Darıxmışam

GunEl Treu

Bilsən darıxmışam sənincün necə
ürəyim titrəyir adın gələndə.
Mən axı ölürəm, məndən gizlicə
ömrünə hər yeni qadın gələndə.

Sən kimdən öyrəndin mənsiz qalmağı
sənə kim öyrətdi  ayrılıq nədi?
Unut gözlərimə belə baxmağı,
sevgimə nifrətin gözlərindədi.
                       
Mən sənsiz deyəsən tez qocalmışam
qəmlər düzülürlər saça dən kimi.
Yarım səndə gedib, yarı qalmışam
kim səni sevəcək axı mən kimi?..

Uşaqkən quşlara daş atan oğlan

Ruslan Dost Əli

Yaşın azlığından şikayətlənən
İndi çoxluğundan şikayətlənir

Hər şeyi başqa cür düşündük əvvəl,
Yaş ötdü,hər şeyin tərsini gördük.
On bir il məktəbə gedib gəldikcə
Yaşaqdıq, həyatın dərsini gördük.

Kiçikkən yüz işə meyil salanlar,
İndi ölüm-zülüm bir işə girib.
Körpəykən divlərdən qorxub yatanlar,
İndi divlər ilə döyüşə girib.

MƏN SAVAŞIN ORTASINDA BİR UŞAQ!

Nuray Nur

Mən savaşın ortasında bir uşaq!
Soyuyar qaynar göz yaşlarım
anamın buz kəsmiş cəsədinə toxunaraq.
Süzülüb suvarar torpağı
onun al qanına qarışaraq.
Mən savaşın ortasında bir uşaq!
Nə bomba səsləri duyuram,
nə atəş, nə haray, qışqırıq.
Tutmuş qulaqlarımı ayrılığın gətirdiyi hıçqırıq.

Günel Eyvazlı - Mənsə sənə inanıram

Ehramlar-insanlar

Bax,
Dağları necə tikir insanlar,
Səhrada sıralanıb ətəyi gen
Ehramlar.

Bəlkədə göydələnlər
Allaha çatmaq üçündür,
Babil qülləsi kimi...

Gözlərinə eynək taxaraq
 Başa geyilən papaq,
 Üzündə saqqal,
 Kimdən gizlənir insanlar?

Fədakarlıq yapa biləcək güc

SƏDAQƏT ƏLİQİZİ

ATAM

Mənim atam torpağın qanla suvarıldığı qırxıncı illərdə dünyaya gəlib
Körpəlikdən yetimliyi dadıb
Ana qucağında nazlanmayıb, ata qanadına sığınmayıb
Müharibənin acılarını canında əridə - əridə böyüyüb .
Uşaqlığı aclıq illərindən keçib
bəlkə də buna görə buğda bitirən torpağı daha çox sevib.
Ömrü əkin, biçində keçib.
Soyuq sərt küləklərdən saçları codlaşıb bəyazlaşıb.

Fərhad Məmmədov - Məzar pıçıltısı

Mədə ağrılarından bir neçə gün idi ki, qurtula bilmirdi. Birdən birə gecə növbəsinə çıx, həzm sistemini alt-üst olmasın.  Nə qədər özünə təəccüblənsə də, bədəni tədricən bu dəyişikliyə uyğunlaşırdı. Birinci, ikinci, üçüncü dəfə növbəyə çıxanda gecəni böyük səylə oyaq qala bilirdi. Acı qəhvə, şirin isti şokalad,  hər yarım saatdan bir təmiz havaya çıxmaq....hətta stimullaşdırıcı vasitədir deyə səhvən jenşen cöhvəri qəbul etməsi. Cöhvərin həqiqi təyinatından isə danışmağa dəyməz. Gözlərini yumulmasına qarşı bir vasitə tapa bilmirdi. Ancaq elə ki, sayca dördüncü növbəsinə çıxdı, orqanizmində bu yöndə müsbətə doğru irəliləyiş hiss etdi. Sanki  qan axan yaranın üzü tədricən bağlanmışdı.
İşlədiyi – tikinti sahəsi üzrə ixtisaslaşmış podratçı “Delfi” şirkəti Badamdarda  hökümətin sifarişi əsasında 15 mərtəbəli iri biznes kompleksinin inşası ilə məşğul idi. Bina nə bina! mərtəbələrinin az olmasına rəğmən elə hündür idi ki, az qala dibi yerdən nəm çəkirdi, başı buluddan.  İşlərin son müddətə kimi yekunlaşmaması ucbatından şirkət paralel aparılan layihələri müvəqqəti dayandıraraq, bütün qüvvələri məhz  aqibəti bəlli olmayan həmən zırıltı binanın tikintisinə səfərbər etmişdi.

