Konslagerlər yəhudilər üçün yox, məhz slavyan əsirlər üçün “ölüm fabrikinə” çevrilmişdi. Bir çox konslagerlərdə Sovet hərbi əsirləri üçün bina tikilməmişdi, onlar yağışda və qarda açıq havada qalırdılar. Komendantlar deyirdilər: “Bunlar nə qədər çox qırılsalar, bir o qədər yaxşıdır”. Araşdırmalar göstərir ki, milyonlarla Sovet əsiri ərzağın gətirilməsi ilə bağlı transport problemi ucbatından yox, qəsdən, məqsədyönlü şəkildə öldürülmüşdür. Həmin dövrdə Reyxin ərazisində əsirləri yemləmək üçün kifayət qədər ərzaq vardı. Lakin 16 sentyabr 1941-ci ildə Qerinq bildirmişdi: “Ərzağı yaxınlıqda avaralanan əhalinin yeməsinə və ya hərbi əsirlərə verilməsinə imkan vermək olmaz. Ərzağı xüsusi qorunan yerlərdə imperiya rezervi kimi toplayıb saxlamaq lazımdır”.