Əgər belə bir iş Türkəyədə baş versəydi, türk vətəndaşı azərbaycanlıya görə öz vəzifəsindən azad edilərdimi?

Mübariz İbrahim

Azərbaycanda türk jurnalistindən Azərbaycan dilində danışmasını tələb etdiyinə görə azərbaycanlı xanım öz doğma vətənində işdən kənarlaşdırıldı.

Dünyada belə bir şeyin analoqu varmı?

Əgər belə bir iş Türkəyədə baş versəydi, türk vətəndaşı azərbaycanlıya görə öz vəzifəsindən azad edilərdimi?!

Azərbaycanlı xanımın türk jurnalisti ilə mübahisəsinin hansı səbəbdən olduğu önəmli deyil, önəmli bu xanımın öz ana dilimizə qiymət verməsidir.

Eşq olsun ana dilinə və digər milli dəyərlərə bu cür hörmət bəsləyən insanlara!

Və ar olsun onlarla bu cür rəftar edənlərə!

Türkiyənin xarici işlər naziri Binəli Yıldırımın şiələrə qarşı söylədiyi fikrin cavabında türklərin azərbaycanlıların həqiqi dostu olmadığını möhkəm dəlil vasitəsilə sübut etmişdim. Bu da bir nümunə.

Ey türksevərlər və Ərdoğan aşiqləri! Buna nə sözünüz?!

Azərbaycanda planlı şəkildə gedən proseslər bunu göstərir ki, həm ana dilimiz və digər milli dəyərlərimiz yavaş-yavaş aradan getmək üzrədir, həm də şiəlik məktəbi.

Bakıdakı restoranların çoxunda, demək olar 95 faizında menyular türk dilindədir və yalnız türk yeməkləri reklam olunur. Milli dəyərlərimizin aradan getməsi üçün bu kiçik bir nümunədir.

Əhli Beyt (ə) məktəbinin aradan getməsinə sübut isə yalnız şiə alimlərinə təzyiqin göstərilməsi, onlara cəsus, vətən xaini və bu kimi adların verilməsi və onların zindana atılmasıdır.

Bu da bir nümunədir.

İbadət əhli olmasından asılı olmayaraq hansı ağıllı və insaflı insanın məntiqi bunu qəbul edir?!

Hər millətin pisi və yaxşısı olduğu kimi hər din və məzhəbdə də qüsurlu dindarlar var.

https://youtu.be/7GhKn9NozXc