Vasif Əlihüseyn - Yuxuma girdiyin kimi

QAR ŞEİRİ

Nişanlı qız oldun, təbriklər sənə,
qapınız döyülür bir dur ayağa.
Mənimçün verilən sözə, xəyanət,
mənimçün olunan zəngə qadağa.

Keçib bu söhbətin üzü-üzümdən,
bütün otağımı sənsiz,yox alıb.
Nə yaxşı, biz bu gün danışmamışıq,
nə yaxşı bir az da, vaxtım çoxalıb.

Qatıbdır başımı dəftər, kitablar,
bürünüb rənginə indi, bu gecə.
Bir də ki, qar yağıb getdiyin yola,
daha üzümə də ağ olub küçə.

Allahüekber, vallahi, İsrail…

Bülent ESİNOĞLU

İsrail Şam’ı bombalarken, Şam’daki Suriyeli muhalifler, “Allahüekber” nidaları ile sevinçlerini haykırıyorlardı.
Erdoğan ise;” Vallahi bedelini ödeyeceksin” diye, İsrail’in hava saldırılarını, Esed’e saldırarak, alkışlıyordu.
Bu saldırılar da göstermiştir ki, bütün Batı, radikal Sünni İslam’ın yanındadır.
Radikal İslam, İslam’ın başına dayatılmış Batı silahıdır.
Sık sık yayınlanan Batı kaynaklı haber, rapor ve beyanatlarda; Türkiye(AKP),Suudiler, Katar ve İsrail’in birlikte İran ve Suriye’ye karşı olmaları yazıldı haberleştirildi.
Daha net söylersek; Büyük Orta Doğu Projesinin gerekleri yerine getirilsin diye kumpaslar kuruldu.

DURNALAR QAYITDI

Mədinə Gülgün

Deyirdin baharda görüşərik biz,
Bahar gəldi, getdi, sən gəlməz oldun.
Daşlaramı dəydi sındı əhdimiz,
Aylar gəldi, getdi sən gəlməz oldun.

Dedin,durnalarla gələrəm mən də,
Durnalar qayıtdı sən gəlməz oldun.
Saraldı yarpaqlar çöldə,çəməndə,
Payız fəsli çatdı sən gəlməz oldun.

Deyirdin qapına qonaram quş tək,
Quşlar cəh-cəh vurdu,sən gəlməz oldun,
Yaşamaq eşqiylə vəcdə gələrək
Quşlar yuva qurdu sən gəlməz oldun.

“McDonalds”a getməyin! - Mütəxəssislərdən XƏBƏRDARLIQ

“McDonalds” restoranlar şəbəkəsi tələbələrin, uşaqların bir sözlə cavanların ən çox getdiyi əyləncə və istirahət yerlərindən biri sayılır. İnkişaf etmiş dünya ölkələrində kasıb təbəqə üçün bu “sürətli qidalanma restoranı” nədənsə, ölkəmizdə bahalı, lüks yer kimi təqdim olunur. Hətta kifayət qədər imkanlı şəxslərin də üz tutduğu bu məkan ABŞ kimi dünya ölkələrində “bomj”ların qarınlarını doydurduqları yer kimi tanınır. Mətbəxində daha çox “fast food”lara yer ayıran və yeməklərin tərkibindəki bəzi qatqılara görə, dünyanın əksər dövlətlərində qadağan olunan “McDonalds” ölkəmizdədə hələ də liderliyini əldən vermək istəmir.
Modern.az “McDonalds”ın Azərbaycanda niyə bu qədər dəbdə olmasına mütəxəssislərdən münasibət öyrənib.

