20-25 il əvvələ kimi jele zad vuran, koroçe şampunçiklik eliyən birinə, zarafatla deyəndə ki "türkə oxşayırsan" - az qala qan tökülürdü.
Ən yaxşı halda cavab "türk sənin var-yoxundur, qatığlama" zad olurdu.
İndi həmin oğlanların əksəriyyəti atasının goruna and içir ki, türk oğlu türkəm. Bunu da belə izah edirlər ki, "Sovet hökuməti bizim tariximizi gizlədirdi, milli kimliyimizi unutdurmuşdu".., koroçe Məlikməmmədin nağılını danışırlar.
Nəsə... Bir tərəfdən belə nağıllarla ya özlərini inandırırlar, ya da başqalarını inandırmaq istəyirlər. Amma "soy kökünü unudan biqeyrət olar" zad deyə biləcək qədər həyasızdırlar.
Belə çıxır ya babaları biqeyrət olub ki, türk olduğunu unudub, ya da özləri biqeyrətdilər ki, azəri olduqlarını unudurlar... Hətta sanki azəri olmaq təhqirmiş kimi "bizə azəri deməyin" deyirlər.
Tarixi unutdurmağı, tarixin təhrif edilməsini hardasa başa düşmək olar. Amma milli kimliyini necə unutdura bilərdi axı!? Yəqin Sovet hökuməti vaxtı Kaşpirovski kimi ekstrasenslər televizordan gipnoz edib, bunların milli kimliyini unutdururmuş.
İnsan nə qədər axmaq olmalıdır ki, özünü belə gülünc vəziyyətə qoya.
Sovet hökuməti heç vaxt Türkiyə qədər milliyyətçi olmayıb. Kürdlər öz kürd olduğunu unutdumu? Sovet dövləti öz məkanında heç kimə talış, ləzgi, tatar, gürcü, çeçen - koroçe heç kimə öz milli kimliyini unutdurmadı, tək bunlara unutdurdu? Elədirsə... öl yerə gir də!
Təbii ki, elə deyil!.. Biz azərbaycanlılarıq, o cümlədən mənim-sənin anamız da azərilərdir. Azərini təhqir kimi qəbul edən özünü tanımır. Sadəcə türkdilliyik, vəssalam.
Комментариев нет:
Отправить комментарий