Kiyevdə 940 dövlət və ictimai bina, 1742 böyük yaşayış evi, 3,6 min şəxsi ev dağıdıldı. 200 min adam evindən-eşiyindən oldu. Şəhərin mərkəzi və ən yaxşı məhəllələri yerlə-yeksan edildi. Faşistlər elektrostansiyanı partlatdılar, elektrik şəbəkəsini, su xəttini, kanalizasiyanı, şəhər transportunu sıradan çıxardılar. Dnepr çayı üzərindəki körpülər, dəmir yolu təsərrüfatı və stansiyalar məhv edildi. Kiyevin böyük zavod və fabrikləri, universitetləri, xəstəxanaları, məktəbləri, teatr binaları və mədəniyyət sarayları dağıdılıb xarabalığa çevrildi.