Türkiyədə tələbəlik adamı dəli edir

Əli Əkbər

Türkiyədə təhsil almaq bir növ qəhramanlıqdır. 8 ildən artıq İstanbul təcrübəm var (lise, univer). Universitet tələbələri üçün həyat cəhənnəm olmasa da, çox çətindir. 2-ci kursun sonundan diplomu alıb qayıdana qədər nəşriyyatda yaxşı vəzifədə və yaxşı maaşla işlədim, kitab tərcümələrindən də pul qazandım deyə, bu sıxıntılar qismən məndən yan keçdi. Amma bu bir təsadüf, nə bilim şans idi, olmaya da bilərdi. Olmayanları da görürdüm çünki.
Heç kəsi Türkiyədən soyutmaq istəmirəm, həm də bilirəm ki, Amerika kəşf etmirəm - Türkiyədə tələbəliyin Avropa tələbəliyi olmadığını bilməyən yoxdur. Yenə də öz təcrübəmdən və qayıdandan sonra illərdir müşahidə etdiklərimdən əminliklə deyə bilərəm - Türkiyədəki azərbayacanlı tələbələr GƏRGİN, əsəbi, dünya ilə, dağla-daşla dava eləyən; yetənə yetən, yetməyə yekə bir daş atan olurlar.

Rus mafiyasının imperatoru- Yaponçik əfsanəsi

Uşaqlıqda daim davaya bəhanə axtarar və həmişə özündən böyüklərə icəşərdi. Məktəb illərində idmana böyük həvəs göstərən Slava Şərq döyüşü - cui-citsu, sambo və qaydasız döyüşlə məşğul olur, dərsdən sonra böyük şagirdlərlə “razborkalar” aparır, istədiyini əldə edə bilmədikdə əlbəyaxa döyüşə girişərdi.
Vuruşmaq, kiminsə ağız-burnunu qanatmaqla onu saya salmayan qızların rəğbətini qazanmaq istəyirdi. Yaradan ona iradəni, dözümlüyü, hirsi, nifrəti bol-boluna versə də, yaraşıq cəhətdən pay ayırmamışdı. İdmançılara dövlətin xüsusi rəğbət bəslədiyini, onların müxtəlif səyahətlərini, təlim-məşq proseslərini maliyyələşdirdiyini görən «uzkoqlazıy» hələ yeddinci sinifdə oxuyarkən böyüklər arasında keçirilən şəhər birinciliyində bürünc medalla bərabər aldığı «İdman ustalığına namizəd» nişanını yayda köynəyinin, soyuqlar düşəndə isə yeganə kostyumunun  döşünə sancardı.

XIX ƏSRDƏ VİLAYƏT VƏ TAYFALARA GÖRƏ İRANIN ƏHALİ TƏRKİBİ

Vüqar Xəzarılının tərcümələri

Aleksey Mixayloviç Kolyubakin 
Rusiya Baş Qərargah polkovniki

2-ci yazı: Kürd mənşəli tayfalar

3 –bitişik  Türkiyə, Rusiya və İran sərhədlərin geniş sahəsində yaşayan kürd tayfasının beşiyi, İran Kürdüstanı (Ərdəlan) və ona bitişik  Türkiyənin Şərqi sayılır. Buradan kürdlər tədricən şimala Ərzurum düzünə və Qars platosuna qədər, qərbə Sivas və Ankara, Şərqdə isə Xorasana qədər yayıldılar. Bütün kürdləri 2-3 mln. civarinda hesablayırlar. İranın içində nə qədər kürdün yaşamasını müəyyən etmək çətindir. Əminliklə ancaq onu demək olar ki, onlar 250 mindən az deyil.

Qarabağdan ən son görüntülər

Günün fotosu

Yafəs Türksəs, Yeganə Bağırova və Kənan Hacı

Bakı bağları. Mərdəkan (film, 24.11.2007)

Sabita, şükr elə, hər izzət üçün zillət var...

Sabit Şəqaqi

Ənbərin rayiheyi-türreyi-canan gətirir,
Lütf ilə badi-səba dərdimə dərman gətirir.

Deyirəm qasidə: get nameyi-cananı gətir,
O gedir sürət ilə qətlimə fərman gətirir.

Mən dedim nikhəti-zülfün gətir, ey badi-səba,
O gedir başıma sövdeyi-pərişan gətirir.

Zülf düşgəc yüzünə didələrim əşk tökər,
Gün üzün əbr haçan bağlasa, baran gətirir.

Baxıb ol şiveyi-rəftarə, töküb qanlı yaşım,
Mən bilirdim ki, bu göz başıma çox qan gətirir.

