08.08.2017

Tariximizə ləkə salanlarla mübarizə aparmalıyıq

Rauf Qubadov

Gəlin bir az düşünək. Krım Rusiya ərazisi olub. Xuruşov SSRİ-nin rəhbəri olanda Krımı Ukraynaya verib. Sonra isə Rusiya onu geri qaytardı. Diqqət: Rusiya öz ərazisini geri aldı.
Qarabağ Azərbaycanın olub. Azərbaycandakı hakimiyyət davasında Ermənistana verilib.
İndi Azərbaycan da öz ərazilərini geri qaytarmaq istəyir.
Biz niyə Rusiyanın öz ərazisini geri qaytarmağını dəstəkləməyək? Əksinə dəstəkləməliyik ki, Qarabağı da Krım kimi geri alaq...
Qaldı hakimiyyətin bəzi siyasətçilərin ata vətənləri Ermənistandakı rayonlara, onlar nə Demokratik Respublika vaxtı, nə də Sovet hakimiyyəti vaxtı Azərbaycanla bir olmayıblar. Bax bu səbəbə onlar tarixi silməyə calışıb, qara yaxırlar.
Demokratik Respublika da, Sovet hakimiyyəti də bizim tariximizdi. Bizim ata-babalarımızın seçdiyi yoldur. Biz nəyə gorə oz tariximizdə düzünü deməkdən cəkinməliyik? Bizim müştərək şanlı tariximiz var. Məsələn, Avropanı faşizm bəlasından biz xilas etmişik.
Biz öz tariximizə ləkə salmaq əvəzinə, ona ləkə salanlarla mübarizə aparmalıyıq.
Tariximizi düzgün təqdim edib, onunla qürur duymalıyıq.

Abbas Hüseynov həbsxanada çarmıxa çəkilib

Müsәlman Birliyi Hәrәkatının üzvü, Nardaran mәhbusu Abbas Hüseynova dəhşətli işgəncələr verilib.
"Gətirdilər “kars”a, uzatdılar dəmirin üstünə, əllərimə və ayaqlarıma qandal vurdular. 2 gün çarmıxa çəkilmiş vəziyyətdə “kars”da qaldım”. Bu sözləri Abbas Hüseynov vəkili Yalçın İmanova deyib. Rakurs TV-nin mәlumatına görә, vәkil avqustun 8-də Qobustan Həbsxanasında saxlanılan Abbas Hüseynovla görüşüb. Abbas Hüseynov vəkilə bildirib ki, ona verilən işgəncələr zamanı şəxsən Qobustan həbsxanasının rəisi Aftandil Ağayev, müavini Emin Cəfərov, həbsxana əməkdaşları İlkin Axundov, Namiq Ağayev, Rövşən, İqbal və adlarını bilmәdyi digər şəxslər iştirak edib.
O, 20 iyulda Bakı Apellyasiya Məhkəməsində baş verənlərdən sonra Bakı İstintaq Təcridxanasına qaytarıldığını və 7 gün "kars" cəzası aldığını deyib. Lakin 2 gün sonra- iyulun 22-də günorta saatlarında “Nardaran işi” üzrə təqsirləndirilən Cabbar Cabbarovla Qobustan həbsxanasına köçürülüb: “İyulun 22-i günorta namazından sonra gətirildik Qobustana. Salam verən kimi həm Cabbarın, həm də mənim əllərimizi arxadan qandalladılar, yerlə üzüstə sürüyə-sürüyə apardılar. Cabbar, mən, bir də başqa bir dustaq vardı. Üzümüzü divara yapışdırıb, günün istisində üzü divara saxladılar. Mən bizim hüquqlarımızın olduğunu deyəndə onlar “bura Qobustandır” cavabını verdilər. Sonra Rövşən adlı həbsxana əməkdaşı dedi ki, “bu çox danışır, bunu başa salın”. Sonradan adının Axundov İlkin Ruslan oğlu olduğunu öyrəndiyim gizir “dubinka”yla kürəyimə zərbələr endirməyə başladı. Məni “dubinka” ilə döyəndən sonra “kars”a atdılar”.
Onun sözlərinə görə, “kars” müddəti iyulun 25-də başa çatsa da, iyulun 29-a qədər "kars"da saxlanılıb: “"Kars"da vəziyyət dəhşətlidir, yerdə iri soxulcanlar gəzir, soxulcanlar unitazın böyür-başından çıxır, hər yer natəmizdir, “prostina” kirdən qaralıb. Mən nəzarətçidən xahiş elədim ki, mənə balaca bir təmiz kağız parçası versin ki, namaz qıla bilim, onu da vermədilər”.
Abbas Hüseynov deyib ki, iyulun 25-də həbsxananın mayor rütbəli Namiq Quliyev adlı əməkdaşı yumruqla mədəsindən və çənəsindən vurub: "Dedi ki, elə eləmə, səninlə başqa cür davranaq, toz vuraq sənə, “dubinka” dustağın ayrılmaz dostudur. Mən ona qanunsuz hərəkətlərindən şikayət edəcəyimi dedim, o isə “hara istəyirsən get şikayət elə” dedi. Əvəzində guya həbsxana əməkdaşlarını təhqir iddiası ilə mənim barəmdə akt tərtib edildi”.
O, həbsxanada olduğu 17 gün ərzində müxtəlif bəhanələrlə, heç bir əsas olmadan barəsində 4 töhmət qərarının verildiyini deyib. Bildirib ki, onu iyulun 26-da günorta saatlarında rəislə görüşdürülmək adı ilə "kars"dan çıxarıb, həbsxananın həyətindəki dəmir dirəyə bağlayıblar: “Təxminən 3 saata yaxın dirəyə bağlı vəziyyətdə saxlanıldım. Əllərim arxadan qandallı vəziyyətdə, üzüm dəmir dirəyə yapışmış halda. Məni dirəyə bağlayan həbsxananın İqbal və Rövşən adlı əməkdaşları idi. Günün ən qızmar vaxtında. 3 saatdan sonra dirəkdən açıb yenidən "kars"a saldılar”.
Onun sözlərinə görə, iyulun 29-u “kars”ın müddəti bitsə də, onu yenidən karsa qaytarıblar, bunu onunla əsaslandırıblar ki, karantində yer yoxdur.
Abbas Hüseynov iyulun 29-da ilahiyyatçı Tale Bağırzadənin Bakı İstintaq Təcridxanasından Qobustan həbsxanasına gətirildiyini deyib. O, bildirib ki, ilahiyyatçı ilә yanaşı kamerada qaldığından, onun səsini eşidib. Havanın isti olması səbəbiylə Tale Bağırzadənin vəziyyəti pisləşib, bu zaman ilahiyyatçı və yanındakı dustaq nəzarətçidən həkim çağırmağı xahiş edib. Ancaq nəzarətçi İlkin Axundov həkim çağırmaq əvəzinə Talehi söyməyə başlayıb: “Biz də Cabbarla buna etiraz elədik, digər dustaqlar da buna etiraz etdilər. Biz hacının təhqir edilməsinə etiraz olaraq, aclıq edəcəyimizi və həbsxana rəisinin bizi qəbul edib, dinləməsini, hacını təhqir edən nəzarətçi İlkin Axundovu cəzalandırmasını istədik. Səhəri gün məlum oldu ki, hacını “kars”a salıblar. Cabbar artıq korpusa köçürüldüyündən mən karantində tək qaldım. Rövşən və Namiq adlı həbsxana əməkdaşları məni “Tubzon”a göndərməklə hədələdilər. Həbsxanaya gəldiyimdә və dəmir dirəyə bağlandığımda məni gün vurduğundan həkim tələb etdim, ancaq həkim gəlmədi və heç bir tibbi yardım göstərilmədi”.
Abbas Hüseynov vəkilə deyib ki, avqustun 5-də ona karantin müddətinin bitdiyi, kameraya köçürüləcəyi və rəisin onu qəbul edəcəyi deyilib: “Rəis Aftandil Ağayev məni qəbul etdi. Mən ona dedim ki, Aftandil müəllim, burda qanunsuzluqlar var, istəyirəm bu barədə sizə deyim. Aftandil Ağayev dedi ki, sən kimsən ki, mənə nəsə deyəsən, səni qəbul edim. Mən ona baş verən qanunsuzluqları ictimailəşdirəcəyimi dedim. Aftandil Ağayev dedi ki, “burda hüquqlar bitir, səni də, sənin vəkillərini də... Bura Qobustandır, ağzının danışığını bil”. Bunu deyə-deyə durub cumdu üstümə. Rəisin yanında Emin adlı müavini və daha 2 nəfər həbsxana əməkdaşı vardı. Əllərim qandallı idi. Yanımdakılar badalaq verib, məni yerə yıxdılar, rəis otağındakı stolun altından “dubinka”nı çıxarıb, yerdə məni vurmağa başladı. Vura-vura deyirdi ki, “səni ram eləmək mənim üçün 2 dəqiqəlik işdir”. Məni ayağa qaldırıb, ayaq üstə üzümə vurmağa başladı. Mən dedim ki, nə vəhşiyəm, nə də heyvan. Təzədən məni yerə yıxdılar və rəis yenidən “dubinka”yla yerdə mәni döyməyə başladı. Ən azı 30-35 zərbə endirdi. Sonra qaldırıb sifətimə vurdu. Rəisin müavini Emin də məni vururdu. O qədər başıma vurdular ki, gözlərim irinlədi. Daha sonra mənə 8 sutka "kars" cəzası verildiyi deyildi. Aftandil Ağayev dedi ki, əlləri, ayaqları qandallı “kars”a salın. Gətirdilər “kars”a, uzatdılar dəmirin üstünə, əllərimə və ayaqlarıma qandal vurdular, çarmıxa bağladılar. 2 gün çarmıxa çəkilmiş vəziyyətdə “kars”da qaldım”.
Vəkil Yalçın İmanov deyir ki, Abbas Hüseynovn bədənində- kürəklərində, ayaqlarında, arxadan beldən aşağı hissəsində, dizlərində çoxsaylı qançır və xəsarət izləri var, əl və ayaq biləklərində qandalın izləri qalıb. O, həbsxanada qarşılaşdığı işgəncələrlə bağlı 5 gün aclıq aksiyası keçirib, Tale Bağırzadə isə Abbas Hüseynə olan haqsızlıqlar səbəbindən 2 gün, özünün qanunsuz olaraq “kars”a salınmasına görə, 4 gün (cəmi 6 gün) aclıq elan edib.
İmanovun sözlərinə görə, Abbas Hüseynov döyülmə və işgəncələrdən çətinliklə yeriyir, ayağının biri axsayır, otura bilmir.
Vəkil Abbas Hüseynovun Qobustan həbsxanasında işgəncələrə məruz qalması ilə bağlı avqustun 9-da Baş Prokurorluğa şikayət edəcəyini bildirib.
Vəkil Abbas Hüseynovun kars müddətinin avqustun 13-də başa çatacağını da deyir. /rakurs.tv/
Şəkildə: Qobustan həbsxanasının rəisi Aftandil Ağayev

Astan Şahverdiyev Əli Həsənova görə niyə özünü söydürür?

