23 avqust 1942-ci ildə alman aviasiyası Stalinqrad şəhərini bombalamağa başladı. Bir həftə davam edən bombardman nəticəsində 90 min insan öldü, şəhərin 70 faiz binaları dağıldı. Almanların Stalinqrada girdiyi dövrdə 40 min şəhər sakini qırıldı, 70 min şəhər sakini isə Almaniyaya məcburi işlərə göndərildi ki, onların da yarısı yolda aclıq və soyuqdan öldü. Şəhərin 85 məktəbi, 107 uşaq bağçası, 5 teatrı, 6 kinoteatrı, 20 xəstəxanası, kitabxanaları və ali məktəbləri dağıdıldı. Ümumilikdə almanlar SSRİ-nin 1700 şəhərini və 70000 kəndini xaraba qoydular.