Ölkənin müştəri haraylayan bankları varkən, müştəri haraylamayan, ancaq iradəcə zəif ziyalıları çox asanlıqla toruna salan, onları zor gücüylə diqtəsinə qul edən bir monastrı - sələmçi Kamandarı da var.
DOSYE: İmanov Kamandar Gəncəli oğlu. Adıçəkilən bu şəxs 1968-ci ildə Göyçə mahalının Daşkənd kəndində sürücü ailəsində anadan olmuşdur. Ali təhsillidir. Əmək fəaliyyətinə keçmiş avtomobil nəqliyyatı naziri Hüseyn Hüseynovun sürücüsü kimi başlamışdır. Adıçəkilən qurumdan sələmçi kimi ayrılmışdır. Kamandar İmanovun dünyaya gəlmə missiyası Azərbaycanın ziyalı kəsimini mənəvi cəhətdən məhv etməkdən ibarətdir.
Yazımıza sübut olaraq:
1. Fizika-riyaziyyat elmləri doktoru, professor Həsənov Xanlar Alı oğlu - ona verdiyi 20 min manat sələmin real nəticəsi olaraq, Xanlar Həsənovun hər şeyini əlindən almış, nəticədə mütərəqqi bir azərbaycanlı ailəsi dağılmışdır. Professor həyatının ən mürəkkəb və təhlükəli anlarından birini yaşayır.
2. Fizika-riyaziyyat elmləri namizədi, dosent Fərhad Şamil oğlu Kərimov. Müxtəlif vaxtlarda 19 min, 20 min, 23 min olmaqla sələm verən Kamandar eyni taleyi Fərhad müəllimə yaşatmış, qohumlarıyla birlikdə alimin evinə hücum etmiş, şantaj yollarla onun bütün əmlakına sahib olmuş, həyat yoldaşı bu sarsıntılardan sağalmaz şəkərli diabetə yoluxmuşdur. Yaşadığı ərazidə xüsusi hörmət və çəkiyə malik olan Azərbaycan ziyalısını qəsdən el arasında hörmətsiz etmək istiqamətində addımlar atmışdır. Vaxtilə özünün müəllimi olmuş bir ziyalının ailəsini pərən-pərən salmışdır.
3. Tibb elmləri üzrə fəlsəfə doktoru Şahməmmədov Nuru Saydam oğluna verdiyi 28 000 manat qarşılığında sələmlə şişirdərək 120 000 manata çatdırmış, ağsaqqal-qarasaqqal xahişlərindən sonra bir balaca yumşalmış, amma yenə də Abşeron rayon məhkəməsi sədrinin vasitəsiylə 20 noyabr 2015-ci ildə... 69 min manat borcun ödənilməsi haqqında qətnamə çıxartdırmışdır. Beləliklə də, haram pula halal haqq donu geyindirilmişdir.
Siyahını kifayət qədər Səfər doktorla, Hacı İlhamla çoxaltmaq olar. Amma bir məsələnin üstündən sükutla keçmək olmaz. Ən azından, sələmçiliyi özünə peşə seçən Kamandar İmanov el-obanın sayılıb-seçilən ziyalısı tibb elmləri namizədi, ATU-nun daxili xəstəliklər kafedrasının dosenti Mirəsgər Mirəşrəf oğlu Əsgərovu çirkin əməllərinin qurbanına çevirmiş, infarkt etmiş, ölüm həddinə çatdırmışdır.
Belə ki, 2014-cü ilin aprelində Mirəsgər Əsgərov 1997-ci ildən birinci qrup yataq xəstəsi olan əlil həyat yoldaşının müalicəsi üçün əlacsızlıqdan 20 min manatı 10 faizlə Kamandar İmanovdan sələmə aldıqdan sonra 6500 manatı ödəmişdir.
2015-ci ilin aprel ayında Kamandar İmanov növbəti, qabaqcadan düşünülmüş çirkin planını işə salmışdır.
Belə ki, Mirəsgər Əsgərov Kamandar İmanovun digər borclu - Fərhad Kərimova qarşı etdiklərindən məlumatlı olduğu üçün, eyni taleyi yaşamamaq, birinci qrup yataq xəstəsi olan həyat yoldaşının xatirinə 13500 manat borc əvəzinə notariusda Kamandar İmanovun təklif etdiyi 40000 manata imza etmişdir. Mirəsgər Əsgərov sənədə imza edərkən duz-çörək kəsdiyi Kamandar İmanovun səmimiyyətinə inanmışdır və ağlına da gətirməyib ki, namərdlik və səmimiyyətdən sui-istifadə edərək, işi icraya yönəltdirəcəkdir.
