6-cı kolonun dövlətçiliyimizə qarşı yaratdığı təhlükə barədə

Cəmil Şirvanov

Avrasiya Hərəkatı Azərbaycan təşkilatının

sədr müavini

Xalqımız 6-cı kolona qarşı mübarizəyə qalxmalıdır

5-ci kolonun kim olduğunu hamı bilir. Hətta Qərbin özündə 5-ci kolon dedikdə xarici ölkələrdə Qərbə işləyən, atlantik maraqları qoruyan, NATO-çu diskursu ifadə edən təsir agentləri qrupu nəzərdə tutulur. Lakin maraqlıdır ki, Azərbaycanda bizim daim sudan quru çıxmağı bacaran liberallarımız bu yarlıkı Rusiya və İranyönlülərə yapışdırıblar. Necə deyərlər, kor kora kor deməsə məsələsi...

Tanınmış Rusiya geopolitiki, professor Aleksandr Duqin öz tədqiqatlarında sadə sözlərlə desək, dünyanı iki yerə bölür, dünya tarixini Su və Quru sivilizasiyalarının planetar dueli fonunda təqdim edir. Su (Dəniz) sivilizasiyası dedikdə o Qərbi, Quru sivilizasiyası dedikdə isə Rusiya və İranın yerləşdiyi məkanı nəzərdə tutur. O Kontentlərin Böyük Müharibəsindən bəhs edir ki, bu elə tarixin qərinələrindən gələn Xeyirlə Şərin müharibəsidir. SSRİ-nin dağılmasından sonra bu çarpışma daha da kəskin şəkil almışdır.

Müasir geopolitika ölkələri və cəmiyyətləri rayonlaşdıraraq iki qrupa bölür. Bir qrupda Su sivilizasiyasına, yəni Qərbə aid olan, ticarət-kolonial tipli imperiyanı əks etdirən ərazilər, ölkələr, siyasi və ictimai hərəkatlar toplanıb, digər qrupda isə Quru sivilizasiyasına aid olan, yəni ənənəvi dəyərləri qoruyan imperiya tipli məkanlardır.

Amerikan təsiri altında olan Şimali Amerika, Avropa Birliyi, dünyadakı amerikanyönümlü rejimlər və siyasi strukturlar- bunlar atlantizmə, Dəniz sivilizasiyasına aid olan məkanlardır. Quru sivilizasiyasına isə mərkəzində Rusiya duran və ona bağlı olan strateji zonalar aiddir. Dünya beləcə iki yerə bölünərək müharibə vəziyyətinə gəlib.

Elə indinin özündə də Rusiyanın tərəfinə avrasiyaçı, ənənəvi dini dəstəkləyən, yəni Quru yolla hərəkət edən mədəniyyətlər və cəmiyyətlər can atır, ABŞ və NATO-nun tərəfinə isə atlantik, satanist, yəni Dəniz yolu ilə hərəkət edən mədəniyyət və cəmiyyətlər meyllənir.

Duqinə görə iki cür müxalifət var. Biri küçə aksiyaları keçirən eksplisit müxalifət, digəri isə onlara dəstək verən, oliqarxlardan, media-holdinq rəhbərlərindən, müxalifət nazirlərinin kurasiyaçılarından, hakimiyyət koridorlarındakı əlaqələrini hələ də saxlamış keçmiş məmurlardan ibarət implisit müxalifət. Gizli müxalifət adı da verə biləcəyimiz ikinci qism müxalifət birincilər kimi radikal olmasalar, daha mülayim, qalstuklu qərbçilərdir.

Geopolitik nöqteyi-nəzərdən hər iki qrup xalqın düşmənidir, çünki Qərb agenturasıdırlar, NATO maraqları üçün çalışırlar və istənilən xəyanətə əl atmağa hazırdırlar ki, təki ölkəmiz tam ABŞ nəzarətinə düşsün. Aydındır ki, 6-cı kolon 5-ci kolondan daha təhlükəlidir. Məhz bu səbəbə görə Duqin 6-cı kolonu xalqların “ekzistensial düşməni” adlandırılır. 

