Bu ildən Rusiya ilə Azərbaycan arasında müttəfiqlik əməkdaşlığı haqqında bəyannamənin müddəalarının həyata keçirilməsinə başlanacaq

Rusiya Federasiyası ilə Azərbaycan arasında müttəfiqlik əməkdaşlığı haqqında bəyannamə tarixi sənəddir.

Rusiya Xarici İşlər Nazirliyinin nümayəndəsi Mariya Zaxarova qeyd edib ki, bu sənəd ölkələr arasında münasibətlərin yeni keyfiyyətini qeyd edir. O cümlədən, bütün sahələrdə əməkdaşlığın əsas istiqamətlərini müəyyən edir.

Onun sözlərinə görə, Rusiya ilə Azərbaycan arasında müttəfiqlik münasibətləri həm regional, həm də beynəlxalq müstəvidə sabitləşdirici amildir.

"Bakı ilə birlikdə biz bu sənədin müddəalarının həyata keçirilməsi üzərində işləyirik. Bəyannamənin imzalanmasının ildönümü münasibətilə bir sıra tədbirlərin keçirilməsi nəzərdə tutulur", - Zaxarova bildirib.