Putinin tayı-bərabəri yoxdur

Vladimir Putin yalnız gələcək nəsillərin aça biləcəyi böyük bir sirrdir.

Xaricdə hamı Rusiya Prezidentinə bağlı qapılar arxasındakı müəmma kimi baxır, onu içəridə görünməyən “qara qutu” hesab edir. 

Bir çox müasirləri Putini kibernetik sistemə bənzədirlər. Onun hərəkətlərini proqnozlaşdırmaq mümkün deyil, ancaq başlanğıcda güman edilə və fəaliyyətdə hiss oluna bilər. Ona görə də özünü Putinə düşmən hesab edənlər ondan qorxurlar.

Onun arxasında qüdrətli, ruhlu və vətənpərvər bir dövlət dayanır!

Yeri gəlmişkən, vətənpərvərlik Putinin xarakterinin əsas xüsusiyyətidir. 

O Rusiya və onun maraqları arxasında dağ kimi dayanıb, ölkəsinin əvvəlki əzəmətini qaytarmaq və daha da gücləndirmək üçün hər şey edir.  

90-cı illərin alçaldılmış, yoxsullaşan, quldurluq və soyğunçuluqdan əziyyət çəkən Rusiyasını xatırlayaraq, xoşbəxt olanlar onun indiki dirçəlişinə hələ də inana bilmirlər.

Amma indi bütün bədxahlar Rusiyanın ayağa qalxmasına dözməlidir. Yalnız Vladimir Putinin sayəsində! Putindən başqası buna nail ola bilərdimi? Çətin! 

Siyasi üfüqdə ona bərabər şəxsiyyət yoxdur. Kəşfiyyatçı peşəsi, şübhəsiz, Vladimir Putinə dözümlü olmağı öyrədib, emosiyalarını gizlətmək bacarığı aşılayıb. O istənilən situasiyada özünü sakit, təmkinli, soyuqqanlı apara bilir. 

Eyni zamanda güclü xarizmaya malikdir, cəsarətli və hünər göstərməyə qadirdir. Bu həmişə hiss olunur. Putin planlarını sona çatdırmağı bacardığını dəfələrlə sübut edib.  

O səsini ucaltmır, sakit danışır. İş bacarmayanları, xəzinə oğrularını vəzifələrindən sakitcə uzaqlaşdırır. Mən Prezidentin bəyan etdiyi və uğursuz nəticələnən heç bir iş barədə eşitməmişəm. 

Putin qətiyyətli insandır, tez reaksiya verir, amma heç vaxt

həyəcanlanmır, balanslı və düşünülmüş qərarlar verir.

Rusiya Prezidenti taktikalı, əla təşkilatçılıq qabiliyyətinə malik strateqdir və şübhəsiz, işgüzardır. Bu qədər işləmək üçün gücü hardan aldığını ancaq təxmin etmək olar.

Vladimir Putinin ən mühüm keyfiyyəti təvazökarlığıdır.

Ailə üzvlərini ön plana çıxarmır, qızlarını dövlət vəzifələrinə təyin, ailəsini təbliğ etmir. Həyat yoldaşından ayrıldığını elan etməsi Vladimir Putin kimi adam üçün cəsarətli addımdır.

Razılaşın ki, o ümumiyyətlə bunu etməyə borclu deyildi, amma insanlar dedi-qodu etməsin, xalq arasında lazımsız söhbətlər yayılmasın deyə, hər şeyi özü açıqladı. 

Vladimir Vladimiroviç haqqında çox yazmaq, onun xarakterinə müxtəlif rakurslardan baxmaq olar.

Ancaq yekunlaşdıraraq demək istəyirəm ki, o əsl kişidir,

etibarlı, güclü, ağıllı, dürüst, cəsurdur!

Mən Putinlə fəxr edirəm və bilirəm ki, onun tayı-bərabəri yoxdur!!!

Yeqor (Smerş)