Səadət Abdullayeva - TƏRƏDDÜD

Bəzən gah düşünüb

Fikrə dalırsan

Bəzən də həm qorxub,

Həm usanırsan.

Gedim ya getməyim,

Edim ya etməyim.

Bir addım irəli,

Bir addım geri

Birdən ürəyində təşviş

Edirsən,

Köməyə çatımmı, yoxsa

Çatmayım.

Əlini verməyib inad

Edirsən,

Bir addım irəli,

Bir addım geri.

Deyir, həyatından artıq

İstəyir.

Məni itirirsə, ölmək

İstəyir.

Görəsən ürəyim onu

İstəyir?

Bir addım irəli,

Bir addım geri.

Onu bağışlamaq olarmı

Görən?!

Ondan qorxduğumu düşünər

Birdən,

Məni alicənab sanarmı

Görən?!

Bir addım irəli,

Bir addım geri.

Bu yolu gedim

Yoxsa getməyim?!

Məni gözləyən var,

Əşi, neyləyim?! 

Gözləri yoldadır 

Bəlkə zəng edim?!

Bir addım irəli,

Bir addım geri.

Söz söyləməliyəm

Deyən yeri deyil.

Qoy fikrimi deyim,

Yoxsa vaxtı deyil.

Vaxtımı satıram,

Gün ömürdən gedir.

Bir addım irəli,

Bir addım geri.

Nə qədər tərəddüd eyləmək 

olar,

Həyatda ya qorxmaq, ya da 

Qorxmazsan.

Bir dəfə ürəkli olsaq da 

olar.

Addımı irəli sən 

Atmalısan.