Qaçqınların və Məcburi Köçkünlərin İşləri üzrə Dövlət Komitəsinin sədri, Baş nazirin müavini Əli Həsənovun nəvəsi Nail Allahverdiyevin törətdiyi və cəmiyyətdə rezonans doğuran qəzadan sonra gündəmə gələn şəxslərdən biri də Milli Məclisin deputatı Astan Şahverdiyevdir.
Astan Şahverdiyev Əli Həsənova görə niyə özünü söydürür? 
BakuPost.az xəbər verir ki, 120 saylı Cəbrayıl-Qubadlı seçki dairəsindən seçilmiş deputat A.Şahverdiyevin qınağa tuş gəlməsinə səbəb onun yalan açıqlama verməsidir. Belə ki, Daxili İşlər Nazirliyi avqustun 3-də saat 21 radələrində Nail Allahverdiyevin "Mercedes-Gelandawagen” markalı avtomobillə iki nəfərin ölümü və iki nəfərin müxtəlif dərəcəli bədən xəsarətləri alması ilə nəticələnən ağır yol-nəqliyyat hadisəsi törətdiyini təsdiqləsə də, millət vəkili həmin hadisə zamanı Nailin evdə olduğunu, hətta buna şahid olan şəxslərin də mövcudluğunu bildirib. 
"Qəza törədilən zaman Əli Həsənovun nəvəsi maşında olmayıb, evdə olub. İndi də bir sıra saytlar ağıllarına gələni yazırlar ki, guya qəzanı nəvəsi törədib və sairə. Bütün bunlar yalandır. Mən Əli müəllimi və ailəsini gözəl tanıyıram. Onlar çox sadə və halal insanlardır”, - deyə A.Şahverdiyev qeyd edib.
Bundan başqa, deputat Nailin 21 yaşında bu qədər var-dövlətə sahib olmasını fərasətli gənc olmasıyla əlaqələndirib: "Nail Allahverdiyev Əli Həsənovun qız nəvəsidir. Nailin atasının kifayət qədər imkanı, işi-gücü var. Digər tərəfdən isə Nail savadlı, fərasətli gəncdir, öz ağlı, zəhməti hesabına pul qazanmağı bacarır. Yaşa görə adamın fərasətinə qiymət vermək doğru deyil. Nə olsun ki, onun 21 yaşı var? Bəs Bill Qeyts neçə yaşında milyonçu olub? Bu cür qiymətləndirmə aparmaq ucuzluqdur”.
Maraqlıdır ki, Astan Şahverdiyevin birdən-birə həqiqəti əks etdirməyən açıqlamalar verməsinə, Həsənovları müdafiə etməklə özünü söydürməsinə səbəb nədir? Deputatın bu "xidmət”i əslində nəyə xidmət edib?
BakuPost.az-ın əldə etdiyi məlumata görə, A. Şahverdiyev "Qaçqınkom” sədrinin həmyerlisi olmaqla yanaşı, həm də yaxın qohumudur. Onların Cəbrayıl rayonunda yaşadıqları vaxtdan isti münasibətləri olduğu, əlaqələrinin indiyə kimi davam etdiyi qeyd edilir. Bəzi mənbələr Əli Həsənovun Astan Şahverdiyevin bibisi oğlu olduğunu da bildirir.
Məlumata görə, onların ailəvi münasibətlərinin uzun illər davam etməsinin səbəblərindən biri də xanımları – Ə.Həsənovun həyat yoldaşı Çimnaz Həsənovayla A.Şahverdiyevin xanımı Solmaz Şahverdiyevanın yaxın rəfiqə olmasıdır. 
A.Şahverdiyev (1947) Ə.Həsənovdan (1948) 1 yaş böyük olsa da, onun siyasətə gəlişində və yüksəlməsində baş nazirin müavinin böyük rolu olduğu vurğulanır. Məlum olduğu kimi, Ə.Həsənov hələ Azərbaycan SSR dövründən yüksək vəzifələrdə çalışıb. Ölkəmiz müstəqillik əldə etdikdən sonra isə sürətlə yüksəlməyə başlayıb. O, 1996-cı ildə Azərbaycan Respublikası Milli Məclisinin deputatı seçilib. 1998-ci ilin noyabr ayından Azərbaycan Respublikası Baş nazirinin müavini, Qaçqınların və Məcburi Köçkünlərin İşləri üzrə Dövlət Komitəsinin sədridir. Azərbaycan Respublikası Prezidentinin 2008-ci il 9 aprel tarixli Sərəncamı ilə dövlət qulluğunda göstərdiyi səmərəli fəaliyyətinə görə "Şöhrət” ordeni ilə təltif edilib. 2013-cü ildə Yeni Azərbaycan Partiyasının V qurultayında YAP Sədrinin müavini seçilib.
Saytımıza daxil olan digər məlumata görə isə, bir müddət əvvəl Şahverdiyevlərlə Həsənovların arası dəyib. Belə ki, A, Şahverdiyev bir neçə ay əvvəl Rusiyada işləyən azərbaycanlıları "otxod" adlandırmaqla həm rəsmi dairələrin, həm də xalqın qəzəbinə səbəb olmuşdu. Ə. Həsənov da mətbuata açıqlamasında "Astan Şahverdiyev əgər belə ifadələr işlədibsə, bu, böyük qəbahətdir” demişdi. A.Şahverdiyevin belə qəbahət işləməsi isə Ə. Həsənovun onu bir müddətlik ailəsindən uzaqlaşdırmaqla nəticələnib. Hətta Baş nazirin müavini nəvəsi Naillə Dövlət Sərhəd Xidmətinin rəisi, general Elçin Quliyevin qızının bu ilin iyunun 30-da baş tutan toy mərasiminə Şahverdiyevlər ailəsini çağırmayıb. Bu isə ailələr arasında küskünlüyə səbəb olub.
Görünür, A.Şahverdiyev Naili müdafiə etməklə, həm ona uzun illər jestlər etmiş dostunun "borcunu” qaytarmaq istəyib, həm də yaranmış soyuqluğu aradan götürməyə çalışıb.

KÜRDƏXANI "TÜRMƏ"SİNDƏ ƏLİ HƏSƏNOVUN NƏVƏSİNƏ SUPER ŞƏRAİT

Xəbər verildiyi kimi, Daxili İşlər Nazirliyinin mətbuat xidmətinin rəhbəri polkovnik Ehsan Zahidov Bakının Heydər Əliyev prospektində “Mercedes Gelandewagen” markalı avtomobilin törətdiyi dəhşətli qəzanin təffərüatları və istintaqın gedişi haqda KİV-ə ətraflı açıqlama vermişdir. Aparılmış zəruri istintaq tədbirləri nəticəsində qəzanın baş verdiyi ərazidə müşahidə kameralarının görüntüləri araşdırılıb və “Mercedes Gelandewagen” markalı tomobilin sükanı arxasında məhz vətəndaş Nail Allahverdiyevin olduğu müəyyən edilib. Adı çəkilən sürücü cinayət məsuliyyətinə cəlb olunaraq barəsində məhkəmə qərarı ilə həbs qətimkan tədbiri seçilib. Onun artıq bu gün Ədliyyə Nazirliyinin Kürdəxanı İstintaq Təcridxanasına aparıldığı bildirilir.
Xatırladaq ki, Nail Allahverdiyev baş nazirin müavini Əli Həsənovun nəvəsidir. Daha öncə KİV və qorxunc qəzanın şahidləri dəfələrlə bildirmişdilər ki, məhz o, avtomobilin sükanı arxasında olub və insanların ölümünə gətirib çıxarmış qəzanı törədib. Hansı ki, qəza nəticəsində 2 nəfər ölmüş, 2 nəfər Türkiyə vətəndaşı isə ağır yaralanmışdır, vəziyyətləri olduqca ağırdır.

"Kürdəxanı Təcridxanasının rəhbərliyi 2 gündür səfərbər olaraq Nail Allahverdiyevə lüks şərait yaratmaqla məşğuldur". Belə bir məktubla "Təzadlar"a müraciət edən, adının çəkilməsini istəməyən təcridxana əməkdaşı şok faktları açıqlayıb: "...Əvvəla onu deyim ki, vicdanımın səsi ilə susa bilmədim. Bilirsiniz ki, "Kürdəxanı İstintaq Təcridxanası" kimi tanınan 1 saylı Bakı İstintaq Təcridxanasının rəisi Azər Seyidov vəzifəsindən düz 1 il əvvəl, 2016-cı ilin avqustun 1-də işdən azad olundu. Onun yerinə isə əvvəl rəis müavini olan Rəşid Səfərov təyin olundu. Düz 1 ildir ki, hamı əvvəlki rəislərin atasına rəhmət oxuyur. Təxminən bir ay əvvəl ƏN-nin Penitensiar Xidmətində 2017-ci ilin birinci yarımilliyinin yekunlarına həsr olunan əməliyyat müşavirəsi keçirildi. Ədliyyə nazirinin müavini, Penitensiar xidmətin rəisi Ceyhun Həsənov tədbiri açaraq, ətraflı çıxış etdi, Prezidenti cənab İlham Əliyevin sədrliyi ilə 12.07.2017-ci il tarixdə keçirilmiş 2017-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunmuş müşavirədə qaldırılan məsələlərlə bağlı ədliyyə orqanlarının üzərinə düşən vəzifələrin icrası istiqamətində bir sıra kompleks tədbirlərin nəzərdə tutulduğunu bildirdi. Bu tədbirlərdən ən vacibi o idi ki, Penitensiar xidmətin ayrı-ayrı idarə rəisləri və cəzaçəkmə müəssisələrinin rəhbərlərinin çıxışları dinlənildi. Bizim rəis də danışmışdı, deyilənə görə korrupsiyaya qarşı mübarizədən, istintaq altında yatan məhkumların arasında ayrı-seçkiliyə son qoyulmasından danışıb. Lap yekunda əməliyyat müşavirəsinə yekun vuran ədliyyə nazirinin müavini, Penitensiar xidmətin rəisi, ədliyyə general-mayoru Ceyhun Həsənov məhkumların və təqsirləndirilən şəxslərin hüquqlarının daha etibarlı təmini, əməliyyat-axtarış və təhlükəsizlik tədbirlərinin gücləndirilməsi, rejim və davranış qaydalarına dönmədən riayət olunması, qanunsuz əşyaların ötürülməsi və dövriyyəsinin qarşısının alınması məqsədilə preventiv tədbirlərin həyata keçirilməsinə dair tapşırıqlar verib. O, nizam-intizamın gücləndirilməsi, islah və tərbiyə işinin səmərəliliyinin artırılması, penitensiar müəssisələrdə istehsalat sahələrinin genişləndirilməsi və kadrlarla işin təkmilləşdirilməsi istiqamətində səylərin artırılmasının, özbaşınalıq, vəzifə səlahiyyətlərindən sui-istifadə etmə, korrupsiya halları ilə mübarizənin daim diqqət mərkəzində saxlanılmasının vacibliyini vurğulayıb, təkrarən tapşırıqlarını verib. Bu tapşırıqların heç mürəkkəbi qurumamış 1 saylı Təcridxananın rəisi, ədliyyə polkovniki Rəşid Səfərov öz bildiyini etməyə başladı... Təsəvvür edirsinizmi, 2 gündür ki, təcridxananın personalı səfərbər olaraq Baş nazirin müavini Əli Həsənovun avtoşluq edərək 2 nəfərin ölümünə, 2 nəfərin ağır yaralanmasına bais olmuş Nail Allahverdiyevə lüks şərait yaratmaqla məşğuldur. Təxminən 30-40 min manata başa gələn bu lüks şəraitə kondisionerli, televizorlu, mobil telefonlu, super şəraiti, super ərzağı olan otaq daxildir. Azərcell-dən yoxlasınlar, Nail hər gün atası və babası, dostları ilə danışır. Ona görə ki, o, Baş Nazirin müavininin nəvəsidir... Sağ olsun, təcridxananın rəisi Rəşid Səfərov, müavin Yaşar müəllim də bunu nəzərə alıb. Axı ayıb olar ki, altında 6-7 lüks maşın kolleksiyası olmuş 21 yaşlı avtoş birdən-birə şəraitsiz yerə düşər, halı bu istidə pis olar. O biri məhkumlar və təqsirləndirilənlərin canı isə it canıdır, dözərlər... İstərdim ki, bunları ədliyyə naziri Fikrət Məmmədov da bilsin ki, Rəşid Səfərov komandasına da tapşırıb ki, nazir Əli Həsənovun xahişini nəzərə alaraq belə tapşırıb, Nail baladan muğayat olun, xətrinə dəyməyin... Təsəvvür edirsinizmi, Prezident İlham Əliyev belə məmur balalarını və önların övladlarını-nəvələrini bağışlamır, bunlar isə Prezidentdən xəbərsiz əks fəaliyyətlə məşğuldurlar. Cənab Prezident mətbuatı oxuyur, inanıram ki, bu xəbəri oxuyub belə bir ayrıseçkiliyi bağışlamayacaq".

