Ələ keçirilmiş slavyan dövlətlərində faşistlər ən kəskin formada kütləvi genosid metodları həyata keçirmək istəyirdilər. Genosid siyasəti slavyan xalqların güllələmə və cəzalandırma yolu ilə fiziki məhvini, aclıq və epidemiya, tibbi xidmətin likvidasiyası, doğuşun azaldılması, etnik qruplara parçalama və aralarında münaqişə yaratma yolu ilə ixtisarını əhatə edirdi. Visla və Ural çayları arasındakı ərazilərdən slavyanları çıxarıb bura almanları məskunlaşdırmaq planlaşdırılmışdı.