Şikəstə Vaqifəm, sənin əlindən...

Molla Pənah Vaqif

Еy Kəbəm, Kərbəlam, Məkkəm, Mədinəm,
Bir zaman kuyində ziyarətimdir.
Qiblə dеyib, qaşlarına baş əymək
Gеcə-gündüz mənim ibadətimdir.

Hər nə dеsəm, sən incimə sözümdən,
Sərxоşunam, yоx xəbərim özümdən,
Şоl qamətin yayınanda gözümdən,
Sanasan ki, həşrü qiyamətimdir.

Bağlamışam din-imanı zülfünə,
Mənim kimi hеyran hanı zülfünə,
Tapşırıb gеdirəm canı zülfünə,
Yaxşı saxla, səndə əmanətimdir.

Füzuli - Pənbeyi-daği-cünun içrə nihandır bədənim...

Pənbeyi-daği-cünun içrə nihandır bədənim,
Diri olduqca libasım budur, ölsəm kəfənim.

Canı canan diləmiş, verməmək olmaz, ey dil!
Nə niza eyləyəlim, ol nə sənindir, nə mənim.

Daş dələr ahim oxu şəhdi-ləbin şövqindən,
Nola zənbur evinə bənzəsə beytülhəzənim.

Tövqi-zənciri-cünun daireyi-dövlətdir,
Nə rəva kim, məni ondan çıxara zəfi-tənim.

Eşq sərgəştəsiyəm, seyli-sirişk içrə yerim,
Bir hübabəm ki, həvadən doludur pirəhənim.

Rəfael Həbiboğlu - AY BELƏ SƏNƏM

Ayağın altına düşən bir dənəm,
Dənəm səndən ötrü, ay belə sənəm.
Yerimək istəsən meydan yeridi
Sinəm səndən ötrü, ay belə sənəm.

Dərdindən gedibdi gözümdən qaram,
Mənim bəxti kəmim, taleyi qaram.
Yağışam, şimşəyəm, buludam, qaram,
Günəm səndən ötrü, ay belə sənəm.

Dərdlilər dərdləri dərər dərindən,
Mən dərdin daha da dərin yerindən.
Dərvişəm, sufiyəm, zahidəm, rindəm,
Dinəm səndən ötrü, ay belə sənəm.

Александр Проханов: Хезболла - партия бога

Давно мечтал побывать в Южном Ливане, среди гор и долин, где в 2006 году состоялось вторжение израильских войск: двигались армады танков "Меркава", ревели винты вертолётов, израильская артиллерия сметала ливанские городки и селения.

Воины Хезболлы — герои сопротивления, разгромили многотысячную группировку евреев, повернули её вспять. И непобедимая доселе армия Израиля, оставляя горы дымящей брони, стеная и огрызаясь огнём, откатилась назад, заслонилась возведённой вдоль границы железобетонной стеной, ворохами колючей проволоки, вышками с пулемётами, тепловизорами, телевизионными камерами, зализывая страшную нанесённую рану.

GİZLƏDƏ BİLMƏDİM ÖZÜMÜ SƏNƏ

Qalib Şəfahət

Harada oldumsa, gördün məni,
Hər yanda
əsən külək kimi yelləndirdin,
yellənçəyimdə...
Yerinə yetirəmmədim sözümü,
Yalançı çıxdım sözümə.
Kişi gücünə güvənir,
Qadın gözəlliyinə...
Zəifliyə tuş gəlmədi bəxtin,
Sən baş əymədin zəifliyinə.
Dünyanın ən böyük yalançısı mən,
Dünyanın ən böyük məni görəni sən.
Sən məndən güclüsən,
Sən məndən çox hündürdəsən,

Mastopatiya

Arzu Abdulla

Türkiyəli həkim Hamdi Koçerin Azərbaycan səhiyyəsi ilə bağlı verdiyi müsahibələr geniş əks - səda doğurdu. O, iddia edir ki, Azərbaycanda işlədiyi müddətdə azərbaycanlı həmkarlarının qeyri-peşəkar fəaliyyətlərinin şahidi olub. Hamdi Koçer azərbaycanlı həkimlərin onkoloji xəstəliklər sahəsində lazımsız əməliyyatlar həyata keçirdiyini, yüzlərlə qadına yalandan mastopatiya  diaqnozu qoyulduğunu, özü müayinə etdikdə isə heç bir problem görmədiyini deyib. 