"Təzadlar" şikayətçinin bizə göndərdiyi aşağıdakı yazını da istinadla təqdim edir:
"...Zaman-zaman Azərbaycandakı həbsxanalarla bağlı müxtəlif xəbərlər gündəmə gəlir və təssüf ki, bu xəbərlər heç də ürəkaçan olmur. İllər öncə hətta həbsxanalardakı durumun ağır olmasına görə məhbuslar kütləvi şəkildə etiraz edirdi və bu etirazlardan birində hətta təlafatda olmuşdu. Amma sonra aparılan islahatlar nəticəsində müəyyən irəliləyişlər oldu, məhbusların durumu nisbətən yaxşılaşdırıldı. Amma deyəsən vəziyyət yenə də yaxşı deyil. Belə ki, həbsdə olani məhbus, AZEL.TV saytının baş redaktoru Əfqan Sadıqov hüquq müdafiəçisi Oktay Gülalıyevə məktub yazaraq Bakı İstintaq Təcridxanasında baş verənlərə aydınlıq gətirib. Məktubda yazılır ki, Kürdəxanı həbsxanasının rəisi Rəşid Səfərov elə qaydalar tətbiq edib ki, bu bir başa məhbusların durumunu çıxılmaz hala gətirir. Məsələn, məhbusun yazdığına görə valideyn və ailə üzvləriylə məhbusun qısa görüşü üçün 150-200 manat pul ödəməlisən. Bundan başqa:

– Kamerada “pletka” işlədilməsinə icazə üçün hər ay üçün 100 manat;
– Dustaq yanına göndərilən puldan və dustaqların etap üçün Kürdəxanıdan çıxarıldığı və gətirildiyi vaxt axtarış (şmon) otaqlarından yoxlanışdan keçirildiyində üstdən çıxan puldan təxminən 15-20%-i götürülür;
– Evə zəng vurmaq istəyəndə 5 manat ödənilir;
– Televizorda yalnız Az.tv göstərilir. Başqa kanallara baxmaq istəsən isə 150 manat ödəyir və bundan sonra 30 manatlıq aparat quraşdırılır;
– Həbsxanadan cəzaçəkmə müəssisənin göndərilmə (bölgü) vaxtı hər müəssisənin şərait və yerinə görə qiyməti 100-500 manat arası dəyişir;
– Büdcədən dustaqların gündəlik xərcləri üçün ayrılan pulların əvəzinə verilən yeməklər sadəcə olaraq qreçqa (papuqay yeməyi), yaxud perlova olur;
– Günorta yağsız, ətsiz sup. Qarox, makaron, düyü, perlova supu verilir;
– 8 nəfərlik kameraya 12-15 nəfər salınır. Prostina, balış üzülər dəyişdirilmir. Hər ay 12-15 nəfərlik kameraya 1 dəfə ümumi 1 kq yağ, 1kq şəkər tozu verilir (payok);
– Qapqara, içi çiy olan çörək verilir. Çörəyi sıxanda damcı-damcı su süzülür. Dustaqları mədə qıcqırması (joqa) xəstəliyinə salırlar.

Təcridxanasında mağazada qiymətlər isə belədir:
– Bayırda 1 litirlik duru yağ (3 man), Kürdəxanıda 4.50man.
– 0.50 qəpiklik əl-üz sabunu 1.50 manat.
– Qalina blanka 1 ədəd- 0.50 qəpik.
– 1 qutu (5 ədəd) göy paltar sabunu- 5 manat.
– 0.50 qəpiklik dəftər- 2 manat.
– 5-6 manatlıq kolbasa- 12 manat.
– Qatılaşdırılmış süd (skuşonka)- 3 manat.
– Kofe 1 ədəd- 0.60 qəpik.
– 0.60 qəpiklik makoron, vermeşil- 1.80 manat.
– Toyuq 8 manat. Yumurta (zavod)- 0.30 qəpik.
– Qələm 0.20 qəpiklik- 0.60 qəpik.
– Krassvord- 1 manat.
– 1 litir qazsız su 0.80 qəpik. Və.s.

tezadlar.az

06.08.2017

Xatirə Xatun - Gözləmişəm

Sevgilim, mən səni hər sübhi-məsa gözləmişəm,
Çəkmişəm gör nə qədər çövri-cəfa gözləmişəm.

Yatmayıb sübhə kimi razi-niyaz eyləmişəm,
Ki gətirsin xəbərin badi-səba, gözləmişəm.

Səni canımdan əziz bilmiş idim canım üçün,
Ruhumun məlhəmi, hər dərdə dəva gözləmişəm.

Bivəfasanmış, əzəldən bunu dərk etməmişəm,
Demə bihudə yerə mehrü-vəfa gözləmişəm.

Ey vəfasız, bilirəm, gözləməyim yersizdi,
Etmişəm gör nə böyük səhvü xəta gözləmişəm!

Anladım, Xatirə, indi onu sevməklə demə,
Özümə, bilməmişəm, dərdü-bəla gözləmişəm.

02.08.2017

Müqtəda Sədr kimdir?

Əkrəm Hacızadə

Müqtəda Sədrin illər öncə çox həssas dönəmdə "siyasətdən gedirəm" deyərkən bu şəxsin nə qədər qeyri-ciddi olduğunu anladım. Atası ayətullah Muhəmməd Sədrdən sonra İraq daxilində nüfuz sahibi olmağa çalışan Müqtəda Sədr həmişə şıltaqlığı və kritik vəziyyətdə narazılığa səbəb olan qeyri-məntiqi addımları ilə yadda qalıb. Amma bir tərəfdən də ayətullah Muhəmmədbaqir Sədrin kürəkəni olmasına görə İraq xalqı tərəfindən "Sədrlərin yeganə siyasi varisi" kimi qəbul olunub. İraq xalqı içində nüfuz sahibi olması və sevilməsinin əsas səbəbi də elə bu qohumluq amili olmuşur. Bu şəxsin məhşurlaşmasının digər səbəbi Səddam Hüseyn devriləndən sonra ölkə daxilində ABŞ əsgərləri əleyhinə şiələrdən ibarət "Məhdi (əc) ordusu" adlı silahlı müqavimət qruplaşması təşkil etməsi oldu.
Onun, yuxarıda qeyd etdiyim söz-söhbətə səbəb olan və bu ixtilafların sorağında olan düşməni sevindirdən addımlarından, nümunə olaraq bir neçəsini qeyd edirəm:
1. Kifayət qədər başbilənlər mövcud olan halda bir ara Bəşər Əsədə səsləndi ki, İsraili bombala. Sonra isə əleyhinə qalxdı və dedi ki, istefa ver. Bu da işğalçı ölkələrin və əlaltılarının alqışına səbəb oldu.
2. Digər bir nümunə Mosulun azadlığı əməliyyatı zamanı Həşti-şəbi ilə həmkarlıq etməməsi və başında durduğu "Səraya-salam" qruplaşmasını bu əməliyyatda iştirak etməsinə icazə verməməsidir. Halbuki bu həmkarlığa böyük ehtiyac var idi. Digər tərəfdən ölkə daxilində sakitçilik və xalq qüvvələrinin İŞİD terrorçuları əleyhinə birləşməsi lazım olan vaxtlarda, Sədrin tərəfdarları bəzilərində özünün iştirakı ilə dövlət əleyhinə mitinqlər təşkil etdilər. Mitinq iştikatçılarından İran və Hizbullah əleyhinə çıxışlar da müşahidə olunurdu. Bu mintinqlərdə bir neçə nəfər qətlə yetirildi. Daha sonra Sədrin tərəfdarları qanunsuz olaraq ölkə parlamentinə soxuldular və baş nazirlik binasına hücum etdilər. Beləliklə də ölkə daxilində kifayət qədər qarışıqlıq yarandı. Onların arasında Səddamın BƏƏS rejiminin tərəfdarları olsa da, hər halda Sədr onun adından sui-istifadə edilməsinə şərait yaradıb. İndiki şəraitdə ölkə daxilində qarşıdurmanın yaranması və eyni məzhəb daşıyıcıları arasında qardaş qırğınının başlanması ABŞ üçün gözəl fürsət olardı.
3. Digər düşməni sevindirən addımı vahhabilərin dəstəkçisi, şiəlik, İran və Hizbullah müqavimət təşkilatı əleyhinə daim antiəbliğ işləri aparan "Əl-Cəzirə" telekanalına müsahibəsi zamanı, "Ayətullah Xameneiyə İraqda siyasi və hərbi müdaxilə etməməsini məsləhət gördüm" deməsi oldu. Baxmayaraq ki, sonralar "Qasim Sülleymani İraqın ən qüdrətli şəxsidir" söyləmişdir, amma bu zamana qədər düşmən öz işini görmüş oldu. 
4. İraqlıların narazılığına səbəb olan digər addımı Müqtəda Sədrin Kürdüstan əyalətinin İraqdan ayrılmasını istəyən kürdlərlə sıx əlaqəsi faktoru oldu.
5. Sədrin və ətrfındakıların Ayətullah Sistaniyə qarşı etdiyi hörmətsizliklərə Seyyid Sistani qarşılıq olaraq həmişə atalıq nəvazişi ilə reaksiya vermişdir. Hətta 2005-ci ildə Nəcəf şəhəri mühasirədə olanda, ayətullah Sistani ona böyük köməklik göstərmişdir. Məlum mitinqlər zamanı Ayətullah Sistaninin məsləhəti ilə sakitçilik yarandı.
Burada daha çox və daha acınacaqlı nümunələr yazmaq olar. Amma bəzi məsələlərin açılması məsləhətə uyğun deyil...
İndi isə müəmmalı Səudiyyə səfəri, xalqı özündən çıxardıb.
Tək məlum səfər deyil, onun illər boyu atdığı yanlış addımlar, ətrafındakı nüfuzlu şəxslərin və xalqın əksər hissəsinin ondan uzaqlaşmasına səbəb olub. Heç təsadüfi deyil ki, indi Həşti-Şəbinin tərkibində vuruşan "Nucəba", "İmam Əli", "Seyyiduş-şuhəda" və s. müqavimət qruplaşmaları, daha öncə Müqtəda Sədrin başçılıq etdiyi müqavimət qruplaşmasının tərkibində olsalar da, Sədr özünəməxsus yersiz addımlar ilə hamısını özündən uzaqlaşdırdı.
Sədrin sonuncu narahatçılıq doğuran addımı isə, Ərəbistanın Yəmənə təcavüzünün davam etdiyi, Ərəbistanın şiələr yaşayan məntəqəsi olan Avamiyyədə qətllər törətdiyi, İraq, Suriya kimi ölkələrdə qanlı cinayətlərdə əli olan terrorçulaya yardım etdiyi bir vaxtda onun bu ölkəyə məlum səfəridir. Bəziləri Müqtəda Sədri ölkəsinə dəvət edən Səudiyyə kralının, ona ata-babasının apardığı siyasəti dəstəkləmədiyini, müqavimət güclərinin qələbəsi faktoru ilə barışdığını və bu gücləri dəstəkləyən İran kimi ölkələrlə yeni münasibətlərin qurulmasında vasitəçi rolu oynamasını söyləsələr də, bu addım Riyaz kralları tərəfindən inandırıcı addıma oxşamır. Zahirdə bu və ya buna oxşar bir təklif irəli sürülsə də, Ərəbistanın apardığı məkrli siyasət, bunun yeni işğal və nüfuz planı olduğunu ortaya qoyacaq. Səudiyyə Ərəbistanını Qətərlə müqayisə etmək siyasi məntiqə sığmaz. Müqtəda Sərd İran ilə hansısa dövlət arasında vasitəçi rolunu oynayacaq mövqeyə və gücə sahib deyil. Yeni taxta otumuş Kralın "Müharibəni İranın daxilinə çəkəcəyik" deməsi və Yəmənə olan hücumlarını çoxaltması onların məkrli məqsədlərindən xəbər verir. 
Dünən gecə Səudiyyə Ərəbistanının İraqdakı keçmiş səfiri Tamir əs-Subhan dedi: "Əsil şiəliklə (!) Xomeyninin yaratdığı ekstremist şiəlik arasında fərq qoymaq lazımdır". Tamir əs-Subhan hazırda Səudiyyənin Fars körfəzi ölkələri üzrə nazir-müşaviridir. Ölkənin daxili siyasətinə müdaxilə etdiyinə görə İraq hakimiyyəti tərəfindən ölkədən qovulmuşdur. Xüsusən də şiə xalq qüvvələri sünnülərin yaşadığı şəhərləri İŞİD-dən azad edəndə əs-Subhan bunu "həddi görünməyən özbaşınalıq" adlandırdı. Bu sözündən sonra onu İraqdan qovdular. Həmin vaxt əs-Subhanın ölkədən qovulmasını əsasən baş nazir Heydər əl-İbadi və xarici işlər naziri İbrahim əl-Cəfəri tələb etdilər ki, hər ikisi də şiədir.
Müqtəda Sədri Ərəbistanda qarşılayan da məhz bu şəxs oldu. Məncə bu deyilənlərdən sonra, Sədrin Səudiyyəyə səfəri ilə bağlı qaranlıq bir məsələ qalmır. Həşti-Şəbinin dağılmasını istəyən Müqtəda Sədr kimi sadəlöhv bir "syasətçi" təbii olaraq Səudiyyə Ərəbistanı kimi işğalçı bir rejim üçün böyük imtiyazdır. Heç də təsadüfi deyil ki, "Sədr hərəkatı" nın sözçüsü İranın İraq daxilində siyasi və hərbi məsələlərə müdaxiləsinə etirazını bildirmişdir.
Təəssüf doğuran məsələ budur ki, Amerika əsgərlərinə qarşı cihad fətvası vermədiyinə görə Ayətullah Sistaniyə qarşı hörmətsizlik edən Müqtəda Sədr bu gün Həşti-Şəbinin dağılmasını tələb etməklə, Səudiyyə vahhabiləri tərəfindən "əsil şiəlik" nümunəsi kimi tanınır.
Görəsən İraqın silahlı qüvvələrini silahı yerə qoymağa çağıran Sədr niyə öz ordusunun hərbi hazırlığını gücləndirir?!
Bu gün Səudiyyə İraq daxilində İran əleyhinə cəbhə açmağa maraqlıdır. Hətta siyasi ekspertlərin dediyinə görə bu planı həyata keçirmək üçün Səudiyyənin göstərişi əsasında Müqtəda Sədri terror edib, bu faciəni İranın boynuna ataraq ölkədə İran əleyhinə cəbhə açmaq fikiri də mövcuddur.
Sual doğur ki, belə bir təcrübəsiz, tələskən, özbaşınalığa meyilli və siyasi düşüncələri tam yetişməmiş Müqtəda Sədr kimi şəxsdən, Səudiyyə Ərəbistanı (təbii ki, Amerikanın göstərişi ilə) nə istəyə bilər? Bunun üçün iki mühüm faktora diqqət etməliyik. İlk olaraq Müqtəda Sədrin psxologiyasına və hədsiz liderlik ehtirasına, ikinci isə ABŞ-ın, Səudiyənin vasitəçiliyi ilə regiondakı maraqlarına baxmaq lazımdır. Düşünürəm ki, onların Sədrə bəzi aldadıcı vədlər verərək ondan istəyəcəkləri aşağıdakılar ola bilər:
1) İranın İraqdakı nüfuzunu həzm edə bilməyən vahhabi krallarının, Sədrdən İran əleyhinə çıxış etməsi və bu ölkədəki siyasətinə qarşı çıxmaq istəyi. 
2) Müqavimət güclərinin qüdrət tapdığı vaxtda müxtəlif addımlarla ara qarışdırmaq. 
3) İraq kimi mühüm ölkədən Qətər əleyhinə addımlar. 
5) Həşti-Şəbi ilə həmkarlıq etməmək. 
6) Bəşər Əsəd əleyhinə çıxışlar. 
7) Ən əsası və acınacaqlısı isə İraq hakimiyyətinin Müqtəda Sədr tərəfindən ələ keçirilməsi üçün qiyamların təşkili və Sədr lider olacağı təqdirdə, Səudiyyənin onu dəstəkləmələrinə dair vədlər verməsi ehtimalıdır. Ən azından 2018-ci ildə keçiriləcək seçkilərdə Müqtəda Sədri hakimiyyətə gətirərək onun vasitəsilə yenidən İraqa nüfuz edərək arzularını reallaşdıra və yenidən İraq daxilində anti-İran cəbhə aça bilərlər.
Müqtəda Sədr yaxşı bilir ki, növbəti seçkilərdə, xalq könüllülərindən ibarət və xalqın sevgisini qazanmış Həşti-Şəbi kimi ciddi rəqib var. Bunun üçün də düşüncələrini İraq xaricində Səudiyyə Ərəbistanının maliyyə dəstəyi, daxildə isə Əmmar Həkimin siyasi dəstəyi ilə həyata keçirməyə çalışır.
Ərəbistan da öz növbəsində yeni taktika ilə İŞİD-in əlindən çıxan İraqın gələcək siyasi məsələlərində təsirli olmağa çalışır. Digər tərəfdən Səudiyyəlilər illərdir qanlı terrorları dəstəklədiyinə görə şiələrin gözündə ləkələnmiş imiclərini bərpa etmək istəyirlər.
Bu görüşü Qətər faktorunun cavabı olaraq Səudiyyənin İrana qarşı mesajı kimi dəyərləndirmək olar. 
Onsuz da, Səudiyyə krallarının Müqtəda Sədrə meyl etmələrinin başlıca səbəbi, onun zəif şəxsiyyətə malik olması və yuxarıda deyilənlərin əksəriyyətinin daha öncə Sədr tərəfindən baş verməsidir. Sədrdən hakimiyyətə gəlmək naminə daha böyük səhvlər də gözləmək olar.
Hər bir halda "Düşmənə etimad etmək məğlubiyyətin başlanğıcıdır". İslam düşmənləri daim güclü zərbələr üçün zəif damarlar axtarışında olub.
Səudiyyə şahzadələri Müqtəda Sədrdən "Əbu Musa Əşəri" obrazı yaradacaqlarına ümid edirlər. Biz isə ümid edək ki, düşündüklərimizin heç biri həyata keçməyəcək və cənab Sədr səhvlərini anlayacaq.

