Urus omedə?!

Lerik rayonunun Lərmərud kəndində iliyinə qədər kommunist olan bir kişi yaşayırdı. Sabir kişi. 2016-cı ildə vəfat etdi. Çox xeyirxah, bir az əsəbi və qeyri-adi adam idi. 84 yaşında dünyasını dəyişdi. Şir biləkli kişi idi. Kəndə gələnlərə ilk sualı bu olardı: Urus omedə?! Yəni Rus gəlir?!

Bu həmin məşhur Sabir mamudur. Videosu var, deyir Azərbaycan neftini Rusiya çıxarıb, işıq Rusiyanın olub, dəmiryolunu bizə Rusiya çəkib, əsl pul Rusiyanın pulu idi, o vaxt ucuzçuluq idi, 40 manata Moskvaya gedərdin və s. Uzun müddət mantyor işləyib. Əsgərlikdə belə mantyor olub. Omskda, Sverdlovskda, Çelyabinskda elektrikləşmədə fəal iştirak edib. Çox əqidəli və təmiz kişi idi. Sağlığında özünə baş daşı düzəltdirmişdi. (Mahir Əliyev)