Respublikanın baş onkoloqu Azad Kərimli isə qəzetimizə verdiyi açıqlamada türkiyəli həkimi yalançı adlandırıb.  O, Azərbaycanda onkologiyanın yüksək inkişafından danışıb. 

Hər iki onkoloq mübahisə etməyində olsun, sizlərə digər türkiyəli həkimdən - qadın uzmanı olan Hakan Tanrıverdidən danışacam. Qəzetimizə verdiyi müsahibədə o, azərbaycanlı həkimlərin tibb elmindəki “yeniliyindən” danışıb . Adətən, bizdə hamiləliyin ilk günlərində həkim müayinəsindən keçən analara “tonus” diaqnozu qoyulur.

Azərbaycan ordusunun əsgərlərinə sevgilər və sayqılar

HamamTimes

Xatirə Xatun - QƏLƏBƏ

Bir zamanlar bir zəngindən,
Ya da bircə mesajından
ən sıradan günüm belə toy bayrama çevrilərdi.
Bütün dünya gözlərimdə
Gözəlləşər, sevilərdi.
Mesajını aldığım gün toy-düyündü mənim üçün.
Amma indi
ən sevimli bayram belə
adi gündü mənim üçün.
Əfsunmusan, sehrmisən?
Sən o gündən bir ilğıma çevrilmisən.
Ha gedirəm əlim çatmır, ünüm yetmir.
Sənsiz sanki zaman durub, vaxt dayanıb,
günüm getmir.

Məyər mən ölmüşəm yarım qız alsın?))

İctimai Gundem

Dərdindən ucada yaşayan adam

Tural Adışirin

Elşən Əzimə

Əssə də ömrünə acı ruzigar,
Arzusu, ümidi dumanlansa da,
Həyatda kədər yox, sevinc axtarar,
Dərdindən ucada yaşayan adam.
Dərdindən ucada yaşayan adam,
Dipdiri dərdini harda basdırar?
Üzünə yaz gülsə, güllüyə batar,
Üstünə qış gülsə, qarda basdırar.
Öz ömrü, həyatı çevrilər yasa,
Gözünün yaşını saxlaya bilər.
Qərib bir durnanın duruşundasa,
Bir xalqın dərdinə ağlaya bilər.

Deep Forest - Forest Hymn

Astara, Toradi

Raqif adlı istifadəçinin Şəkilləri

Öz milli ölkəmizi quraq

Toğrul Allahverdili

Çox adamdan eşitmişəm ki, - əşi balaca dövlətik, bizi kimdi sayan, adam yerinə qoyan. Kimə söz keçirə bilərik, kimin qarşısında dura bilərik ki. Azərbaycan həmişə kiminsə qapazaltısı olacaq. - Düzdür, Azərbaycan balacadı, məğlubdu, əhalisinin 5də 1i qeydiyatsız xaricdədi, qanunən hüquqi dövlət olsa da, hüququn olmadığı, məhkəmənin ədalət nədir bilmədiyi, səhiyyə sisteminin göz görə-görə insan öldürdüyü, insanların haqqı taptalananda gedəcək yeri olmadığı, təhsil üzrə araşdırmalarda ən son yeri tutan, korrupsiya üzrə araşdırmalarda həmişə ilk yeri tutan bir ölkədir. Bunların hamısına eyvallah. Ancaq əslində Azərbaycan çox böyük potensialı olan bir ölkədi. Tarix boyu böyük mədəniyyətlərə vətən olan bu torpaqlarda eyni dili danışan insanlar təəssüf ki, qonşu böyük dövlətlər tərəfindən "böl və məğlub et" prinsipi ilə bu xalqı həmişə bölüblər.