vetenugrunda.az

27.07.2017

Naxçıvanda baş verənlər hakimiyyətin bir əldə cəmlənməsinə xidmət edir

Bir müddət əvvəl Naxçıvanda bəzi nazirlərin, məmurların vurulacağı anonsunu vermişdik. Verdiymiz məlumat təsdiqini tapır.
MR Vergilər nazirinin ardınca adı bu günə qədər bir çox çirkin, çirkli və qalmaqallı işlərdə hallanan Sədərək Gömrük məntəqəsinin rəisi Mirməhəmməd Seyidovun İşdən çıxarılması ilə bağlı məlumat yayılıb. Güman ediəm ki, yaxın zamanlarda öz layiqli cəzasını da alacaq. Xatırladım ki, Mirməhəmməd Seyidov və bandası 2012-ci ilin dekabrında mənim və jurnalist dostum İlqar Nəsibovun üzərinə hücum etmişdi, eləcə də iş adamı Məhəmməd Qurbanov və kürəkənləri vəşicəsinə döyülmüşdü. Biz jurnalistlər saat yarım girovluqda saxlanmışdıq. Şəxsən ABŞ səfiri və Prezident Aparatı işə qarışmasından sonra bizi buraxsalar da Məhəmməd Qurbanov və kürəkəni Nadir Məmmədovu həbs etdilər. Hələ də 2 filip kameramız və bir diktafonumuz özümüzə qaytarılmayıb. Ötən il həbs olunan AXCP fəalı Nazim Mahmudovun şərlənib həbs olunmasında da M.Seyidovun müstəsna xidmətləri olmuşdu. Habelə, bir neçə il əvvəl jurnalist Həkimeldostu Mehdiyev də gömrükdə onun təşkilatçılığı ilə döyülmüşdü. Vətəndaşlara da zülm edirdi. Ətrafında 15-20 nəfərlik qoçu dəstəsi saxlayırdı. Bu qoçular hər gün gömrükdən Türkiyəyə siqaret, viski, araq, çay və s. keçirir, ona haqq verir, istənilən zaman M. Seyidovun bir “fiti” ilə toplaşır, haqqını tələb, itaətsizlik edənləri döyür, sonra vətəndaşın dövlət məmuruna “əl qaldırması”na yalançı şahidlik edirdilər. Bu baş verən hadisələr həqiqətən də Naxçıvan rəhbərliyinə qarşı bir təxribat idi. 
Düz bir il sonra, 2013-cü il dekabrın 17-də Türkiyə polisinin keçirdiyi əməliyyat zamanı M.Seyidov həbs olundu. Onun qaçaqmalçılıq və rüşvət alması sübuta yetirilsə də, nədənsə müəmmalı şəkildə M.Seyidov bir neçə aylıq həbsdən sonra- 04 iyul 2014-cü ildə azadlığa çıxdı. Və nə qədər qəribə də olsa, bu həbsdən sonra işinin başına qayıtdı.
Bu arada MR Daxili işlər naziri Əhməd Əhmədovun da başı üzərində qara buludların dolaşması ilə bağlı məlumatlar yayılmaqdadır. Onu hətta həbs olması,bütün əmlakına əl, MR-dən çıxışına qadağa qoyulması, sonradan həbsdən buraxılması ilə bağlı məlumatlar daxil olur. Başqa bir mənbənin məlumatına görə isə Ə.Əhmədov hazırda sərəncama göndərilib. Gömrük rəisinin işdən çıxarılması Ə.Əhmədovla bağlı dolaşan söz-söhbətlərin həqiqətə uyğun olduğunu təsdiq etməyə əsas verir. Çünki Sədərək Gömrük Məntəqəsinin əsas işçilərinin çoxu Ə.Əhmədovun qohumlarıdır. Məsələn, ən gəlirli sahələrdən biri olan yük bölməsinin Namiq adlı rəisi Ə.Əhmədovun çox yaxın qohumudur. Hazırda onun bu postda qalması ilə bağlı dəqiq məlumatım yoxdur.
Bir məsələni də qeyd edim ki, bəzi istisnalar olmaqla Naxçıvanda baş verən qalmaqallı hadisələr əsasən ilin sonunda, noyabr və dekabr aylarında baş verirdi. Bu isə təsadüfü deyildi və özəl səbəbləri var. Bu barədə sonra geniş şəkildə yazacağıq.
Naxçıvanda aparılan kadır islahatları hakimiyyətin bir əldə möhkəmlənməsinə, nəzarətin daha da güclənməsinə xidmət edir. Son vaxtlara qədər mərkəzi hakimiyyətin yuxarı eşalonunda hansısa qrupa, klana arxalanan, əllərində müəyyən qədər iqtisadi və siyasi rıçaqlar cəmləyən bəzi Naxçıvan nazirlərinin müstəqil fəaliyyətə can atdıqları, daha yuxarı postlara iddialı olmaları sezilirdi. Özlərindən süni şəkildə problemlər yaradır, problemləri şişirdir və daha çox krminallaşdırır, sonra “həll edir”, “işləyirəm”, “biz olmasaq baxın görün nələr olar?” mesajı verirdilər. Talıbova daha sədaqətli olduqlarını göstərməyə çalışsalar da, əslində gizli şəkildə hakimiyyət uğurunda mübarizə aparırdılar. Məlum qalmaqallı MTN hadisələrindən sonar vəziyyət tamam dəyişdi. Keçmiş Naxçıvan Milli Təhlükəsizlik naziri Vəli Əsgərov həbs olundu, ətrafı təmizləndi. Nisbətən müstəqil, sərbəst və ərköyün imici qazanan daha biri, Kərəm Mustafayev cəzalandırılıdı, V.Talıbova daha yaxın olan Fizuli Ələkbərov DTX-ya rəis təyin edildi. Görünən odur ki, "islahatlar davam etdirilir".

