Лезги чlал

Камалдин Ильясов

Зи чандилай багьа я заз лезги чlал,
Акъат тийир зи руьгьдай гьич рекьидал,
Къекъвез ава зи ивида, бендина,
Муьтlуьгъ тахьай чlал я женгина.

Зи лезги чlал чlаларилай ширинди,
Къизил я вун, хвейи халкьдин зигьинди,
Ви сесера чи рикlерин ван ава,
Сулейманан, шииратдин чlал ава.

Рекьидалди ам хуьнуьх чи буржи я,
Гьар са гаф чи булахар хьиз михьи я,
Тавакъуй хьуй алудмир чlал рикlелай
Булахд яд хьиз авахьрай ам мецелай.