Dövlət Baxçalı Baydenə cavab olaraq Rusiyanın S-400 sistemini işə salmağa çağırdı

Baxçalı: “Bayden nifrətin alovlandırılmasına görə cinayət törətmişdir”

Türkiyə Milliyyətçi Hərəkat Partiyası sədri Dövlət Baxçalı ABŞ prezidenti Co Baydenin Osmanlı imperiyasında baş verən hadisələri “genosid” kimi tanımasına cavab olaraq Rusiyadan alınmış S-400 zenit-raket sistemini işə salmağı təklif etmişdir.

“Biz hesab edirik ki, Türkiyə ilə ABŞ arasıda münasibətlər tarixi ayrılıq dövrünə gəlib çatmışdır. Baydenin bəyanatına cavab kimi biz ilk olaraq S-400-ü aktivləşdirməli, F-35 qırıcılarına görə pulları geri qaytarmalıyıq”- Baxçalı bildirmişdir.

Baxçalının sözlərinə görə qondarma erməni genosidi tanımaqla “Bayden İnsan hüquqları deklarasiyasının 11-ci maddəsinə uyğun olaraq nifrətin alovlandırılmasına görə cinayət törətmişdir”.