Elman Abbasov           xeberdar.net

Sədərək gömrüyünün şefi ilə bağlı ŞOK İDDİALAR

Araz.az saytı Sədərək Gömrük İdarəsi rəhbərinin qeyri-qanuni əməlləri haqqında və burada baş verən qanunsuzluqlar barədə bir neçə yazı verib. Şok yaradacaq daha bir məlumatı isə, bu günlərdə almışıq. Naxçıvan Dövlət Təhlükəsizlik Xidmətinin narkotik tərkibli dərman əməliyyatının uğurla baş tutması haqqında olan bu məlumatın "əsas qəhrəmanları" da həmin şəxslərdir.
Məlumatda bildirilir ki, DTX Naxçıvan Dövlət Gömrük Komitəsi tərəfindən Hava Nəqliyyatında Gömrük İdarəsi vasitəsi ilə qanunsuz buraxılan 1200 000 min ədəd, ümumi çəkisi 700 kq olan narkotik tərkibli dərmanları saxlayıb. Məlum olub ki, narkotik tərkibli dərmanları Sədərək Gömrük İdarəsinin rəisi Mirməhəmməd Seyidov sifariş veribmiş. Hindistandan Türkiyəyə gətirilən narkotikləri Atatürk Hava Limanında endirmək mümkün olmadığı üçün, M. Seyidov Türkiyədəki biznes şəriki, Gülokut Daşıma Şirkətinin sahibi Bahadurla danışaraq, dərmanları narkotranzit yolla Naxçıvana gətizdirib və buradan da Sədərək Gömrük İdarəsi vasitəsi ilə qaçaq yolla PKK-ya göndərməyi planlaşdırıblar. Mirməhəmməd Seyidov və onun uzun müddət müavini işləmiş Arzu Babayev istintaqa cəlb ediliblər. Məlum olub ki, Hava Nəqliyyatı Gömrüyünə yeni rəis təyin olunan gün dərmanlar saxlanılıb. Yeni rəis təyin olunan günədək rəis vəzifəsini Arzu Babayev müvəqqəti icra edirmiş. Narkotik tərkibli psixatrop dərmanların buraxılması haqqında Mirməhəmməd Seyidovla Arzu Babayevin telefon danışıqları da üzə çıxıb. DTX Mirməhəmməd Seyidovu narkotik qaçaqçılığı və PKK terror təşkilatına kömək və ona himəyadarlıq etməkdə ittiham edir. Arzu Babayev işdən azad olunaraq sərəncama götürülüb. Seyidovun cinayət əməlləri haqqında mediada silsilə yazılar getməsinə baxmayaraq o bundan çəkinməyib. 
Qeyd etmişik ki, onların 3 saatlıq görüşündən sonra, Hamidin Türkiyəyə qayıtmağı mümkün olmayıb və o Seyidova sığınıb. Hamidin Şərur rayon stadionunun hotelində yerləşdirildiyi məlum olub. 
Xatırladaq ki Sədərək Gömrük İdarəsinin rəisi Mirməhəmməd Seyidov bir müddət öncəTürkiyənin Qaçaqmalçılıq və Mütəşəkkil Cinayətkarlıqla Mübarizə Şöbəsinin əməkdaşları tərəfindən də saxlanılıbmış. Həmin vaxt Dilucu Sərhəd Keçid Məntəqəsində keçirilən əməliyyat zamanı Seyidovdan başqa 7 nəfər gömrük işçisi, 10 daşıma şirkətinin sahibi də daxil olmaqla, 17 nəfər saxlanılıb. Onlar cinayət törətmək məqsədilə təşkilat qurmaq, rüşvət alıb-vermək, maye yanacaq, narkotik və dövriyyəsi qadağan olunan bir çox malların qaçaqçılığı, terrora yardım etməkdə günahkar və s. maddələrlə şübhəli biliniblər. Seyidovla həbs olunanlardan biri də Türk vətəndaşı Hamid Küləkidi. Həmin Hamidlə Seyidov 9 ay Ərzurum ağır cəza evində həbsdə birgə yatıblar. Bu cəza evindən 5 000 000 dollar verərək hər ikisinin də zaminə buraxılmasında FETÖ və PKK rerror təşkilatlarının rolu böyük olub. Onların Türkiyədəki cinayət işi isə hələ də açıq qalıb. Seyidov sonralar məhkəməyə çağırılsa da o bundan imtina edib və zaminlik üçün verdiyi pulları silib.
Mirməhəmməd Seyidov Hamid Küləyi Naxçıvanda gizlədib qorumaqla və Sədərək gömrüyündə FETÖ, PKK və digər qaragüclərin maraqlarına uyğun şərait yaratmaqla Türkiyədəki əmlakını da qorumuş olur. Hamid Külək Mirməhəmməd Seyidovun bir neçə mülkünü nəzarətdə saxlayır və şirkətini idarə edir. 
Mirməhəmməd Seyidovun Türkiyədəki mülk və şirkətlərindən bəziləri haqqında əvvəlki yazılarımızda da məlumat vermişik. Onun İğdır və Ərzurumdan bizə məlum olan 4 yanacaqdoldurma məntəqəsi, bu "zaprafkalardakı" ərzaq və avtomobil ehtiyat hissələri satışı dukanları, hotelləri, "moykaları", 2 ədəd tikinti mallarının topdan satış mağazası, İstanbulda AVM, mebel fabriki, bir neçə villası, Bodrumda dəniz kənarında villası, bir neçə daşıma şirkəti, bu şirkətlərdə olan yük nəqliyyat vasitələrinin sayının artıq 227-yə çatması barədə də yazmışıq. Azərbaycanda olan mülklərinin bəziləri haqqında da, -gözqamaşdırıcı şəkilləri qarışıq,- yazılarımız gedib.
Seyidovun başqa ölkələrdə mülklərinin olmasının istisna edilmədiyini də qeyd etmişik. Bakı şəhərində bir neçə divar kağızı, santexnika malları, mebel satışı mağazalarının, tikinti materiallarının topdan satış dükanının, böyük meyvə-tərəvəz istixanalarının, bəziləri kirayədə olan bir neçə ofisinin, "Gənclik"də 20 sot torpaq sahəsinin, Novxanıda 7 milyonluq villasının, "Portbaku" deyilən binada 3 evinin olduğu da bizə məlumdur. Bu gün tək "Portbaku" deyilən binada 1 evi almaq bir çox nazirlər üçün belə mümkünsüzdür. Seyidovun burda 3 evi alıb birləşdirməsi, onun nə qədər sərvət sahibi olmasını bir daha ortaya qoyur.
Mirməhəmməd Seyidov bir neçə media rəhbərlərini ölümlə təhdid etməkdən belə çəkinmir. Seyidov bilməlidir ki media və söz azadlığının qarantı möhtərəm prezidentimiz İlham Əliyev cənablarıdır.
Dövlətimizə, Naxçıvana bağışlanmaz cinayət əməlləriylə ağır maddi zərbə vuran Mirməhəmməd Seyidovun arxası kimə bağlıdır və qoruyucusu kimdir? Türk məhkəməsindən pul və terrorun təzyiq gücü ilə buraxılan Məhəmməd Seyidovun cinayət əməlləri niyə dayandırılmır? Bu və digər suallar ətrafında araşdırmalarımız davam edir.

xeberdar.net

25.07.2017

Dövlət qəzeti bu dəfə baltanı dövlətə vurdu: "Məmurlar şəxsi obyektlərində xalqı soyur"

Rəsmi dövlət qəzeti olan “Azərbaycan” çimərliklərdən və plyajlarda obyekt açıb vətəndaşları soyan, hüquqlarını pozan, qanunsuzluq edən şəxslərdən yazıb. ulus.az-ın məlumatına görə, qəzet çimərliklərdəki vəziyyəti tənqid edib və özbaşınalıqları yazıb. Sitat: “Dəniz sahilinin zəbti, keyfiyyətsiz xidmət, digər tərəfdən də çimərliklərə girişin ödənişli olması haqlı olaraq istirahətə gələnlərin narazılığına səbəb olur. Belə ərazilərdən biri də Bakının “Şıx” çimərliyidir.  Bu ərazinin ümumiyyətlə, çimmək üçün yararlı olmadığını hələ demirik. Bu, məsələnin ikinci tərəfidir. Söhbət dəniz sahilinin hasarlanmasından və dənizi görmək istəyənlərdən pul alınmasından gedir”. 
Qəzet yazır ki, hara yaxınlaşıblarsa “giriş 2 manatdır”, “giriş 10 manatdır”, “giriş 15 manatdır”, “giriş 25 manatdır” və s. sözlərlə qarşılaşdıq: “Girişi 2 manat olan çimərliklər sizə elə də ucuz görünməsin. İçəri girəndən sonra stol, stul, çətir və uzanmaq üçün günlük təqdim olunur. Çətirlə birgə stolun qiyməti 10, günlüyün qiyməti isə 3 manatdır. Bu kimi hallara “Qızıl balıq”, “Balıq Evi”, “Eldorado” və s. adlı çimərliklərdə rast gəlinir.  “Şıx” Aqua Parka giriş 12, “Dostluq” adlı çimərliyə 5, “Mambo” beach club-a 15, “Ramada Baku”ya isə 25 manatdır. Bəzi obyektlərdə isə avtomobil parkinqinə görə əlavə 50 qəpik və ya 1 manat ödəniş tələb olunur. “Crazy beach” adlı məkana isə maşınla və ya maşınsız daxil olmaq üçün 5 manat ödəməlisən. Hər bir çimərlik obyektində stol və stuldan ötrü də əlavə vəsait- bəzisində 5, bəzisində isə 10 manat tələb olunur. Maraqlı məqamlardan biri də bu obyektlərin çoxunda ödənişlə bağlı heç bir qəbzin verilməməsidir. Bu isə şübhəsiz ki, vergidən yayınma hallarına dəlalət edir. Digər tərəfdən, baxmayaraq ki, mövsümün əvvəlində müvafiq qurumlar Xəzər dənizinin Səbail və Qaradağ sahil zolaqlarında suyun tərkibində insan sağlamlığı üçün ciddi təhlükə yarada bilən bakteriyaların olduğunu bəyan edib, insanlar yenə də həmin yerlərə üz tuturlar”.
ulus.az-ın məlumatına görə, hakimiyyət qəzetinin tənqid etdiyi obyektlər məmurlara məxsusdur. Təbii ki, həmin yerlər sadə insanların və ya sahibkarların deyil. Həmin məşhur yerlər ayrı-ayrı məmurların nəzarətindədir. 
Qəzet yazır: “Bakı Şəhər İcra Hakimiyyəti qərar verib ki, bütün çimərliklərə giriş pulsuzdur. Amma pulsuz heç dənizə də baxa bilməzsən. Hər tərəfi hasarlayıblar”.
Məsələ ilə bağlı BŞİH-lə telefon əlaqəsi yaratmağa çalışdıq. Lakin cəhdlərimiz uğursuz oldu. Görünən isə odur ki, isti yay fəslində Xəzərin Bakı sahilindən, xüsusən də “Şıx” zolağından pulsuz istifadə etmək mümkün deyil. 
Özü də söhbət təkcə çimməkdən getmir, dəniz sahilində gəzməyin, yaxud dənizə baxmağın da qarşısı alınır. Onsuz da Xəzər dənizinin “Şıx” sahil zolağının suyu çimmək üçün zərərlidir! 
Prezident İlham Əliyev dəfələrlə bəyan edib ki, vətəndaşların rahat istirahəti üçün heç bir maneə olmamalıdır. Dövlət başçısı Azərbaycanda torpaq sahələrini özbaşına zəbt edən şəxslərə qarşı cəzaların sərtləşdirilməsi ilə bağlı iki il əvvəl müvafiq sərəncam da imzalayıb. Sərəncamda Xəzər dənizinin Azərbaycan Respublikasına mənsub olan bölməsinin sahilboyu 20-50 metrlik zolağının altında olan torpaqlarda tikinti işləri aparanların cinayət məsuliyyətinə cəlb olunacaqları hüquqi əksini tapır.
Odur ki, bundan sonra Xəzər sahilboyunda hər hansı bir tikinti, yaxud hasarlama işləri aparılmayacaq. 
Qaldı ki, buna qədərki əngəllərə, vətəndaşlar öz hüquqlarını bilməli və onu tələb etməlidirlər. Hazırkı qanunvericiliyə və müvafiq qərarlara görə, heç kim onların dənizlə təmasını məhdudlaşdıra bilməz.

