Bəşər Əsədin devrilməsinə 100 milyon dollar ayrıldı

Səudiyyə Ərəbistanı hökuməti Suriyanın müxalifət və inqilabçı qüvvələrinin Milli Koalisiyasına 100 milyon dollar vəsait ayırmaq barədə qərar çıxarıb.
Teleqraf.com-un xəbərinə görə, bu barədə bu gün Səudiyyə Krallığının xarici işlər naziri Saud əl-Feysəl "Suriyanın dostları qrupu"nun toplantısında bildirib.
Onun sözlərinə görə, bu vəsait Suriya xalqının çəkdiyi əzabın aradan qaldırılmasına xidmət edəcək.
Qeyd edək ki, bundan öncə  Suriyanın müxalifət və inqilabçı qüvvələrinin Milli Koalisiyasının lideri Şeyx Əhməd Muaz əl-Xatıb "Suriya xalqına maliyyə və humanitar yardım göstərilməsi" barədə beynəlxalq birliyə müraciət etmişdi.