"Əsil ziyalı insanın dəlisiyəm"

Şirinxanım  Kərimbəyli Şadiman "TEZ-BAZAR"da

-Özünüzü 2 sözlə təqdim edin.

- Şirinxanım Şadiman.

- Sizi necə təqdim edəndə razı qalırsınız?

- Sadəcə adımla.

- “Mən kiməm?” sualına necə cavab verirsiniz?

- Şair-publisist.

- Dost…

- Əslində təkliyi sevirəm.

- İlk sevginiz?

- Qadınların sevgisi daim ürəklərində mürgüləyir.

- Əsas ixtisasınız?

- Kitabxanaçı, mühəndis-geofizik.

- İstifadə etdiyiniz nəqliyyat növü?

- Avtobus, metro.

- Sevdiyiniz maşın markası?

- Ümumiyyətlə maşın markaları ilə maraqlanmıram.

- Sevdiyiniz brend?

- Lit.parad

- Sevdiyiniz saç düzümü?

- Kare (qısa).

- Sevdiyiniz rəng?

- Mavi.

- Ən çox bəyəndiyiniz ölkə və şəhər?

- Türkiyə, İstanbul.

- Sevdiyiniz yemək?

- Kabab.

- Ən çox istifadə etdiyiniz söz?

- Canım.

-Leksikologiyanıza yad olan söz?

- Məddahlıq.

- Sizi nə həyəcanlandıra bilər?

- Körpə gülüşü.

- Ən çox sevdiyiniz kitab?

- “Amerika faciəsi”.

- Ən çox sevdiyiniz yazar?

- Mirzə Fətəli Axundzadə.

- Ən çox bəyəndiyiniz ifaçı?

- Müslüm Maqamayev.

- Ən çox bəyəndiyiniz musiqi janrı?

- Həzin musiqi.

- Özünüzdə qeyri-adi istedad hiss edirsizmi?

- Hiss etmişəm və istifadə edirəm.

- Mənfi xüsusiyyətiniz?

- Adamlardan qaçıram.

- İdeal insan necə olmalıdır?

- Özünə güvənən.

- Özünüzü ideal insan hesab edirsizmi?

- Hər-halda mən daima özümə güvənmişəm, amma tam ideal insan yoxdur.

- Sizi özünüzdən nə çıxarda bilər?

- Yaltaqlıq.

- Həyat fəlsəfənizi ifadə edin.

- Başqalarına mane olmamaq.

- Siz xoşbəxtsinizmi?

- Tam xoşbəxt adam yoxdur.

- Bədbəxtliyin xüsusi düsturu varmı?

- Ağılsızlıq.

- Hər şeyin sonu üçün əvvəlinə münasibətiniz necə olur?

- Sonun pis olmaması üçün əvvəldən məsuliyyətli olmaq lazım.

- Ölüm niyə ölmür?

- Ölümü öldürmək üçün ruha tapınmaq  gərək.

- Dinlərə münasibətiniz?

- Yaradana inanıram, bizi deyəsən hansısa planetdən yerə atıblar.

 -Kimdən və nədən xilas olmaq istərdiniz?

- Adamı sıxan mühitdən...

- Falçıya inanırsızmı?

- Falçıların əsiri deyiləm, amma təsadüfü insanlarda görücülük ola bilər.

- Daş olmaq yaxşıdır, yoxsa daşlaşmaq?

- Əvvəldən daş olsaydım...

- Sevinciniz nə qədərdir?

- Sevincim ovucla, qəmim xalvarla.

- İnsanların hansı xüsusiyyətlərinə dəyər verirsiniz?

- Əsil ziyalı insanın dəlisiyəm.

- Bağlayıcılardan çoxmu istifadə edirsiniz?

- Bağlayıcısız cümlə var ki…

- Çayı içmək ürəyinizcədir, yoxsa keçmək?

- Çayı içmək də yaxşıdır, keçmək də.

- Gülməyi xoşlayırsız, yoxsa güldürməyi…

- Həyatımız elə başdan-başa gülməlidir.

- Mənə sualınız.

- Sizin “Tez Bazar”a uğurlar, bizləri yad edirsiniz…

Tural Balabəyli