Evsiz jurnalist adı ilə katibəyə, məmura, sürücüyə, evi olanlara verilən mənzillər [siyahı]

İyulun 21-də prezident İlham Əliyev jurnalistlərin sosial təminatının yaxşılaşdırılması məqsədi ilə 255 jurnalistə ev təqdim etdi. Ev verilən şəxslərin siyahısı mətbuata çıxandan sonra məsələ ilə bağlı narazılıqlar yaranmağa başladı. 
İlk olaraq siyahıya adlarının düşmədiyindən şikayətlənən bir neçə jurnalist prezidentə açıq müraciətlər yazmağa başladılar. Onlar gileylənirdilər ki, sosial vəziyyətləri yaxşı deyil, evsizdirlər, övladları kirayədə böyüyür, ev verilənlər şəxslərin müəyyənləşdirilməsinə ədalətsizliklər olub və s...
Bundan sonra mətbuatda başqa iddialar çıxmağa dərc olunmağa başladı. Müsabiqənin əvvəldən elan olunmuş prinsiplər çərçivəsində edilmədiyi bildirildi. Evlərin verilməsinin əsas prioriteti jurnalistika sahəsində ən azı 10 təcrübəsi olan və şəxsi mülkü, evi olmayan jurnalistlər olmalıdır.
Amma yayımlanan məlumatlarda bir qrup şəxsin ümumiyyətlə jurnalist olmadığı, katibə, sürücü, texniki işçi olduğu, böyük bir qrupun ikinci, üçüncü, yaxud dördüncü evini əldə etdiyi, bəzilərinin 10 ildən daha az jurnalistika ilə məşğul olduğu iddia edilir.
Ev verilənlərin bir hissəsinin isə Prezident Administrasiyasında, nazirliklərdə, Milli Məclisdə çalışdıqları, yəni məmur olduqları, jurnalistika fəaliyyəti ilə məşğul olmadıqları məlumdur.
Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli mətbuata açıqlamasında bildirmişdi ki, yaradıcılıq prosesində iştirak etməyən, KİV-lərdə çalışan katibə, kargüzar, sürücü, xadimələr və digər texniki işçilər jurnalistlər üçün tikilən binalardan ev əldə edə bilməzlər.
24saat.org saytının araşdırmasına görə, Vüqar Səfərlinin dediklərinin əksinə olaraq ən azı 15 nəfər texniki işçiyə jurnalist adı ilə mənzil verilib.
Jurnalist olmayıb ev alanların siyahısını təqdim edirik. 

1. Tağıyeva İradə Abutalıb qızı (AZƏRTAC – Mühəndis-proqramlaşdırıcı).
2. Bağırov Mamed Abbas oğlu (“Səs” İnformasiya Agentliyi – Texniki işçi).
3. Yusifzadə Rasim Elxan oğlu (AR Prezidentinin Mətbuat Xidməti).
4. Yaqubova Təhminə Davud qızı (KİVDF – Vüqar Səfərlinin katibəsi).
5. Rüstəmov Əvəz Cahangir oğlu (Mətbuat Şurası – 4 vəzifəsi var).
6. Nəsirov Akif Təvəkkül oğlu (Milli Məclisin Mətbuat Xidməti).
7. Miraləm Elşad Mircavad oğlu (Diasporla İş üzrə Dövlət Komitəsi Mətbuat Xidməti – bir neçə evi var).
8. Məmmədova Səmayə Tofiq qızı (Gənclər və İdman Nazirliyi Mətbuat xidməti – evi var).
9. Məhərrəmova Günay Novruz qızı (Prezidentin Mətbuat Xidməti).
10. İbrahimova İradə Tahir qızı (Ekologiya və Təbii Sərvətlər Nazirliyi Mətbuat Xidməti).
11. Həsənov Bəhruz İmran oğlu (PA İctimai-siyasi şöbə – Əli Həsənovun işçisi).
12. Fərzəliyev Zülfüqar İslam oğlu (Milli Elmlər Akademiyası İctimaiyyətlə Əlaqələr və Elmin Populyarlaşması idarəsi).
13. Əliyev Yusif Lətif oğlu (haqqin.az saytı – sürücü).
14. Eminbəyli Şakir Vəfa oğlu (“Rossiya – 24” telekanalının Azərbaycandakı nümayəndəsi).
15. Cəfərova Səriyyə Müslüm qızı (Erməni Təcavüzünün Tanıdılması İctimai Birliyi).
16. Ağalarov Əfsələddin (azxeber.com – 1991-ci il olduğuna görə 10 illik iş stajının olması mümkün deyil).

Almaniyada yaşayan bloqqer Həbib Müntəzir isə evi olub, amma bu müsabiqəyə müraciət edən və dövlət komissiyasından naməlum şəkildə ev alanların siyahısını təqdim edib: “Bu qədər həngamə, sabunluqdan sonra qərara gəldim ki, kiçik bir siyahı hazırlayım. Bu hökümətin növbəti saxtakatlığını sizlərlə paylaşım”.
Həbib Müntəzir bildirib ki, hökümətin medianı ələ alma prosesində evi qohumunun adına keçirib ev alan kim, tez-bazar arvadından boşanıb alan kim, katibəsinə, sürücüsünə, texniki işçisinə alan kim, evi ola-ola ikincisin, üçüncüsün alan kim, biləcəksiniz: “Əminəm ki, siyahıda daha çox adamın evi var, sadəcə mən ortaya çıxarıqlarımı yazdım. Siyahını Əflatun Amaşovdan tələsik aldım deyə belə alındı. Bu da sizə bayram hədiyyəsi olsun, evcik-evcik oyununuz mübarək.

1. Abbasquliyeva Fatma Asəf qızı (“Olaylar” İnformasiya Agentliyi – “İstanbul evləri”ndə evi var).
2. Seyidova Sevinc Mirsucəddin qızı (“Həftə içi” qəzeti – villası və bina evi var).
3. Zeynalov Qulu Ağsəs oğlu, Quliyeva Laura Bağdasər (Keçmiş Karl Marks heykəlinin yaxınlığında evi var).
4. Yusifzadə Anar Yusif oğlu (İctimai Televiziya və Radio Yayımları Şirkəti – Qara Qarayev metrosunun yaxınlığında 3 otağı, Beynəlxalq Avtovağzal Kompleksində mağazası var. 28 may metrostansiyası yaxınlığında da bir evi var. Seçki ərəfəsində İTV-nin keçmiş sədri İsmayıl Ömərov tərəfindən Şıxov ərazisində 6 sot torpaq hədiyyə alıb).
5. Salahov Elxan İsa oğlu “İki sahil” qəzeti (Məcburi köçkün kimi Masazır qəsəbəsində evlə təmin edilib).
6. Ağamirova Mətanət Mirsadiq qızı (“Lider TV və Radio Azərbaycan” MMC – bir neçə evi var).
7. Alışarlı Səfər Xəlil oğlu (QHT-lərə Dövlət Dəstəyi Şurası, “Vətəndaş cəmiyyəti” jurnalı – evi və torpaq sahəsi var).
8. Canbaxışlı Nahid Baxşəli oğlu (veteninfo.az saytı – evi var, sosial şəbəkələrdə yayılan məlumatlara görə yeni ev almaq üçün həyat yoldaşından ayrılıb).
9. Cabbarov Akif İsmayıl oğlu (İctimai Televiziya və Radio Yayımları Şirkəti – evləri var).
10. Dərziyevə Elnarə Bəxtiyar qızı (“Lider TV və Radio Azərbaycan” MMC – bir neçə il öncə ipoteka ilə ev alıb).
11. Eminbəyli Şakir Vəfa oğlu (Rusiyanın “Rossiya – 24” telekanalının Azərbaycandakı nümayəndəsi – evi var).
12. Əbilov Aydın Əhməd oğlu (“Ədəbiyyat” qəzeti – evi var).
13. Əliyev Namiq Həsən oğlu (“Palitra” qəzeti – evi var).
14. Əliyev Yusif Lətif oğlu (haqqin.az saytı – evi var).
15. Əliyeva Şəmsiyyə Fərhad qızı (“Azərbaycan Televiziya və Radio Verilişləri” QSC – evi var).
16. Əliyeva Telli Pənah qızı (Veteran jurnalist – şəxsi mənzili var, Heydər Əliyev tərəfindən bağışlanıb).
17. Əsgərov İxtiyar Kamal oğlu (“Azəri-Press” İA (APA) – evi var).
18. Fərəcov Aqil Ələsgər oğlu (“Yeni çağ” saytı – evi var).
19. Fətullayev Eynulla Emin oğlu (haqqin.az – Sovetskidə evi var).
20. Hacıyev Hikmət Fərhad oğlu (Xarici İşlər Nazirliyi Mətbuat Xidməti – evi var).
21. Hacıyeva Gülşən Qasım qızı (APA – Sulutəpə ərazisində evi var).
22. Heydərov Hafiz Qurban oğlu (APA – Zabratda evi var).
23. Heydərov Nurəddin Əhməd oğlu (“Azərbaycan müəllimi” qəzeti – Əhmədova Aynurə Akif qızı Müstəqil jurnalist – evi var)
24. Həziquluyev Əli Səvindik oğlu (elci.az saytı – evi var).
25. Həziyev Bahəddin Musa oğlu (“Bizim yol” qəzeti – Xətai rayonu, M.HADİ KÜÇƏSİ, ev 64, 67).
26. Xəlilov Azər Nəriman oğlu (CBC TV – evi var).
27. Xəlilov İlkin Fikrət oğlu (“Azad Azərbaycan” Müstəqil Teleradio Kompaniyası – Yasamalda evi var. ATV-nin keçmiş rəhbəri Tağı İbrahimov tərəfindən hədiyyə edilib).
28. Kazımlı Xalid Asif oğlu (“Yeni Müsavat” qəzeti – Müşfiqabadda evi var).
29. Quliyev Nurşən Ağacan oğlu (APA – Ramanada evi var, üstəlik restoranı da var).
30. Quluyev İlham Abasqulu oğlu (“Kaspi” qəzeti – evi var).
31. Quluyeva Zülfiyyə Telman qızı (“Mövqe” qəzeti – evi var).
32 . Məhəmmədov Kənan Tofiq oğlu (AR Prezidentinin Mətbuat Xidməti – Məhərrəmova Günay Novruz qızı Müstəqil jurnalist – evi var).
33. Məmmədov Elnur Xanmurad oğlu (Məmmədova Nigar İbadağa qızı - qafqazinfo.az saytı – Nərimanovda ipoteka ilə evi var, Məhəmmədi kəndində 2 mərtəbəli evi var).
34. Məmmədov Fərhad Həsən oğlu (virtualaz.org saytı – Ramanada evi var).
35. Əlibəyli Bəsti Tağı qızı (“Azərbaycan” jurnalı – Xırdalanda evi var).
36. Miraləm Elşad Mircavad oğlu (Diasporla İş üzrə Dövlət Komitəsi Mətbuat xidməti – evi var).
37. Nəsirov Akif Təvəkkül oğlu (Milli Məclisin Mətbuat Xidməti – evləri var).
38. Paşa Elşad Əlhüseyn oğlu (“Yeni Müsavat” qəzeti – İpoteka ilə aldığı Qaraçuxurdakı evi qardaşının adına keçirib).
39. Rüstəmov Elçin Məsim oğlu (“Bizim yol” qəzeti – 2009-cu ildə ipoteka ilə ev alıb).
40. Rüstəmov Əvəz Cahangir oğlu (Mətbuat Şurası – evi var).
41. Becanov Rəfail Zəkəriyyə oğlu (cəbhə.info saytı, “Cümhuriyyət” qəzeti – evi də var, bağı da var).
42. Salmanov Hüquq Yaqub oğlu (“Kaspiy” qəzeti – evi var).
43. Vəliyev Əliəsgər Vəli oğlu (İctimai Televiziya və Radio Yayımları Şirkəti).
44. Qurbanəliyev Azər Rəşid oğlu (Müstəqil jurnalist – evi var).
45. Məmmədova Mehriban İbiş qızı (“Azərbaycan Televiziya və Radio Verilişləri” QSC – Köçkündür, Cocuq Mərcanlıda ev tikilir ona. Subaydır. Valideynləri ilə qalır. 4 yerdə atasının, 1-də özünün evi var).
46. Fərzullalı Zahid Səfər oğlu (“Yeni Müsavat” qəzeti – evi var, ikinci xanımına alır).
47. Məmmədova Səmayə Tofiq qızı (Gənclər və İdman Nazirliyi Mətbuat xidməti – evi var).
48. Gülməmmədov Məmməd Bəhruz oğlu (olke.az saytı – Mikrorayonda evi var).
49. Mehdiyev Qafar Qələndər oğlu (Müstəqil jurnalist – Yasamalda, Sevil kinoteatrının yanında evi var).
50. Yolçuyev Əkbər Mehdi oğlu (Atatürk Mərkəzi, Orta Asiya və Güney Qafqaz Söz Azadlığı Şəbəkəsi – Binəqədi rayonu, BAKI FƏHLƏSİ KÜÇ. F\EV, ev 85).
51. Həsənov Nəcəf İsmayıl oğlu (“Xəzər TV” MMC – Xətai rayonu, NOBEL PROSPEKTİ, ev 145).
52. Əsgərov Mübariz Ağali oğlu (“Qulp studio” MMC – Biləcəridə bir evi, Novxanıda 2 villası var).

