Varşava gettosunda Miçeslav Şmerlinq adlı komendant öz soydaşlarına qarşı o qədər zülmlər etmişdi ki, hətta almanlar ona “yəhudi cəlladı” deyirdilər. Niderlanddakı Vesterbork düşərgəsində nizam-intizama alman yəhudisi Kurt Şlezingerin rəhbərlik etdiyi yəhudilərdən ibarət polis nəzarət edirdi. Qəddarlığı ilə ad çıxarmış bu adam əsirlərin pul və qızıllarını əllərindən alırdı və qadınları cinsi əlaqəyə girməyə sürükləyirdi. 12 aprel 1945-ci ildə düşərgə Kanada ordusu tərəfindən azad olunarkən Şlezinger və digər yəhudi funksionerlər həbs edildilər. Lakin məhkəmə 1946-cı ildə onları yəhudi olduqlarına görə azadlığa buraxdı. Düşərgənin alman komendantı Albert Qemmerkerə isə 10 il həbs cəzası verildi. Qemmerker həbsdən çıxandan sonra ona ikinci dəfə cinayət işi açıldı, amma Şlezinger 1951-ci ildə Amerikaya köçərək orda ömrünün axırına kimi firavan yaşadı.