MÜJKANIN TALEYİ

Akif ABBASOV

 “Acı xatirələr” romanından bir parça

Müjkan mağazada işləyirdi. İşdə gah birinci, gah da ikinci növbə olurdu. İşin sonuna yaxın Rasim onun yanına gəlir, aparıb ya mənzilinə yola salır, ya da kafelərin birində əyləşib nahar, yaxud şam edirdilər. Müjkan onlar üçün bilet almışdı. Emil artıq Bakıya yola düşmüşdü. Oradan da kəndlərinə gedəcəkdi.
Rasim də getməyə hazırlaşırdı. Belə günlərin birində Rasim Müjkanın mənzilində oturub çay içirdi. İkisi idi. Sima Səhəri Kukla Teatrına aparmışdı. Qabaq-qabağa oturmuşdular. Müjkan ev paltarında, xalatda bir özgə cür görünürdü. Sanki göydən enmiş mələk idi. Rasim özünü saxlaya bilməyib ayağa qalxdı. Müjkanın başını qucaqladı. Müjkan dartındı. Rasim əlini çəkib şeir oxudu:

AYI BALASI

Rüfət Soltan

Özü böyüklüyündə bir oyuncağı əlində saxlayıb küçənin ortasında bir daşın üzərində oturacaq  qədər qürurunu satmışdı  sevgi üzündən.  O kimi gözləyirdi görəsən, yoxsa nəyisə gözləyirdi, hansısa bir hadisənin gerçəkləşə biləcəyinimi? Ümidlər insanı gah öldürür, gah dirildir belcəcə…   Sonra öz-özünə danışarmış kimi onunla bir zaman bağlamış olduğu eşq müqaviləsinin şərtlərinə əməl etməyən bir insana səslənirdi: “Ey insafsız sevgilim! Gəl də illər öncə mənə hədiyyə etdiyin bu oyuncaq ayı balasını üzünə çırpım ki, bəlkə ümidlərim də məndən küsər, beləcə rahat-firavan yaşaram bu həyatda sənsiz, kədərsiz… Sənin üzündən ağlıma belə qalib gəlməz oldum. Ürəyim hisslərimə hökümranlıq etməkdədir.  Hm..(o gülür) Əziz və zavallı  sevgilim sənə yazığım gəlir, bilirsən niyə? Heç olmazsa mənim ürəyim sahibinə vəfasız çıxmadı, sənin isə hal-hazırda nə ürəyin var, nə də ağlın.

Вид на площадь Испании в Севильи, Андалусия, Испания

Ваш проводник в Европу

как танцевали 30 лет назад

Taleh Eminoğlu - Azadlıq nəğməsi

Bağdadın kor xəlifəsi

(Cansız şəhərlər silsiləsindən)
      
Bir şəhər gördüm yuxumda,
məscidi uçmuş
yadları doğmasından çox
ağacları kəsilmiş
diriləri bir – birindən qaçaqkən
ölüləri bir – birini qucmuş.
Ana gördüm bu şəhərdə
oğlunun tikələrin toplayırdı,
Ata gördüm Corcun
qızını zorlamasına baxırdı.

Əllərim əllərində

Fərzad Leysi

Yumurta

Səhər yumurta
Nahar yumurta
Axşam yumurta
Hər an yumurta
Az qala
Ağzımdan cücələyirəm.

Anama

Şeir Anam (dır)
Lay- lamı çalır
Yox
Atam
Əlimdən gedir

Günün fotosu

Raqif adlı istifadəçinin Şəkilləri

Kiyan Xiyav. Ancaq qadın...

Adını manifest toxuma beynimə
Mən ürək adamıyam
Bir görüşdə tanıyar bir durumda
Necə köklü- kökənli olduğunu!...

Barmaqlarını feminist soxma gözümə
Nə özünü dubvarın ikinci cinsinə
Nə də məni niçənin qamçısına düyünləmə!
Nə sömürmək
Nə də sömürülmək
Bir başa sevmək, sevməkdir bizimkisi!...

Ağacmısan
Nə alma, nə üzüm
Özünü iydə ağacı üstün tut!
Adammısan

İbrahim Quliyev - Mələk

Bəlkə sən Allahla mənim aramda
Min il gözlədiyim həmin mələksən.
Bəlkə bu dünyanın sonunacan da
Mələk olduğunu bilməyəcəksən.

Bəlkə yer üzünə göydən gəlmisən,
Tanrıdan gəlmisən...
imansan, haqsan.
Fəqət bu bakirə təbiətinlə
Sən yer adamına aldanacaqsan.

Səni sındıracaq vədlər dünyada,-
Qızıl qədəhlərdə çağlayacaqsan.
Bir gecə ayılıb yad çarpayıda
Ölən mələk üçün ağlayacaqsan.