Türkiyəlilərin Azərbaycanda gördükləri xeyir işlər

Elxan Zaman

1. Dövlət təsisatlarımıza müxtəlif təriqət mənsublarının sızdırılması, o cümlədən də sonradan terrorçu elan olunan FETÖ;

2. Azərbaycanın qida sənayesi, bankçılıq, təhsil, səhiyyə sahələrində fəaliyyətləri;

3. Ölkədəki korrupsiyada, ölkənin talan edilərək xaricə, o cümlədən də Türkiyəyə daşınmasında iştirak;

4. Keçən əsrdə bizim hesabımıza qan, can, mal və torpaqlarımız hesabına özünün erməni problemini, müasir dövrdə isə kürd problemini həll etməsi, buna müvafiq siyasət yürütməsi;

5. Ölkəmizdə monopoliyanın saxlanmasına maraq göstərməklə, yerli istehsalın çökdürülməsi və ölkəmizin türk malı ekspansiyasına uğramasını təmin edən siyasət yürütməsi (mənim yadımdadır, 80-ci illərin axırlarında yollar təzə açılanda camaat burdan Türkiyəyə fotoaparat, drel, üzqırxan maşınka, Bakmilin mətbəx kombaynlarını, mikserlər, ətçəkən aparatlar daşıyırdı);

6. Burda zavod, texnika, texnologiya, alim, elmi əsərlər qalmadı, hətta trolleybus xətlərini, kanalizasiya lyuklarını belə Türkiyəyə daşıyıb apardılar, əvəzində bakkuş, saqqız, bir də çikolata daşıyıb gətirdilər;

7. Elçibəy 200 milyon dollar borc istədi, onu belə qıymadılar, əvəzində ermənilərə taxıl və elektrik verdilər; 

8. Mətbuatımıza qənirələri, sevilləri, raufları, siyasətimizə fazilləri, gültəkinləri, qüdrətləri və müxtəlif sortlu demoqoqları doldurub millətimizin beynini, psixikasını təxrib etdilər;

9. Socar, işə ehtiyacı olan vətəndaşlarımızı işlə təmin etmək və ildə 300-400 milyon dollarlıq sürtgü yağlarına olan ehtiyaclarımızı təmin etmək üçün burda zavod tikmək əvəzinə aparıb 20 milyard pulumuzu Türkiyədə neftayırma zavodunun tikintisinə qoydu.

Türkiyənin bizə, bizim də Türkiyəyə verdiklərimiz bax bunlar olub... Şükür Allaha ki, indi internet əsridir, istənilən informasiyanı tapmaq və analiz etmək olur... Sadəcə, bu acı həqiqətləri qəbul etmək üçün ən azından vicdanın olmalıdır ki, girib araşdırasan...