abzas.net

15.07.2017

Arvadına nəcis yedirdən “nakişi”

Türkiyədə növbəti tükürpədici və iyrənc hadisə yaşanıb.
Ailə münaqişəsinin nəticəsi olaraq vətəndaş arvadına zor tətbiq edib, onu nəcis yeməyə məcbur edib. Onun arvadına ifrazat yedirtməyə çalışdığı anları telefonla videoya çəkib. Görüntülər sosial mediada yayılıb.
Türkiyənin Ağrı bölgəsində bir kürd ailəsində baş verənlər izləyənlərin qanını dondurub. Görüntülərin ortaya çıxmasının ardından prokurorluq hərəkətə keçib və cani ər həbs edilib.
2 uşaq atası Mehmet Şakir kürdcə danışdığı videoda həyat yoldaşını dəyənəklə vurub təpik ataraq uşaq bezindəki nəcisi anaya yedizdirmək istəyir. Qəddar ərin təhqir və söyüşləri qarşısında xanımı təkcə yalvararaq xilas olmağa çalışır. Şakir Ş. isə “Əgər yeməsən səni parça-parça edərəm. Al bunu ye. Al ağzına qoy. Ağacı sənin belində sındırmışam, bir hissə qaldı, indi başında qıracağam. Bunu al üzünə vur, çıx get”- deyir.

moderator.az

Mənzilə yığışıb İŞİD-ə biət etdilər - Sumqayıtda

Bakı Ağır Cinayətlər Məhkəməsində İŞİD terror təşkilatını dəstəkləməkdə ittiham olunan Sumqayıt şəhər sakinləri - 29 yaşlı Aydın Gülməmmədov və 25 yaşlı Əmrah İmanovun cinayət işi üzrə məhkəmə prosesi keçirilib. Prosesə hakim Səbuhi Hüseynov sədrlik edib.
İttihama görə, təqsirləndirilən şəxslər Fuad Rüstəmov və Ağamirzə Quliyevlə cinayət əlaqəsinə girərək İŞİD-ə dəstək nümayiş etdiriblər. Ötən il oktyabr ayının 26-da Dövlət Təhlükəsizlik Xidməti əməkdaşlarının keçirdiyi əməliyyat-axtarış tədbirləri nəticəsində dini ləqəbi "Ömər" olan Ağamirzə Quliyevin sərnişini olduğu "Bakı-İstanbul" avtobusu Ələt qəsəbəsi ərazisində saxlanılıb. Avtobusda olan A.Quliyevə Dövlət Təhlükəsizlik Xidmətinə getmək təklif olunub. Avtobusdan düşən A.Quliyev üzərindəki əl qumbarasını çıxararaq partlatmağa cəhd etdikdə xüsusi təyinatlılar tərəfindən zərərsizləşdirilib.
Həmçinin dəstənin digər üzvü Fuad Rüstəmov 27 oktyabr 2016-cı ildə Abşeron rayonu ərazisində saxlanılarkən silahlı müqavimət göstərib. Ətrafdakıların həyat və sağlamlığının qorunması üçün F.Rüstəmov xüsusi təyinatlılar tərəfindən zərərsizləşdirilib. F.Rüstəmovun yaşadığı evə keçirilmiş baxış zamanı Beynəlxalq Millətlər Təşkilatı tərəfindən terrorçu təşkilat kimi tanınmış İŞİD terror təşkilatının bayrağı aşkar edilib.
Keçirilmiş əməliyyat-texniki tədbirləri nəticəsində müəyyən edilib ki, İŞİD terror təşkilatının üzvü Şamil Fərzəliyev Faud Rüstəmovla "WhatsApp" proqramı ilə əlaqə saxlayaraq, Azərbaycan ərazisində terrorçuluq aktları törətmək niyyətində olduğunu bildirib. Ş.Fərzəliyev F.Rüstəmova dini radikal mövqedə olan, məhkumluq həyatı yaşamamış və dindar kimi hüquq-mühafizə orqanlarının diqqətinə düşməmiş 6 nəfərdən ibarət qrupu bir araya toplayaraq aralarında əmir seçilməsinin zəruriliyini qeyd edib. F.Rüstəmovun əlində avtomat silah, digərlərinin üzünün örtülü olmaqla İŞİD terror təşkilatına biət etmələri, bu prosesin videogörüntüyə alınaraq ona göndərilməsini tapşırıb. Bundan sonra onların Azərbaycanda "İŞİD-in bir qolu" kimi qəbul olunacaqlarına dair "İŞİD rəhbərliyi" tərəfindən qərar veriləcəyini bildirib.
Təqsirləndirilən Aydın Gülməmmədov ifadəsində iki ildir İslam dininin əhli-sünnə təriqəti üzrə ibadət etdiyini, dini ləqəbi "Ömər" olan Ağamirzə, Fuad, Emin, Zaur və Əmrah adlı şəxlərlə tanış olduğunu, onlarla birlikdə namaz qılaraq ibadət etdiyini, dini mövzularda söhbətlər apardıqlarını, Fuad Rüstəmovun bu söhbətlərdə daha fəal olduğunu göstərib: "Görüş zamanı hər dəfə birimiz müxtəlif dini ayinlər oxuyaraq müzakirələr aparırdıq. Fuad mütəmadi olaraq Suriya-İraq ərazisində olan İŞİD barədə bizə məlumatlar verir, İŞİD-də Şamil adlı dostunun olduğunu, onunla facebook sosial şəbəkəsi vasitəsilə əlaqə saxladığını deyirdi".
Ötən ilin oktyabr ayının 15-də dəstə üzvləri növbəti dəfə Sumqayıtda yerləşən çayxanalardan birinə yığışıblar. Fuad Rüstəmov onlara Şamillə danışdığını, İŞİD-ə biət etməklə terrorçu təşkilatın Qafqazdakı qolu ola biləcəklərini, İŞİD-in bütün tapşırıqlarını yerinə yetirəcəklərini bildirib. Həmçinin Fuad videoçəkiliş aparmaqla İŞİD-ə sədaqət andı içməyi təklif edib. Həmin videoçəkilişi Suriyada olan dostu Şamilə göndərəcəyini deyib. Şamil isə öz növbəsində videoçəkilişi İŞİD rəhbərlərindən birinə göstərdikdən sonra onların terror qruplaşmasına qəbul olunacağını bildirib.
Oktyabrın 25-də dəstə üzvləri İŞİD-ə biət andı içmək məqsədilə Əmrah İmanovun yaşadığı mənzilə yollanıblar. Əvvəlcə dəstəmaz alıb İşa namazı qılıblar. Sonra isə çəkilişə hazırlaşıblar. Ə.İmanov bir ədəd qara mayka gətirib, maykanı iki hissəyə bölərək üzlərini bağlamaq üçün maska düzəldiblər: "Əmrah telefonunu mənə verdi, çəkməyə başladım. Çəkiliş zamanı Zaur ərəb və rus dillərində danışırdı. Bu dillərin heç birini bilmədiyim üçün nə dediklərini anlamırdım. Amma arabir rus dilində danışanda başa düşdüm ki, Zaur İŞİD-ə tabe olacaqlarından danışır. Zaurun çıxışı təxminən iki dəqiqə çəkdi. Hamımız birlikdə çəkilişə baxdıq. Əmrah "Bluetooth" vasitəsilə videonu Zaura köçürdü. Fuadla Zaur mənə videonun heç kimin əlinə düşməməsi barədə tapşırıq verdilər. İstifadəmdə olan mobil telefonu satmalı olduğum üçün telefonun yaddaşından hər şeyi, o cümlədən həmin videonu da sildim".
A.Gülməmmədov həbs olunmamışdan 15 gün əvvəl Sumqayıt şəhərində yerləşən "Ləzgi" marketə silahlı basqın planı barədə də danışıb: "Zaur bizi yığıb hamının maddi çətinliyi olduğunu, marketə hücum edib pulları ələ keçirməyi təklif etdi, razılaşdıq. Zaur deyirdi ki, market bağlandıqdan sonra gündəlik yığılan pulları orada işləyən qadın evinə aparır. Plana görə, Fuad qadına basqın etməli, yanında kimsə olarsa Zaurla Ağamirzə köməyə gəlməli idilər. Mən isə çöldə dayanaraq basqın zamanı təhlükə olarsa qrup üzvlərinə xəbər verməli idim. Basqın zamanı kimin hansı silahdan istifadə edəcəyindən məlumatım olmayıb".
Təqsirləndirilən Əmrah İmanov ifadəsində həbs olunmamışdan təxminən üç-dörd ay əvvəl "Ömər" ləqəbli Ağamirzə Quliyev onu İslam dininə dəvət etdiyini, "Ömər"in dəvəti ilə namaz qılmağa başladığını göstərib: "Fuad, Aydın, Emin və Zaur adlı şəxsləri "Ömər"in vasitəsilə tanımışam. "Ömər" idmanla məşğul olurdu, fiziki cəhətdən çox güclü idi. Aydın isə ətir alveri ilə məşğul idi. Digər şəxslərin harada işlədiklərini bilmirəm. Tez-tez çayxanaya yığışıb dini mövzuda söhbətlər aparırdıq. "Ömər" təklikdə mənə dedi ki, Zaur, Fuad, Aydınla birgə biət etmək qərarına gəliblər. Mənə də biətdə iştirak etməyi təklif etdi. Əvvəl biət etməyin nə olduğunu anlamadım. "Ömər" biət etməyin and içmək olduğunu izah etdikdən sonra razılaşdım".
Ə.İmanov ifadəsində göstərib ki, "Ömər" həmin andı din və Allah yolunda içəcəklərini, bu barədə videoçəkiliş edərək Suriyada yaşayan dostu Şamilə göndərəcəyini bildirib. And içmənin sırf dinlə bağlı olduğunu düşünərək "Ömər"lə razılaşıb: "Ertəsi gün "Ömər"ə zəng vurduqda zəng çatmadı. Sonradan məlum oldu ki, ayağı əzilib deyə biətdə iştirak edə bilməyəcək".
Axşam saatlarında dəstə üzvləri növbəti dəfə çayxaya yığışıblar. Fuad biət etmək üçün münasib yer lazım olduğunu deyib. Bir qədər müzakirə apardıqdan sonra Ə.İmanovun yaşadığı evə yollanıblar. Aydın, Emin və Fuad rus və ərəb dillərini bilmədikləri üçün biətdəki mətni Zaur oxumağa razılaşıb. Birlikdə namaz qıldıqdan sonra çəkilişə başlayıblar: "Aydın çəkilişi özünün aparmaq istədiyini dedi. Onun telefonu zəif olduğu üçün öz telefonumu Aydına verdim. Videoçəkilişdə Zaur rus və ərəb dillərində çıxış etdiyi üçün heç nə anlamadım. Aydın videonu öz telefonuna köçürdü və mənim telefonumdan sildi. İşlərimlə əlaqədar olaraq ertəsi gün Lənkərana getdim. Videonun aqibətindən xəbərim olmadı".
Təqsirləndirilən şəxslər məhkəmədə onlara elan olunmuş ittihamla özlərini təqsirli bilməyiblər.
Məhkəmə prosesi davam edir.

