Avrasiya Hərəkatı Azərbaycan təşkilatının rəhbəri İbrahim Sel:
—Anlamağa can atın, bəs edər. Vətənimizin real tarixini öyrənməyə maraq göstərin. İmkan düşdükcə həqiqətlərin daha geniş xalq kütlələrinə yayılmasında bizə kömək edin. Sizin neytrallığınız düşmənlərimizin qol-qanadını açır, yeni-yeni saxtakarlıqlara imza atmalarına münbit şərait yaradır. Kimin ki azdan-çoxdan savadı var, öz üzərində işləyib özünü daha da mükəməlləşdirə bilər, zira indi internet əsridir. Azərbaycanımızın isə özəlliyi ondadır ki, əsl savadı masonların eybəcərləşdirdiyi ali təhsil proqramından yox, yalnız internetdən almaq olur. Kimin təhsili var, kimə ki Allah yazı yazmaq potensialı, fikirlərini ifadə etmək qabiliyyəti qismət edib, fürsəti qaçırmayın, qələminizin mürəkkəbini vətən yolunda israf edin.