Hər iki qrup sözdə xalqın qayğısına qalmaqdan dəm vursa da, cəmiyyətin həssas nöqtələrinə toxunaraq reytinq qazanmağa çalışsa da, əslində kapitalizmin, bazar iqtisadiyyatının tam bərqərar olmasında, bank sələminin daim ayaqda qalmasında, ölkəmizin təbii resurslarının BP tərəfindən talanmasında maraqlıdırlar, çünki buna qarşı getmək- onların kislorodunun bağlanması, qərbli donorlarının üz döndərməsi ilə nəticələnə bilər. Bu qruplar daim xalqın rifahının yaxşılaşdırılmasına, sosial ədalətin bərqərar olmasına qarşı gedəcəklər, avrasiyaçılığı, ölkəmizin Rusiya ilə inteqrasiyasını sabotaj edəcəklər. Təsəvvür edin ki, xalqımızı o qədər zombiləşdiriblər ki, liberal müxalifət açıq-aşkar xalqın düşməni olsa da, xalq onu öz xilaskarı, hüquqlarının müdafiəçisi kimi qəbul edir. Başa düşmək lazımdır ki, həmin müxalifət rəhbərləri ara-sıra şiəliyi, ənənəvi islamçıları dəstəkləsələr də, hakimiyyətə gələn kimi ilk növbədə şiə din xadimlərini məhv edəcəklər, çünki bunu onların mənsub olduğu atlantik sistem tələb edir.

Həm 5-ci, həm də 6-cı kolon bizə düşmən olan sivilizasiyaya- Qərb sivilizasiyasına işləyir. Xalqçılıq mövqeyindən baxanda hər iki qrupun eyni ağası var: Sem dayı. Hər iki qrupun qibləsi Pensilvaniyadadır. Hər iki qrupun idealı, orientiri eynidir- ABŞ, Qərb, liberalizm, bankir sistemi, qlobal maliyyə oliqarxiyası. Onlar Azərbaycanı Hindistan və Banqladeş kimi İngilətərənin zəlil koloniyasına çevirmək istəyirlər. Müxalifət nazirlərinin bir çoxu da Qərbin ərsəyə gətirdiyi oliqarx məmurlar kimi Londonda mülklər alıblar.

Düşünürəm ki, ölkəmizdə yeni siyasi dövr- bu iki təhlükəli qrupa qarşı mübarizə erası başlamışdır. Əsl satqınlar da onlardır və likvidasiya olmasalar, cəmiyyətimiz üçün böyük təhlükələr törədəcəklər. Onlar istəyirlər ki, xalqımızı sionistlərin, satanistlərin cənginə versinlər, ölkəmizi koloniyaya çevirərək bizi anqlosaksonların quluna çevirsinlər. Bİz artıq bunu başa düşməliyik, 5-ci və ya 6-cı kolon olmasından asılı olmayaraq atlantistlərə qarşı mübarizədə birləşməliyik.

Bu gün siyasətdə, iqtisadiyyatda, ticarətdə, mədəniyyətdə, təhsildə hegemonluq edən 6-cı kolon əsasən nurçulardan ibarətdir. Onlar ənənəvi dinimizə qarşı kəskin mövqe tutublar, xalqımızın səfalətli halda yaşamasının birbaşa baiskarlarıdır. Effektiv dövlət menecerlərinin, loyal oliqarxların, Qərb səfirliklərinin yolunu su yoluna döndərən deputatların, bir əli BP-nin cibində olan siyasətçilərin bir qismi nurçulardan ibarətdir. Nə qədər ki, onlar Azərbaycanda hegemondurlar, Azərbaycan inkişaf etməyəcək.

6-cı kolon əslində ən təhlükəli müxalifətdir- dövlətçiliyimizə qarşı atlantik müxalifətdir. Hansısa ştatdankənar vəziyyət, siyasi xaos yaranarsa onlar baş qaldıracaqlar. Araşdırsaz görərsiz ki, Ukrayna təkcə Yevromaydanda özünü yırtan 5-ci kolonun badına getmədi, əslində Yanukoviç administrasiyasındakı və iqtidarın “Regionlar Partiyası”ndakı 6-cı kolon nümayəndələrinin badına getdi. Ukraynadakı çevrilişi əslində müxalifət yox, hakimiyyətdəki Qərb agenturası həyata keçirdi. Vaşinqton strateqləri belə ssenaridən dəfələrlə Azərbaycan üçün də hazırlayıblar, lakin dövlətimizin ayıq-sayıqlığı nəticəsində bu mümkün olmayıb.

Prezidentimizin böyük bir tarixi zəfərə imza atması- Qarabağın geri alınması əslində 5-ci kolonda olduğu kimi 6-cı kolonda da nifrət doğurmuşdur, çünki bu müharibədə Ermənistanı onların ağaları- Qərb dəstəkləyirdi. Biz əslində Qərbi sındıraraq torpaqlarımızı geri qaytardıq. Məhz buna görə prezidentimizin adı tarixə qızıl hərflərlə yazıldı.  Qarabağ müharibəsində açıq-aşkar gördük ki, prezident xalqın tərəfindədir. Onun uğurları- bizim də uğurlarımızdır. Onun yıxılması- xalqımızın sonunun başlanğıcı deməkdir.

Biz bu gün həm 5-ci, həm də 6-cı kolondan olan atlanistlərə qarşı sıx birləşməliyik- xalqımızı gözlənilən qlobal təhlükələrdən qorumağın əsas yolu da budur.