virtualaz.org

İŞİD-çilərin murdarlıqları üzə çıxır: "İntim-kölələrin alveri ilə məşğul idilər"

İŞİD əsarətindən xilas olmuş terrorçuların arvadları həyatları barədə danışıblar.
İŞİD terrorçuları Suriyadakı “paytaxtlarını”- Raqqa şəhərini müdafiə edərək özlərində saxlamağa çalışırlar. Son günlər isə adıçəkilən şəhər uğrunda şiddətli döyüşlər gedir. Terrorçular məhz burada öz qaydalarını yaradaraq “xilafətlərinin” yayılması üçün zəmin yaratmağa çalışırdılar. Son zamanlar mühasirə altında olan şəhərdən yüzlərlə insan xilas ola bilib. Onlar arasında məhv edilimiş və ya əsir düşmüş terrorçuların arvadları da var.
islamazeri.com xəbər verir ki,  “Russia Today” telekanalı həmin qadınlardan bir neçəsi ilə söhbət edə bilib. Qadınlar onlara qarşı zülm, təzyiq, əziyyət və zorakılığın olduğunu bildiriblər.
İŞİD terror təşkilatının paytaxtı olan Raqqa şəhərində terrorçular ilə müxalif “Suriya Demokratik Qüvvələri” (SDQ) arasında şiddətli döyüşlər gedir. Üstəlik İŞİD məhz bu burada öz idarə modelini yaratmağa cəhd edərək “şəriət” qanunlarının üstünlüyünü elan edib. Şəhərin alınması üzrə əməliyyatın başlaması ilə yerli sakinlər oradan qaçmaq imkanı əldə ediblər. Onlar arasında öldürülmüş və ya əsir düşmüş terrorçuların arvadları da var. Onların əksətiyyəti xarici ölkə vətəndaşlarıdır. Terrorçuların “caynağından” xilas ola bilmiş həmin qadınlar artıq öz vətənlərinə geri qayıtmağa çalışırlar. Onların sözlərinə görə, onlar terrorçuların qanuni yoldaşları olublar, “intim cariyyələri” yox.
“İntim cariyyəsi deyilik. Hər şey qanunidir: meriyaya gedərək ərə gedirdik. Əgər ərimiz ölürdüsə, sadəcə olaraq başqa kişiyə ərə verilirdik. Bütün bunlar qohumların razılığı və şahidlərin iştirakı ilə baş verirdi”- deyə Xədicə adlı bir qız bildirib.
“Əslən Tunisdənəm. Mənim ərim öldürüldükdən sonra, ana mənə əmr etdi ki, evə geri dönüm. Lakin yerli sakinlər mənə yenidən ərə getməyi təklif etdilər. Onlar dedilər ki, burada əlil bir insan özünə arvad axtarır. Soruşdular ki, "məgər sən ər istəmirsən?". Mən də razılaşdım”- deyə Xədicə əlavə edib. Qız əlavə edib ki, onun başqa çıxış yolu yox idi: “Tunisə geri dönməyə cəhd etsəydim, məni dərhal öldürərdilər”.
Digər bir qız- livanlı Nur əl-Xuda bildirib ki, Suriyaya ərinin ardınca gedib: “Ərim məni inandırmışdı ki, İŞİD elə də pis deyil”.
“Mənim 20 yaşım var. Mən ərimlə Tripoli şəhərində tanış olmuşam. Oradakı həyat tərzi çətin idi, elə buna görə də mən tez ərə getdim. İlk uşağımı 15 yaşında olarkən dünyaya gətirdim, bir il sonra isə 2-ci övladım doğuldu. Daha sonra isə mənim ərim sələfilərə qoşuldu. Onlar ərimə “cihad” haqda danışdılar və başa saldılar ki, o, İŞİD-ə qoşulmalıdır. Ərim məni də inandırdı ki, orada pis bir şey yoxdur. Mən onun arvadı idim, onun sözlərinə inandım”- deyə qız bildirib. Onun sözlərinə görə, əri ilə birgə İŞİD-ə qoşulmaq qərarı haqda qohumlarına məlumat verməmişdi. “Mən təyyarə ilə Türkiyəyə getdim. Oradan isə məni Suriyaya göndərdilər. İŞİD terrorçuları kişiləri öldürürdülər, qadınları ilə yaşayış yerlərinə görə yerbəyer edirdilər: qızları ərli qadınlardan və kölə qızlardan ayırırdılar. Əgər mən İŞİD-in nə olduğunu bilsəydim, ərimin ardınca getməzdim”- deyə Nur əl-Xuda əlavə edib.
Xədicə də Nur əl-Xuda ilə razıdır: “İŞİD çox pis idi: zülm və zorakılıq hökmranlıq edirdi. Qadınların qaldığı yerlərdə çoxlu pisliklər vardı. Uşaqlar qotur idi, onları bit-birə basmışdı. Uşaqlar xəstə olan zaman isə, onları poliklinikalarda müalicə etmirdilər”.
Xədicə Raqqa şəhərində Um Adam adlı mərakeşli qadının da olduğunu xatırlayır: “Um Adam qadınlar üçün nəzərdə tutulmuş İŞİD yataqxanalarını çox sərt şəkildə idarə edirdi. Əgər qızlardan biri yanlış bir iş görsə idi, onu qapısı və pəncərələri olmayan otaqlara kilidləyirdi. Həmin otaqların aşağısında balaca deşiklər olurdu, həmin deşiklərdən isə otaqlara yemək verildi. O otaqlar həbsxananı xatırladırdı”- deyə qız bildirib.
Xədicə həmçinin etiraf edib ki, terrorçuların qanuni arvadları ilə yanaşı intim münasibətlər üçün nəzərdə tutulmuş kölələri də var. Terrorçular həmin kölələri alırlar, bir-biriləri ilə dəyişirlər və hədiyyə edirlər. Bu işdə ən çox yezidi qadınlara tələbat var. “Terrorçunun arvadı və köləsi ayrı-ayrı yerlərdə yaşayırlar. Terrorçu isə sıra ilə onların yanında olur: bir gün biri ilə, bir gün digəri ilə”- deyə o bildirib.
Nur əl-Xuda da Xədicənin dediklərini təkrarlayıb. O qeyd edib ki, terrorçular kölələrə xüsusi diqqət yetirirdilər, onlar bu yolla kölələri daha baha qiymətə satmağa çalışırdılar: “Kölə edilmiş qızlara çox vaxt ayrılırdı: onları 15 min dollara sata bilmək üçün qızlara kosmetika alırdılar. Bakirələri isə 30 min dollara satırdılar. Azyaşlı qız uşaqlarını da satırdılar. Məsələn, 10 yaşlı bir qızı 10 min dollara satmaq istəyirdilər”.
Nur əl-Xuda xatırladıb ki, bəzi qızlar terrorçulardan qaça bilirdilər, lakin belə olan halda qaçmağa yardım edənlər qətlə yetirilirdi.
Xədicə də, Nur əl-Huda da sonda qeyd ediblər ki, həyatlarında “ağ səhifə açaraq” vətənlərinə geri dönmək istəyərdilər.
“Ərim və mən bura gəlməklə çox böyük bir səhvə yol verdik. İŞİD-in guya ki İslam dövləti olduğunu, İslama əməl etdiyini, Quran və peyğəmbərin qanunları ilə yaşadığını iddia edən heç kəsə inanmamağı məsləhət görürəm. Hər kim terrorçulara qarşı çıxırsa, onun başını kəsirlər”- deyə Xədicə əlavə edib.
Xədicə və Nur əl-Xuda kimi qızlardan fərqli olaraq, İŞİD-dəki halından razı olanlar da var. Bu cür təəssübkeş qadınlar terrorçu ərlərindən razı olsalar da bəzən onlarla kölələrinə qarşı olan həvəslərinə görə dalaşa da bilirdilər. Belə qadınlar ərlərinin kölələrə nə qədər diqqət ayırmasından danışıblar. “Qanuni arvadlarla intim-qullar arasında çoxlu münaqişələr var. Bəzi qadınlar hətta buna görə ərlərindən boşanırlar. Kişilər kölələrinə həddən çox pul xərcləyirlər, onlar üçün ən yaxşı kosmetikalar, əşyalar və bər-bəzəklər alırlar”- deyə terrorçulardan birinin arvadı deyib. Həmin qadının sözlərinə görə, onun ərinin telefonunda xüsusi proqram vardı. Həmin proqramda kölə qızların şəkilləri və qiymətləri yazılırdı. O qeyd edir ki, elə qadınlar var ki, özlərini ancaq və ancaq Əbu Bəkr əl-Bağdadiyə uyğun görürdülər: “Belə qızlardan biri bu bəhanə ilə öz kişisindən imtina etdi. Digər qadınlar isə ona tez məsləhət verdilər ki, özünü çox da yormasın, çünki Bağdadini artıq “məşğul” ediblər”.
Qeyd edək ki, terrorçuların liderinin “pərəstişkarlarının” arzusu ürəyində qalmalı olacaq, çünki o artıq məhv edilib. Artıq terrorçuların özləri də bildiriblər ki, liderləri sağ deyil.

islamazeri.com

Deputat Aqil Abbas: Benzinin qalxmasını böyük sevinclə qarşıladım

“Benzinin qiymətinin qalxmasını böyük sevinclə qarşıladım. Millətimizi təbrik edirəm. Bu xoşbəxtliyi bizə yaşatdığına görə müvafiq qurumlara da təşəkkürümü çatdırıram”.
Bunu femida.az-a açıqlamasında millət vəkili Aqil Abbas deyib.
Deputat vətəndaşlara 15 iyul tarixini bayram kimi qeyd etməyə çağırdı: “Azərbaycanda benzinin qiyməti 2 manat olmalıdır. Dünyanın digər ölkələri ilə muqayisədə Azərbaycanda benzinin qiyməti çox ucuzdur. Azərbaycan xalqı bütün günü bayram edir. Benzinin qiyməti 3-4 manat olsa belə, bu, xalqın yaşayışına mənfi təsir göstərməz. Vətəndaşlara da məsləhətim odur ki, 15 iyul tarixini xüsusi gün kimi qeyd eləsinlər”. 
Qeyd edək ki, Tarif (qiymət) Şurasının 2017-ci ilin 14 iyul tarixində keçirilmiş növbəti iclasında Azərbaycan Respublikası Dövlət Neft Şirkətinin (SOCAR) müraciəti əsasında “Aİ-92” markalı avtomobil benzininin pərakəndə satış qiymətinə baxılıb, müvafiq tarif tənzimlənməsi həyata keçirilib. Tarif (qiymət) Şurasının iclasında “Aİ-92” markalı avtomobil benzininin pərakəndə satış qiyməti 1 litr üçün 90 qəpik səviyyəsində təsdiq edilib.

13.07.2017

Atasız

Əbil Əbilov

Gecə-gündüz çəkirəm həsrəti hicran Atasız.
Ürəyim etmədədir naləvü əfğan Atasız.

İstərəm bir də camalın görüm ey kaş ki onun,
Qaldı əfsus gözüm bu dəhrdə giryan Atasız.

Onun üçün ürəyim çox darıxır, mən nə edim?
Eyləmir tab bu ürək gör necə bir an Atasız.

Kimsənin görməsini istəmədim göz yaşımı,
Hər gedəndə tökürəm qəbrinə pünhan Atasız.

Daima səslədim ol dadıma bir dəfə gələr,
Kaş onu bir də görəm, dözmür axı can Atasız.

O gedənnən neçə illərdi ki, gülməz bu üzüm,
Neçə illərdi ürək qaldı pərişan Atasız.

Məni tək qoydu atam,  yandı ürək, çəkdim əzab,
Oldu dünya Əbil üçün qara zindan Atasız.