Erməni siyasi xadimi Vardan Qukasyan:

“BMT Azərbaycanı aqressor adlandırır. ABŞ, Kanada, Fransa kimi NATO ölkələri də Azərbaycanı aqressor adlandırır. Bircə Rusiya Azərbaycanı aqressor adlandırmır, hətta deyir ki, Ermənistan Qarabağ torpaqlarından çıxmalıdır. Ona görə də biz KTMT-ni tərk etməliyik”.

***

“Biz dəfələrlə Rusiyaya və KTMT-yə müraciət etdik ki, Azərbaycan bizə təcavüz edir. Lakin KTMT bizə heç bir kömək etmədi. Rusiya yüksəkçinli məmurları bizə bildirdilər ki, bu münaqişədə Azərbaycan günahkar deyil, Ermənistan günahkardır! Rusiya açıq-aşkar Azərbaycanın maraqlarını qoruyur. İndi baxın, Rusiya və KTMT bizə heç bir dəstək vermədiyi halda ABŞ-ın ikinci nüfuzlu şəxsi Nensi Pelosi okeanın o tərəfindən gəldi və bizə dəstək oldu. Onda deyin, bu Rusiya və KTMT bizim nəyimizə gərəkdir?”

***

“Rusiyanın politoloqu gəlib Şuşada deyir ki, Qarabağda yaşamaq istəyən ermənilər Azərbaycanın vətəndaşlığını qəbul etməlidirlər. Deyin, hansı ABŞ siyasətçisi və ya məmuru belə deyir?! Əksinə, ABŞ Azərbaycanı təcavüzkar adlandırır və Qarabağdan çıxmasını tələb edir. Rusiya isə bu məsələdə bizim özümüzü təcavüzkar adlandırır və Azərbaycanın tərəfini tutur. Ona görə də erməni xalqı ölkə rəhbərliyindən KTMT-dən çıxmağı və NATO-da yer almağı tələb edir”.