylimi salmışam. Sosial şəbəkə olan “facebook”-da gənc şairlərin şeirlərini də həvəslə oxuyuram.

-Sonda...

-Sonda sizlərə və oxuculara uğurlar...

Tural Balabəyli