Son variantda Mirəsgər Əsgərov xilas yolunu məhkəməyə müraciət etməkdə görsə də, Nərimanov rayon məhkəməsinin hakimi Ramin Quliyev ilk hazırlıq iclasında "bu iş məhkəməlik deyil, gedin çöldə kişi kimi həll edin", desə də, axırda Kamandar İmanovun xeyrinə qətnamə çıxarmaqdan çəkinməmiş, şahidlərin teleqramlarını və ifadələrini nəzərə almamışdır. Baxmayaraq ki, məhkəmə mayın 2-nə təyin olunan prosesdə notariusdan gələn sənədlərə münasibət bildirməliykən, Mirəsgər Əsgərovun nümayəndəsini, qohumunu və şahidləri dinləməliykən, vəkilinin vəsatətini - məhkəmə prosesini üzrlü səbəbdən - Mirəsgər Əsgərovun geniş infarkt geçirməsini nəzərə alaraq ayrı vaxtda təyin etməliykən, bunları etmədən tamamilə qanunsuz qətnamə çıxarmışdır. Hakimin ya bu bacarıqlı və məşhur sələmçidən rüşvət, ya da hansısa zəng qarşılığında bu cür gözlənilməz və qanunazidd qətnamə çıxarması artıq ayrıca araşdırma mövzusudur.
Ayrıca qeyd etmək yerinə düşər ki, məhkəmə prosesində hakim Ramin Quliyev özü də Kamandar İmanovun fırıldaqçılıq zəminində addımlar atdığına, Mirəsgər Əsgərova borc verilməsi aktında kifayət qədər şər və böhtanın olması faktlarına şahid olsa da, birinci borcun ödənilmədiyi halda, niyə ikinci dəfə borc verilməsini əsaslandıra bilməyən Kamandar İmanova nədənsə məhkəməyə yalan deməyi də güzəştə getmişdir.
Verdiyi pulu sələmindən də artıq, ağlasığmayacaq qədər artığıyla alan və bunu rəsmən, məhkəmə hökmüylə həyata keçirən sələmçi Kamandarın belə imkanlara malik olmağı bir neçə əlavə sual da doğurur ki, onları da ardıcıllıqla çözəcəyik. Belə ki, heç bir qazanc və sərmayə gətirəcək işdə çalışmayan, ömrü boyu ya hansısa qarajın, ya da hansısa "xozeyin"in sürücüsü olan Kamandarın bu qədər pula haradan, haçan, necə sahib olması heç bir deklorasiya ilə nümayiş etdirilməsə də, məhkəmələr bu fakta sadəcə göz yummaqla, "ədalətin pərsəngi"ni vətəndaşlara qarşı ədalətsiz qətnamələr çıxarmaqla "sələm yürüşü"ndə Kamandara qələbələr qazandırmaqla "tənzimləyirlər".
Borc altından çıxa bilməyənlərlə özünəməxsus şəkildə haqq-hesab çəkən Kamandarın ən şah üsulu notariusla borclunun ona ödəməli məbləği istədiyi miqdarda təsdiqlətməsidir ki, əks halda borclunun evinə hücuma, "psixoloji müharibə"yə başlayır.
Ən sonda onu da bildirək ki, Kamandar İmanov iki övladını aldığı sələmlə ali məktəbdə oxutdurur. Bu iki övlad ali məktəbi qurtarıb çirkli pullarla aldığı təhsildən millətə hansı faydanı verəcək!?
P.S.Məşhur sələmçi ilə mübarizəsini davam etdirən seyyid-peyğəmbər övladı, tibb elmlər namizədi Mirəsgər Əsgərovun Apellyasiya Məhkəməsinə etdiyi şikayətini redaksiyamız nəzarətdə saxlayır və bununla bağlı oxucularımıza daha ətraflı məlumat verəcəyik.
Material Miq.az-ın redaksiyasına müraciət edən Əsgərov Mirəsgər Mirəşrəf oğlunun şikayət məktubu əsasında hazırlanmışdır.
Qarşı tərəfin də fikirlərini dərc etməyə hazırıq.
Mövzunu davam etdirəcəyik.
miq.az
Комментариев нет:
Отправить комментарий