20.02.2016

Hacı Arif Buzovnalı - Öhhö

Soydun, taladın milləti, vicdanına öhhö.
Guya ki çox imkanlısan, imkanına öhhö.

Bədbəxt, elə bilmə pul ömür bəxş eləyəndir,
Pul dinin olub, dininə imanına öhhö.

Dünya sənin olsa, yenə murdar olacaqsan,
Dünya ilə bu əhdinə peymanına öhhö.

Şümrün tayısan zülmü zinazadəliyində,
Səhmanına, meydanına, dövranına öhhö.

Yoxsul boğazın kəsməyin azmış kimi burda,
Qurban da dedin Kəbədə, qurbanına öhhö.

Zalimlik ilə ad çıxarıbsan sevinirsən,
Millət də deyir hər dəfə ad-sanına öhhö.

Varsan nə qədər dəhrdə sən, var nə qədər söz,
Arif yazacaq daima ünvanına öhhö.

Комментариев нет:

Отправить комментарий