NATO yalnız müasir havadan müdafiə silahları olmayan ölkələrə qarşı bir güc göstərə bilər. NATO-nun əsas taktikası ölkəyə girməmişdən əvvəl onun təyyarələrlə başdanbaşa bombardman edilməsidir. Özü də bu bombalar dinc insanların yaşadığı məskənlərə yağdırılır ki, həm xalqın döyüş əzmi qırılsın, həm də əhali küçələrə axışıb liderin hakimiyyəti təhvil verməsini tələb etsin. Amerikanlar yalnız cavab almayacaqlarına əmin olduqları yerlərdə hədlərini aşıb azğınlıq göstərirlər. Yerüstü döyüşlərdə texniki cəhətdən özlərinə bərabər olan rəqiblə üz-üzə gəlmək amerikanların dalı üçün deyil. Mərdi-mərdanəlik və ruh yüksəkliyi kimi xüsusiyyətlər amerikan əsgəri üçün yaddır. Babalarımızın Böyük Vətən Müharibəsində göstərdikləri şücaətin yüzdə birini ameikanlar hələ indiyədək göstərə bilməyiblər. Rus əsgəri Krımı bircə güllə atmadan tutdu, Suriyada əfsanələr yaratdı. Amerikan əsgərinin isə ayağı dəyən yerdə narkotik, fahişəlik, pozğunluq, zorakılıq və aclıq tüğyan edir. Budur rus əsgəri ilə amerikan əsgərinin fərqi! Bu gün dünyanın hər guşəsi ABŞ hərbi bazaları ilə dolduğu halda, hələ də mağmın liberallar Rusiya aqressiyasından danışırlar. Xalqın avanqard hissəsi kimi bildiririk ki, hər an ələ silah alıb amerikan və sionist tualarına qarşı vuruşmağa hazırıq və X günü öz sözümüzü deyəcəyik. El məsəlində deyildiyi kimi: Мало не покажется!

İbrahim Hümbətov, Azərbaycan Avrasiya Hərəkatı