Müavinləri Mehdiyevin iclasına getmədi?

PA rəhbəri fövqəladə müşavirə keçirdi və… işçilərini mətbuatın yazdıqlarına inanmamağa çağırdı
İki gün əvvəl Prezident Administrasiyasında (PA) bu qurumun rəhbəri Ramiz Mehdiyevin rəhbərliyi ilə müşavirə keçirilib. PA-dakı mənbənin «Bizim Yol-a verdiyi məlumatda bildirilir ki, müşavirəyə prezidentin R.Mehdiyevə təyin etdiyi 4 müavindən başqa aparatda çalışan hər bir şəxs qatılıb. Pa rəhbəri hər kəsin iclasda görmək istədiyini bildirib .
Mənbə bildirib ki, R. Mehdiyev əsəbi tonda çıxışlar edib mətbuatda barəsində yazılanlara reaksiya verib. O, işçilərini yazılanlara inanmamağa , hər kəsin öz işi ilə məşğul olmağa çağırıb.
Sonda onun “vurulacağına” dair xəbərlərə toxunan PA rəhbəri deyib ki, Prezidentin ona müavinlər təyin etməsi bəzi adamları ürəkləndirib: “Həmin adamlar başa düşsünlər ki, bu 4 nəfərin hər biri mənim köməkçilərimdi. Burada qeyri adi-heçnə yoxdur, prezidentin bu addımından yanlış nəticə çıxarırılar» deyə R.Mehdiyev vurğulayıb. (Azadlıq.az)