Türkmən əsilli iraqlı deyirdi: “2 aya yaxın İŞİD Amirli məntəqəsini mühasirədə saxladı. Son günlərdə ailəmin qadınlarını bir otağa topladım. Pəncərəyə 2 qumbara qoydum. Hamısına dedim ki, atışmanı lap yaxında eşidən kimi bu otağa toplaşın, mən çatmasam, bu qumbaraları partladın ki, İŞİD-ə əsir düşməyəsiz. Qasim Süleymani gəlməsəydi, İŞİD Amirlidəki 200 min türkmənə divan tutacaqdı. Hacı Qasim 200 min şiə türkmənin namusunu xilas elədi!”

Adam həmin səhnəni təsəvvür belə eləməkdə çətinlik çəkir. Ailənin əziz xanımlarını bir yerə yığıb deyəsən ki, mən çatmasam özünüzü öldürün! Çatsam, özüm öldürəcəm sizi!

Yalnız bu dəhşəti təsəvvür eləyə bilən, namusu, şərəfi hər şeydən üstün tutan şəxs Hacı Qasim Süleymaninin ümumbəşəri dəyər olduğunu anlaya bilər!

Heç kimdən, heç nədən çəkinməyərək küçədə şəhid olmuş əsgərinin anasının qarşısında diz çökən, onun ayağından öpən bir General tanıyırsızmı?!

Fidan Quluzadə