Brestə girən kimi faşistlər dövlət orqanları işçilərini, ictimai təşkilatların aktivistlərini, zavod və fabriklərin aparıcı əmək adamlarını ailələri ilə birlikdə evlərindən çıxarıb “Spartak” stadionuna topladılar. Burda onları 2 gün ac-susuz saxladılar. Sərxoş əsgərlər gəlib içlərindən 70 gözəl qadını seçərək apardılar. Həmin qadınların yaxınları olan kişilər mane olmaq istəyərkən almanlar atəş açaraq onlardan 20 nəfərini güllələdilər. Həmin qadınlar bir də geri qayıtmadılar. 3 gündən sonra stadiona bir neçə alman zabit gəldi. Zabitlər 200 nəfəri ayırıb stadionun şimalına apardılar, burda pulemyotlardan atəş açaraq güllələdilər. Qalanlarını isə naməlum istiqamətdə apardılar. Təkcə işğalın ilk günlərində gestapoçular şəhərin 1000-ə yaxın sakinini öldürdülər.