Hacı Əbdül Azərbaycanın I vitse-prezidenti ilə görüşündən danışdı: Camaatımız ondan çox razıdır

Hacı Əbdül: Mehriban xanım bu boyda böyük işlər görüb, məscidi təmir etdirib

Azərbaycanın Birinci vitse-prezidenti Mehriban Əliyeva Bakının Yasamal rayonunda Heydər Əliyev Fondunun dəstəyi ilə bərpa olunmuş İmam Hüseyn məscidinin açılışında iştirak edib.
Sözügedən məscidin axundu,“Tövbə” cəmiyyətini sədri Hacı Əbdül Əbdülov olke.az-a açıqlamasında deyib ki, sözügedən açılış zamanı Heydər Əliyev Fondunun prezidenti Mehriban Əliyevaya təşəkkür edib: "Allah ondan razı olsun ki, Mehriban xanım bu boyda böyük işlər görüb, məscidi təmir etdirib, Allahın savabını qazanıb. Şəxsən gəlib məscidin açılışını da özü etməyi insanlarımız tərəfindən böyük rəğbətlə qarşılanır. Camaatımız ondan çox razıdır. Məscidin təmir olunmasına görə camaat Mehriban xanım Əliyevaya təşəkkür edir. İnsanlarımızın ona hörməti böyükdür".