Mirfəyaz Likməkani
Qətedəm zonın dı vanqo
Bəmedəm coyli ha şanqo
Konco mandiş çımı Leyla...?
Mıni bıstən ğəmi çanqo.
Tıni bə yod hejo vardəm
Botıro həftoği bardəm
Konco mandiş çımı Leyla...?
Həni mardəm, həni mardəm.
Ujənən mıku ta kardə
Çımı şoy-voy dıştə bardə
Konco mandiş çımı Leyla...?
Ujən dıləm dılə hardə.
Boy, oqard dıli şo bıkə
Dard-ğəri mıku co bıkə.
Konco mandiş çımı Leyla...?
Mıni kam çəşbəro bıkə.
Boy bətı ovardom, bışi
Bəştı sə bıqardom, bışi
Konco mandiş çımı Leyla...?
Bıvəşom, bımardom, bışi.
Qətedəm zonın dı vanqo
Bəmedəm coyli ha şanqo
Konco mandiş çımı Leyla
Mıni bıstən ğəmi çanqo...
Комментариев нет:
Отправить комментарий